EJEKIEL 20:44 - Bibəl ta Sar̄

⁴⁴ Sḭḭ̄ ngán Israel gə̄, m-ā m-ə́wá gíŕ háĺsí aĺ ō, m-ā m-ə́wá gíŕ yá̰a̰ rāāsí kə́ majaĺ gə̄ aĺ ō. Banī yá̰á̰ m-ā m̄-rāā sesí ní, m-ā m̄-rāā i rāā kə́ ā ī-rɔȳmī najə̄n tə́. Loo ń noō tə́ ā ī-gerī kadə̄ Kɔ́ɔ̄ɓē i mā. Yá̰á̰ ń Kɔ́ɔ̄ɓē Nə́ɓā əda ní n noó.

Bible sar

⁴⁴ Sḭḭ̄ ngán *Israel gə̄, m-ā m-ə́wá gíŕ háĺsí aĺ ō, m-ā m-ə́wá gíŕ yá̰a̰ rāāsí kə́ majaĺ gə̄ aĺ ō. Banī yá̰á̰ m-ā m̄-rāā sesí ní, m-ā m̄-rāā i rāā kə́ ā ī-rɔȳmī najə̄n tə́. Loo ń noō tə́ ā ī-gerī kadə̄ Kɔ́ɔ̄ɓē i mā. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 20:44 Referans Kwoze

EJEKIEL 24:24

Dan ń Ejekiel rāā yá̰a̰ beé ní, tāāsí i najə̄ yā yá̰á̰ ń a rāā yā reē ní. Ā ī-rāāī yá̰a̰ i tītə̄ yān jéjé. Ba ré yá̰á̰ ní reē ugə̄ anī, ā ī-gerī kadə̄ Kɔ́ɔ̄ɓē Nə́ɓā i mā.

EJEKIEL 20:22

Banī ré m̄-rāā yá̰á̰ ń noō aĺ anī, i tām̄ yā rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:14

Banī m̄-rāā yá̰á̰ ní alé tām̄ rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:9

Ɓá tā banī m̄-rāā yá̰á̰ ní alé i najə̄ yā rīḿ tə́. m̄-ndigə kadə̄ nápar de gə̄ ń kaasí gə̄ ndin̄ dandə́ tə́ ní kídə̄mə̄n̄ alé. Tām̄ dan ń m̄-rāań adə̄ ngán Israel gə̄ a̰a̰ ger̄mə̄n̄ yā kadə̄ m̄-teēń sedə́ kɔ̄ɔ́ dɔ nang kə́ Ejiptə tə́ ní, de gə̄ ní a̰a̰mə̄n̄ majə ngá̰ý.

PĀ GƏ̄ 115:1

Kɔsə gɔn i yājí alé, Kɔ́ɔ̄ɓē, kɔsə gɔn i yājí alé, ba i yāí ḭ̄ tām̄ kem majə yāí tə́ ō najə̄ kə́ rɔ̄kum yāí tə́ ō.

1 TIMOTE 1:16

Ba mā kə́ majaĺ ngá̰ý ń a̰a̰n̄ kum tō ndoō yāḿ ní, i yā kadə̄ Kərist Jeju ɔjəń tə́gā ta yān kə́ ngá̰ý kə̄ ndágá kə de gə̄ ń ndɔ̄ń tə́ a taān̄ kemən tām̄ yā ndi kə kumuú kə́ ngándáńg tə́ ní.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

PĀ GƏ̄ 79:9

Nə́ɓā kə́ nge kajəjí, ī-rāā sejí ādə̄ de gə̄ tɔ̄ȳn̄neé rīí. Tām̄ yā rī ɓār̄ yāí tə́ ní, ī-gān̄g dɔjí ō, ə̄ndā njaí dɔ yá̰á̰ kə́ majaĺ gə̄ ń jə-rāā tə́ ní ō.

EJEKIEL 16:62

Jerusalem, m-ā m-ə́hɔ madə̄ naā seí. Loo ń noō tə́ ā ī-ger̄ kadə̄ Kɔ́ɔ̄ɓē i mā.