EJEKIEL 20:5 - Bibəl ta Sar̄

⁵ Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Ndɔ̄ ń m̄-gə̄rań ngán Israel gə̄ tə́ ní, m̄-túbə m-ə̄nīń ndūḿ m-ādə̄də́ kadə̄ nin̄ i deē yāḿ gə̄. m̄-rāā adə̄ nin̄ ger̄mə̄n̄ dɔ nang kə́ Ejiptə tə́. Ndūḿ ń m-ə̄nī ní n toó: Kɔ́ɔ̄ɓē, Nə́ɓā yāsí, i mā.

Bible sar

⁵ Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Ndɔ̄ ń m̄-gə̄rań ngán *Israel gə̄ tə́ ní, m̄-túbə m-ə̄nīń ndūḿ m-ādə̄də́ kadə̄ nin̄ i deē yāḿ gə̄. m̄-rāā adə̄ nin̄ ger̄mə̄n̄ dɔ nang kə́ Ejiptə tə́. Ndūḿ ń m-ə̄nī ní n toó: Kɔ́ɔ̄ɓē, Nə́ɓā yāsí, i mā.

EJEKIEL 20:5 Referans Kwoze

EJEKIEL 47:14

Sḭḭ̄ ā ī-nə̄ɓōī naā dɔ nang kadə̄ asə naā. Tɔdɔ̄ m-ə́la jīḿ kə̄ dɔɔ́ m̄-túbəń tām̄ kadə̄ m-ādə̄ kaasí gə̄ dɔ nang ní, adə̄ a tél i yá̰a̰ kənge yāsí.

EJEKIEL 20:23

m̄-túbə m-ādə̄də́ kem dəla loo tə́ kadə̄ m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de kə́ rang gə̄ tə́, dɔ nang yā tə̄rā gə̄ tə́.

EJEKIEL 20:15

Banī m̄-túbə m-ādə̄də́ kem dəla loo tə́ kadə̄ m-ɔ́ŕdə́ ta róbə m-āw̄ sedə́ dɔ nang ń m-ādə̄də́ tə́ ní alé. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

Teē Ngán Israel gə̄ 4:31

Nin̄-taān̄ kem. Dan ń gerə̄n̄ kadə̄ Kɔ́ɔ̄ɓē a̰a̰ yá̰á̰ kə́ tōr̄ gə̄ ń a rāān̄ sedə́ ní ō, kadə̄ ni-reē i kajədə́ tə́ ō ní anī, tétə̄n̄ kejədə́ nang tə́ ō, ɔsən̄ nodə́ nang tə́ ō, rɔȳnəń Kɔ́ɔ̄ɓē.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

TA KƏLA 14:22

Abəram tél əda mban̄g kə́ Sodom na: M-ə́la jīḿ kə̄ dɔɔ́ ta kum Kɔ́ɔ̄ɓē Nə́ɓā kə́ dɔɔ́ sa̰y ngá̰ý tə́, ni ń i nge kəndā dɔ rā̰ ō, dɔ nang ō ní.

JEJU TEĒ KUM JA̰A̰ 10:5

Anī de kə́ dɔ rā̰ tə́ ń m-á̰a̰n ra kə njan kə́ dɔɔ́ dɔ bā bo tə́ ō, dɔ nang tə́ ō ní, əla jī ko̰n kum kə̄ dɔ rā̰ tə́,

MARK 13:20

Ba ré Kɔ́ɔ̄ɓē gān̄g ta ndɔ̄ gə̄ ní aĺ anī, de kə́ yā kajə a gətóo. Banī i tām̄ yā ngé gə̄ ń ni-gə̄rādə́ tə́ ní n ni a gāngəń ta ndɔ̄ gə̄ ń noō ní.

EJEKIEL 35:11

Ḭ̄ ə̄ndā ɓē ko̰o̰ gə̄ ń noō nii ō, ī-rɔ̄ɔ̄ sedə́ kə ngangá ngá̰ý ō, nelī sedə́ aĺ ngá̰ý ō. I beé ní, tītə̄ ń m̄-ndiń kə kumḿ rɔ̄kum noó ní, najə̄ ń mā Kɔ́ɔ̄ɓē Nə́ɓā m-ə́dá ní n toó: Yá̰á̰ ń m-ā m̄-rāā seí ní, i tītə̄ ń ḭ̄ ī-rāań ní. Dan ń m-ā m-ə́ndaī najə̄ yá̰a̰ rāāí gə̄ tə́ ní, i tītə̄ ń noō n m-ā m-ɔ́jəń Israel gə̄ ké mā i náā wa ní.

JEREMI 33:24

Īkɔ́ ī-ger̄ majə kadə̄ de gə̄ ń toō ədan̄ na Kɔ́ɔ̄ɓē na mbātə́ gír kojə kə́ jōó gə̄ ń na gə̄rā ní. Adə̄ kídə̄n̄ gír deē yāḿ gə̄ ba rāān̄də́ nápar de gə̄ tə́ to̰ alé.

IJAI 43:10

Najə̄ ń Kɔ́ɔ̄ɓē əda ní n toó: De kə́ kum tə́ yāḿ gə̄ i sḭḭ̄ gír deē yāḿ gə̄. Sḭḭ̄ i nge kəla ń mā m̄-gə̄rā ní. m̄-ndigə kadə̄ ə̄nī kemsí mámák ādə̄mī, kadə̄ á̰a̰ ī-gerī ō, kadə̄ ī-gerī kum ō, kadə̄ mā ní, mā i Nə́ɓā. Kété noḿ mā tə́ ní, nə́ɓā kógə̄ḿ gətóo ō, gotəḿ mā tə́ ní, nə́ɓā kógə̄ḿ a ndi aĺ ō.

PĀ GƏ̄ 103:7

Ni ɔjə Moijə yá̰a̰ gə̄ ń núm̄ rāā ní ō, ɔjə ngán Israel gə̄ yá̰á̰ kə́ bo gə̄ ń rāā ní ō.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

NDŪ NAJƏ̄ 32:40

M-ɔ́y jīḿ kə̄ dɔɔ́ ba m-ə̄nī ndūḿ kə najə̄ ń toō: m̄-ndi kə kumḿ ngándáńg.

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

NDŪ NAJƏ̄ 4:37

Nəkɔ́ teē sesí kɔ̄ɔ́ dɔ nang kə́ Ejiptə tə́ kə ta kūl̄ tɔ́gən kə́ ngá̰ý tɔdɔ̄ ni tár kaasí gə̄ ō, gə̄rasí sḭḭ̄ ngán kaadə́ gə̄ ní.

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

Teē Ngán Israel gə̄ 6:2

Nə́ɓā əda Moijə ɓáý to̰ na: Mā i Kɔ́ɔ̄ɓē.

Teē Ngán Israel gə̄ 3:16

Āw̄ ɔ́sə dɔ kum kɔɔ̄ gə̄ yā ngán Israel gə̄ naā tə́, ə́dádə́ na Kɔ́ɔ̄ɓē, Nə́ɓā yā kaasí gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō, na ndɔ̄bī, ədaī na n-gḛy dḭḭ̄sí tām̄ yá̰á̰ ń rāān̄ sesí kem ɓē kə́ Ejiptə tə́ ní.

Teē Ngán Israel gə̄ 3:6

Mā i Nə́ɓā yā bɔbí, Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō. Moijə ənī kūbə̄ utə̄ń ta kumən kɔ̄ɔ́ tɔdɔ̄ ni ɓōĺ ka̰a̰ Nə́ɓā.

JEJU TEĒ KUM JA̰A̰ 10:6

ba túbə̄ kə nge ń ndi kə kumneé kə dɔ ɓāl̄ gə̄ ɓāl̄ gə̄ ō, rāā dɔ rā̰ kə yá̰a̰ kə́ tū tə́ gə̄ ō, dɔ nang kə yá̰a̰ kə́ tū tə́ gə̄ ō, bā bo kə yá̰á̰ kə́ tū tə́ gə̄ ō ní, əda na: Kum mbang kə́ rang kə́ yā kəya̰ kadə̄ mān̄ to̰ gətóo.

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.

Teē Ngán Israel gə̄ 6:8

M-ā m-ɔ́ŕsí ta róbə yā kaw̄ sesí dɔ nang ń m-ə̄nī ndūḿ m-ādə̄ Abəraham ō, Isaak ō, Jakob ō, najə̄n tə́ ní. M-ā m-ādə̄sí dɔ nang ní kadə̄ tél yá̰a̰ yāsí. Mā i Kɔ́ɔ̄ɓē.

LEBI GƏ̄ 18:2

kəda ngán Israel gə̄ ndū najə̄ gə̄ ń toō: Mā i Kɔ́ɔ̄ɓē yāsí.

EJEKIEL 16:8

m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

NDŪ NAJƏ̄ 7:7

I tām̄ kutəsí kə́ tɔȳ yā gír de gə̄ malang n Kɔ́ɔ̄ɓē tə́ya̰ń gōsí tə́ ō, gə̄rańsí ō ní alé. Tɔdɔ̄ sḭḭ̄ i de kə́ ngá̰ý aĺ tɔȳ gotə gír de gə̄ malang.

1 MBAN̄G GƏ̄ 18:39

Dan ń ngán Israel gə̄ a̰a̰n̄ yá̰á̰ ní anī, nin̄ malang əsōn̄ kə̄ nang tə́, ɔsən̄ nodə́ nang tə́ ba ədan̄ na: I Kɔ́ɔ̄ɓē ń i Nə́ɓā ní! I Kɔ́ɔ̄ɓē n i Nə́ɓā ní!

EJEKIEL 34:24

Mā Kɔ́ɔ̄ɓē ní, ndɔ̄ń tə́ mā i Nə́ɓā yādə́ ō, nin̄ a əngen̄ ngār kə́ tītə̄ nge kəla yāḿ Dabid ō. I mā Kɔ́ɔ̄ɓē n m-ə́da najə̄ ń noō ní.