EJEKIEL 20:3 - Bibəl ta Sar̄

³ Ḭ̄ ngōn̄ deē, ə́da kum kɔɔ̄ kə́ Israel tə́ najə̄ ń toō ādə̄m̄. Ə́dádə́ na: Ī-reēī i koō najə̄ kə́ taḿ tə́ yā gerə̄ń yá̰á̰ ń m̄-ndigə ní waḿ. I beé ní, tītə̄ ń m̄-ndiń kə kumḿ noō, m-ā m-ə́ya̰ ta róbə yā kadə̄sí kadə̄ ī-dəjemī najə̄ kógə̄ḿ alé. Najə̄ ń mā Kɔ́ɔ̄ɓē Nə́ɓā m-ə́dá ní n noó!

Bible sar

³ Ḭ̄ ngōn̄ deē, ə́da *kum kɔɔ̄ kə́ *Israel tə́ najə̄ ń toō ādə̄m̄. Ə́dádə́ na: Ī-reēī i koō najə̄ kə́ taḿ tə́ yā gerə̄ń yá̰á̰ ń m̄-ndigə ní waḿ. I beé ní, tītə̄ ń m̄-ndiń kə kumḿ noō, m-ā m-ə́ya̰ ta róbə yā kadə̄sí kadə̄ ī-dəjemī najə̄ kógə̄ḿ alé. Najə̄ ń mā Kɔ́ɔ̄ɓē Nə́ɓā m-ə́dá ní n noó!

EJEKIEL 20:3 Referans Kwoze

MISE 3:7

Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.

Gōsə̄ najə̄ gə̄ 28:9

Ré deē kógə̄ḿ rāā mbī mbóo ta ndū najə̄ yā Kɔ́ɔ̄ɓē tə́ anī, ndɔ̄ȳ yān gə̄gē i yá̰á̰ kə́ yḛr.

JA̰A̰ 4:24

Nə́ɓā i Ndíl, adə̄ majə kadə̄ ngé rɔȳn gə̄ rɔȳnən̄ kə ta kūl̄ Ndíl ō, kə́ rɔ̄kum tə́ ō.

Najə̄ kə́ Majə yā Jeju ń Luk ndang ní 3:7

Dan ngeé ń noō tə́ ní de gə̄ ngá̰ý reēn̄ rɔ̄ Ja̰a̰ tə́ kadə̄ Ja̰a̰ rāādə́ batém, anī ni-ədadə́ na: Sḭḭ̄ gír kaa lī kakə́m gə̄, wōn̄g yā Nə́ɓā ń a reē ní i náā n ɔjəsí loo ka̰ȳ ta tə́ kɔ̄ɔ́ ní?

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

EJEKIEL 20:31

Ngɔlaā gə̄gē ní, dan ń ā ī-reēī kə yá̰a̰ ndējə̄ yāsí gə̄ ō, ā ī-róōī ngáńsí gə̄ horoó yá̰a̰ tun̄ tə́ ādī nə́ɓā kə́ rɔ̄kum aĺ gə̄ ō ní, sḭḭ̄ ī-rāāī adə̄ ī-téliī i de kə́ yḛr gə̄. Sḭḭ̄ Israel gə̄, ɔ́jiīń na m-ā m-ə́ya̰ kadə̄ ā ī-dəjemī najə̄ a? M-ā m-ə́ya̰ aĺ bátə́! Tītə̄ ń m̄-ndiń kə kumḿ rɔ̄kum noó, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́ya̰ kadə̄ sḭḭ̄ ī-dəjemī najə̄ alé!

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

IJAI 1:12

Dan ń ī-reē ī-raī ta kumḿ tə́ anī, sḭḭ̄ ī-taaī ndágə loo gə̄ kə́ gīr̄ gidə kújə yāḿ. Ní m̄-dəjesí kadə̄ ī-rāāī yá̰á̰ ń noō a?

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

1 SAMUEL 28:6

Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

EJEKIEL 20:2

Anī Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 33:30

Ḭ̄ ngōn̄ deē, ōō! Israel gə̄ ɔrə̄n̄ najə̄ yāí kə gō kadə ndogə̄ mbal̄ gə̄ kem ɓēé, aláa ta róbə́ kújə yādə́ gə̄ tə́. Nin̄ ədan̄ naā dɔ dáńdə́ tə́ na: I beé ní, ādə̄ j-aw̄ j-oōī yá̰á̰ Kɔ́ɔ̄ɓē əda ní.

AMOS 8:12

Nin̄ a aw̄n̄ kə̄ loo gə̄ tə́ malang, a ḭḭn̄ dām̄ mbɔ́r ɓē kə́ geleé tə́ yā kaw̄ kum kə̄ no ɓē tə́. Gō tə́ anī a ḭḭn̄ dām̄ mbór ɓē kə́ ko̰ó̰ tə́ yā kaw̄ kum kə̄ gír ɓē tə́ sāā ta róbə koō najə̄ yā Kɔ́ɔ̄ɓē tə́ tə́, banī nin̄ a əngen̄ najə̄ yā Kɔ́ɔ̄ɓē alé.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

EJEKIEL 14:1

Ndɔ̄ kógə̄ḿ tə́ kum kɔɔ̄ kə́rēý gə̄ kə́ Israel tə́ reēn̄ rɔ̄ḿ tə́, ba ndin̄ nang tə́ noḿ tə́.