EJEKIEL 20:6 - Bibəl ta Sar̄

⁶ Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

Bible sar

⁶ Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

EJEKIEL 20:6 Referans Kwoze

EJEKIEL 20:15

Banī m̄-túbə m-ādə̄də́ kem dəla loo tə́ kadə̄ m-ɔ́ŕdə́ ta róbə m-āw̄ sedə́ dɔ nang ń m-ādə̄də́ tə́ ní alé. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

JEREMI 32:22

Ḭ̄ ādə̄də́ ɓē ń toō ń ə̄nī ndūí dɔ tə́ ō, ī-túbə ō yā kadə̄ kaadə́ gə̄ ní. I ɓē kə́ mba ō, yibə̄ tejə ō ngá̰ý tū tə́.

PĀ GƏ̄ 48:2

Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́ kem ɓē yā Nə́ɓā yājí tə́, dɔ mbal̄ yān kə́ táĺ tə́.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.

Teē Ngán Israel gə̄ 33:3

Kə aw̄n̄ dɔ nang ń mba ō, yibə̄ tejə ō, na i ngá̰ý tū tə́ ní tə́. Ba na n-a n-njə̄rā dɔ dáńdə́ tə́ yā kaw̄ń sedə́ alé. Ré na n-njə̄rā dɔ dáńdə́ tə́ anī, na n-a n-tɔ̄l̄də́ róbó kɔ̄ɔ́ malang, tɔdɔ̄ nin̄ na i gír de kə́ dɔdə́ na ngan̄g ngá̰ý gə̄.

DANIEL 11:41

Ni a reē kem ɓē kə́ majə tɔȳ gotə ɓē gə̄ malang tə́ ō, ngá̰ý gə̄ a tə́sōn̄ ō. De gə̄ ń a teēn̄ ta jīn tə́ ní i Edom gə̄ ō, Moab gə̄ ō, de kə́ bo gə̄ yā ngán Amon gə̄ ō.

DANIEL 11:16

Nge taā loo ní a rāā yá̰a̰ i tītə̄ ń kemən ndigə ní sɔɔ̄ń dum̄ kə́ deē dum̄ tan aĺ tə́. Loo ń ni a mān̄ tū tə́ ɓáa a nujə loo tū tə́. Gō tə́ anī a ndi kem ɓē kə́ majə tɔȳ gotə ɓē gə̄ malang tə́.

EJEKIEL 20:42

M-ā m̄-tél yā kaw̄ sesí gogə́ dɔ nang kə́ Israel tə́, kem ɓē ń m-ə̄niń ndūḿ kadə̄ m-ādə̄ kaasí gə̄ ní. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 20:23

m̄-túbə m-ādə̄də́ kem dəla loo tə́ kadə̄ m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de kə́ rang gə̄ tə́, dɔ nang yā tə̄rā gə̄ tə́.

EJEKIEL 20:5

Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Ndɔ̄ ń m̄-gə̄rań ngán Israel gə̄ tə́ ní, m̄-túbə m-ə̄nīń ndūḿ m-ādə̄də́ kadə̄ nin̄ i deē yāḿ gə̄. m̄-rāā adə̄ nin̄ ger̄mə̄n̄ dɔ nang kə́ Ejiptə tə́. Ndūḿ ń m-ə̄nī ní n toó: Kɔ́ɔ̄ɓē, Nə́ɓā yāsí, i mā.

JEREMI 11:5

Ɓáa m-ā m̄-rāā yá̰á̰ ń m̄-túbə̄ njaḿ m-ādə̄ kaasí gə̄ á i kadə̄ m-ādə̄də́ ɓē kógə̄ḿ kə́ mba ō, yibə̄ tejə ō i ngá̰ý tū tə́ ní. Ngɔlaā ɓē ní i yāsí tə́ mámák. m̄-tél m-ə́da na rɔ̄kum, Kɔ́ɔ̄ɓē.

JOJUE 5:6

Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé,

NDŪ NAJƏ̄ 32:8

Dan ń Nə́ɓā kə́ dɔɔ́ sa̰y ngá̰ý gán̄g dɔ nang adə̄ nápar de gə̄ ō, ɔr̄ kam̄ de gə̄ naā tə́ ō ní, əndā dɔ nin̄ loo yā gír de gə̄ i kə gō kutə ngán Israel gēé.

NDŪ NAJƏ̄ 31:20

Tɔdɔ̄ m-ā m-āw̄ sedə́ dɔ nang ń mba ō, yibə̄ tejə ō, i ngá̰ý tū tə́ á m-ə̄nī ndūḿ m-ādə̄ kaadə́ gə̄ ní tə́. A əsan̄ yá̰a̰ kadə̄ asədə́ ō, a ndin̄ majə ō. Gō tə́ anī a tūrə̄n̄ rɔ̄də́ kə̄ rɔ̄ ɓesə̄ gə̄ tə́ yā rāā kəla kadə̄də́. Ba a kídə̄mə̄n̄ ō, a gāngə̄n̄ madə̄ naā ń m-ə́hɔ sedə́ ní kɔ̄ɔ́ ō.

NDŪ NAJƏ̄ 27:3

Ā ī-ndangiī yá̰á̰ kə́ yā rāā gə̄ malang ń ndū najə̄ ń toō əda ní dɔ tə́ ō. I beé n ā ūgīneé dɔ nang ń Kɔ́ɔ̄ɓē Nə́ɓā yāsí adə̄sí tə́ ní. Dɔ nang ń mba ō, yibə̄ tejə ō, i ngá̰ý tū tə́, tītə̄ ń Kɔ́ɔ̄ɓē Nə́ɓā yā kaasí gə̄ ədańsí ní.

NDŪ NAJƏ̄ 26:15

Beé ní, ḭ̄ ń ī-ndi dɔ rā̰ tə́ kem loo kə́ táĺ yāí tə́ ní, á̰a̰ā̰ ba ī-rāā majə kə ngán Israel gə̄ ń nin̄ i gír deē yāí gə̄ ní ō, ī-rāā majə kə dɔ nang ń mba ō, yibə̄ tejə ō, i ngá̰ý tū tə́ á ə̄nī ndūí ādə̄ kaají gə̄ yā kadə̄jí ní ō.

NDŪ NAJƏ̄ 26:9

Ni-reē sejí laā ba adə̄jí dɔ nang kə́ mba ō, yibə̄ tejə ō, i ngá̰ý tū tə́ ń toō.

NDŪ NAJƏ̄ 11:9

Loo ń noō tə́ a ī-ndiī kə kumsí ɓāl̄ ngá̰ý kem ɓē ń mba ō, yibə̄ tejə ō, i ngá̰ý tū tə́, á Kɔ́ɔ̄ɓē ənī ndūn yā kadə̄ kaasí gə̄ ō, ngáńdə́ gə̄ ō, ngán kaadə́ gə̄ ō ní.

NDŪ NAJƏ̄ 6:3

Ngán Israel gə̄ ōōī ō, ə̄ndāī kumsí gírí kadə̄ úniī gō ō, ɓáa rɔ̄sí a nel̄sí ō, kutəsí a reē ngá̰ý dɔ madə̄ tə́ ō, kem ɓē ń mba ō, yibə̄ tejə ō, i ngá̰ý tū tə́ ní tə́ tītə̄ ń Kɔ́ɔ̄ɓē Nə́ɓā yā kaasí ənīń míndən adə̄sí ní.

TƏ́DA 14:8

kə́ mba ō, yibə̄ tejə ō, i ngá̰ý tū tə́. Ré nel̄ Kɔ́ɔ̄ɓē sejí anī a aw̄ sejí tū tə́ yā kadə̄jí.

TƏ́DA 13:27

Najə̄ ń ədan̄ Moijə ní n toó: J-aw̄ j-ugə dɔ nang ń ə́lájí tū tə́ ní. I dɔ nang kə́ mba ō, yibə̄ tejə ō, i ngá̰ý tū tə́ rɔ̄kum. Á̰a̰ā̰ kan̄ kāgə̄ kə́ tū tə́ gə̄ n toó.

LEBI GƏ̄ 20:24

I tām̄ najə̄ ń noō tə́ n m-ə́dásí na i sḭḭ̄ n ā taāī dɔ nang yādə́ ní. M-ā m-ādə̄sí i kə yāsí tə́. I dɔ nang kə́ mba ō, yibə̄ tejə ō, i ngá̰ý tū tə́. Mā i Kɔ́ɔ̄ɓē Nə́ɓā yāsí, nge gə̄rāsí dan gír de gə̄ tə́ kəndāsí dáńg.

Teē Ngán Israel gə̄ 13:5

Loo ń Kɔ́ɔ̄ɓē aw̄ sesí adə̄ ūgī dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Hibi gə̄ tə́ ō, Yebus gə̄ tə́ ō anī, ā ī-rāāī nāā yā kadə̄ əgań kemsí dɔ yá̰á̰ ń rāā yá̰a̰ kem nāā ń toō tə́ ní kə dɔ ɓāl̄ gə̄. Dɔ nang ní i dɔ nang ń ni-ənī míndən dɔ tə́ adə̄ kaasí gə̄ yā kadə̄sí ní. I dɔ nang kə́ mba ō, yibə̄ tejə ō i ngá̰ý tū tə́.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

Teē Ngán Israel gə̄ 6:8

M-ā m-ɔ́ŕsí ta róbə yā kaw̄ sesí dɔ nang ń m-ə̄nī ndūḿ m-ādə̄ Abəraham ō, Isaak ō, Jakob ō, najə̄n tə́ ní. M-ā m-ādə̄sí dɔ nang ní kadə̄ tél yá̰a̰ yāsí. Mā i Kɔ́ɔ̄ɓē.

NDŪ NAJƏ̄ 32:40

M-ɔ́y jīḿ kə̄ dɔɔ́ ba m-ə̄nī ndūḿ kə najə̄ ń toō: m̄-ndi kə kumḿ ngándáńg.

PĀ GƏ̄ 106:24

Nin̄-kídə̄n̄ ɓē kə́ majə ngá̰ý, taān̄ kem najə̄ yān alé.

EJEKIEL 47:14

Sḭḭ̄ ā ī-nə̄ɓōī naā dɔ nang kadə̄ asə naā. Tɔdɔ̄ m-ə́la jīḿ kə̄ dɔɔ́ m̄-túbəń tām̄ kadə̄ m-ādə̄ kaasí gə̄ dɔ nang ní, adə̄ a tél i yá̰a̰ kənge yāsí.

NDŪ NAJƏ̄ 3:25

Ə́ya̰m̄ ādə̄ m̄-teē bā Jurdḛ, ādə̄ m-āw̄ m-á̰a̰ dɔ nang kə́ majə kə́ mbalá ń noō ō, mbal̄ kə́ Liban tə́ gə̄ ō.

NEHEMI 9:9

Á̰a̰ kaají gə̄ loo ka̰a̰ tápə̄ tə́ dɔ nang kə́ Ejiptə tə́ ō, ōō kɔŕ ń əgan̄ ta bā tə̄ɓā gə̄ tə́ ní ō.

NEHEMI 9:12

Ɔ́r no gír deē yāí gə̄ kadaá i kə kil̄ man̄ kə́ ra kə ngālāá ɓururu ō, ndɔ̄ɔ́ anī i kə hor kə́ ra kə ngālāá ɓururu kadə̄ a̰a̰n̄neé loo dɔ róbə́ n njə̄rādə́ tū tə́ ní tə́ ō.

PĀ GƏ̄ 47:5

Ni gə̄rā dɔ nang adə̄jí yá̰a̰ yājí tə́. I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń ni táŕjí ngá̰ý ní.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.