EJEKIEL 20:42 - Bibəl ta Sar̄

⁴² M-ā m̄-tél yā kaw̄ sesí gogə́ dɔ nang kə́ Israel tə́, kem ɓē ń m-ə̄niń ndūḿ kadə̄ m-ādə̄ kaasí gə̄ ní. Loo ń noō tə́ ā ī-gerī kadə̄ Kɔ́ɔ̄ɓē i mā.

Bible sar

⁴² M-ā m̄-tél yā kaw̄ sesí gogə́ dɔ nang kə́ *Israel tə́, kem ɓē ń m-ə̄niń ndūḿ kadə̄ m-ādə̄ kaasí gə̄ ní. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 20:42 Referans Kwoze

EJEKIEL 38:23

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 34:13

M-ā m̄-teē sedə́ kɔ̄ɔ́ kem ɓē kə́ rang gə̄ tə́ ō, m-ā m-ɔ́sə njadə́ naā tə́ ō, ba m-ā m̄-tél yā kaw̄ sedə́ gogə́ kem ɓē yādə́ tə́. M-ā m-āw̄ sedə́ dɔ mbal̄ bo gə̄ kə́ Israel tə́ tə́ ō, kum wól loo gə̄ tə́ ō, kem loo kə́ majə ngá̰ý gə̄ kə́ kem ɓēé tə́ ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

EJEKIEL 37:21

Gō tə́ anī ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: Israel gə̄, nápar de gə̄ ń sḭḭ̄ āwī dandə́ tə́ ní, m-ā m̄-teē sesí kɔ̄ɔ́ dandə́ tə́. M-ā m-ɔ́sə dɔsí naā tə́ ō, m-ā m̄-tél yā reē sesí dɔ nang yāsí tə́ ō.

EJEKIEL 26:13

M-ā m̄-dəba tā pā yāí gə̄ kɔ̄ɔ́, adə̄ deē a oō kōō kənde yāí gə̄ to̰ alé.

EJEKIEL 24:24

Dan ń Ejekiel rāā yá̰a̰ beé ní, tāāsí i najə̄ yā yá̰á̰ ń a rāā yā reē ní. Ā ī-rāāī yá̰a̰ i tītə̄ yān jéjé. Ba ré yá̰á̰ ní reē ugə̄ anī, ā ī-gerī kadə̄ Kɔ́ɔ̄ɓē Nə́ɓā i mā.

EJEKIEL 20:44

Sḭḭ̄ ngán Israel gə̄, m-ā m-ə́wá gíŕ háĺsí aĺ ō, m-ā m-ə́wá gíŕ yá̰a̰ rāāsí kə́ majaĺ gə̄ aĺ ō. Banī yá̰á̰ m-ā m̄-rāā sesí ní, m-ā m̄-rāā i rāā kə́ ā ī-rɔȳmī najə̄n tə́. Loo ń noō tə́ ā ī-gerī kadə̄ Kɔ́ɔ̄ɓē i mā. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

JEREMI 31:34

Najə̄ ń na ī-ndóōī loo ger̄ Kɔ́ɔ̄ɓē ní, nin̄ a ɔjən̄ madə̄də́ gə̄ aláa ngákó̰ó̰də́ gə̄ loo kəda to̰ alé. Tɔdɔ̄ nin̄ malang ngán gə̄ gē de kə́ tɔgə gə̄gē a ger̄mə̄n̄. M-ā m̄-mā̰ȳ rɔ̄ḿ dɔ majaĺ yādə́ tə́ ō, a əga kemḿ dɔ yá̰á̰ kə́ gōtə́ aĺ yādə́ tə́ to̰ alé kə́ kə́ njɔ́ḿ gə̄ tə́ gə̄ tə́ ō. Najə̄ ń Kɔ́ɔ̄ɓē əda ní n noó.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

EJEKIEL 20:6

Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

EJEKIEL 20:15

Banī m̄-túbə m-ādə̄də́ kem dəla loo tə́ kadə̄ m-ɔ́ŕdə́ ta róbə m-āw̄ sedə́ dɔ nang ń m-ādə̄də́ tə́ ní alé. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.