EJEKIEL 20:13 - Bibəl ta Sar̄

¹³ Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

Bible sar

¹³ Banī *Israel gə̄ mbātə́mə̄n̄ kem dəla loo tə́. Nin̄ unən̄ gō *ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ *sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

EJEKIEL 20:13 Referans Kwoze

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:24

I yá̰á̰ ń rāā yá̰á̰ á m̄-túbəń m-ādə̄də́ tītə̄ ń noō ní n toó: Nin̄ unən̄ gō jī bēl̄ loo rāā yá̰a̰ yāḿ gə̄ aĺ ō, usədə́ dɔ ndū najə̄ yāḿ gə̄ tə́ aĺ ō, kídə̄n̄ ndɔ̄ sabat ō, nin̄ aw̄n̄ gō nə́ɓā kə́ rɔ̄kum aĺ gə̄ yā kaadə́ gə̄ tə́ ō.

IJAI 56:6

Tə̄rā gə̄ əhɔn̄ gō Kɔ́ɔ̄ɓē. Nin̄ rɔȳnən̄ ō, tárnən̄ ō, nin̄ i ngé kəla yān gə̄ ō. Ngé gə̄ ń noō ní, Kɔ́ɔ̄ɓē əda najə̄ yādə́ na: De gə̄ malang ń ɓōlə́n̄ gidə ndɔ̄ sabat ō, ran̄ dɔ ndūdə́ tə́ loon tə́ ō, əhɔn̄ gō madə̄ naā yāḿ ō ní,

NDŪ NAJƏ̄ 9:8

Sḭḭ̄ ī-rāāī Kɔ́ɔ̄ɓē adə̄ wōn̄g rāān ngá̰ý sesí mbal̄ kə́ Horeb tə́, adə̄ ni gḛy nujə sesí kɔ̄ɔ́ malang.

TƏ́DA 14:29

Sḭḭ̄ malang ń tə́dan̄ kutəsí ō, ndangən̄ rīsí makətūbūú ō, á ɓāl̄sí ḭḭ dɔ kutə jōó kum kə̄ dɔɔ́ ní, ā óyiī kem dəla loo ń toō tə́, tām̄ sḭḭ̄ ī-tāmī seḿ.

TƏ́DA 14:22

de gə̄ malang ń a̰a̰n̄ kɔsə gɔn ń noō ō, a̰a̰n̄ yá̰a̰ kɔjə̄ gə̄ ń m̄-rāā dɔ nang kə́ Ejiptə tə́ ō, kem dəla loo tə́ ō, banī oōn̄ taḿ alé nāāmə̄nəń nja kutə kɔ̄ɔ́ ɓá ní,

Teē Ngán Israel gə̄ 32:10

Ní kə əya̰n kadə̄ wōn̄g yān kə rāān dɔdə́ tə́, na n-a n-nujədə́ kɔ̄ɔ́ malang ba n-a n-rāā kadə̄ Moijə tél gír de kə́ ngá̰ý gə̄.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

EJEKIEL 20:16

m̄-túbə i tām̄ usədə́ dɔ jī bēl̄ loo rāā yá̰a̰ yāḿ gə̄ tə́ aĺ ō, mbātə́n̄ rāā yá̰a̰ gə̄ ń ndū najə̄ yāḿ gə̄ ədan̄ ní ō, nin̄ kídə̄n̄ ndɔ̄ sabat ō. Tɔdɔ̄ kemdə́ i dɔ nə́ɓā yādə́ kə́ rɔ̄kum aĺ gə̄ tə́.

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

Gōsə̄ najə̄ gə̄ 13:13

Deē ń kídə̄ kɔjə̄ ní a tḭ̄ḭ̄ ta rɔ̄n, deē ń ɓōĺ gō míndə ní a əndān̄ njan.

Gōsə̄ najə̄ gə̄ 1:25

ī-mbātíī kɔjə̄ yāḿ gə̄ malang ō, usəsí dɔ tāā ń m̄-tāāsí ní tə́ aĺ ō.

2 SAMUEL 12:9

I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n.

1 SAMUEL 8:8

Əla gír ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ bátə́ ɓōólaā ní, asədə́ kəya̰m̄ kɔ̄ɔ́ ba ndɔ̄yń ɓesə̄ gə̄ alé. I yá̰á̰ ń rāān̄ seḿ ní n rāān̄ seí ō ní.

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.

TƏ́DA 26:25

Gír kaa gə̄ yā Isakar n noó. De kə́ dəngam gə̄ malang i deē 64 300.

LEBI GƏ̄ 26:43

Dan ń nin̄ a gətóon̄ kɔ̄ɔ́ kem ɓē yādə́ tə́ ní, dɔ nang yādə́ ń əyan̄ kɔ̄ɔ́ ni-taā koō. Ba m-ā m̄-tɔ̄l̄ ta ndéý m-ə́ndádə́ tām̄ tūr̄ kə́ nin̄ tūrə̄n̄ gidədə́ kɔ̄ɔ́ ta yá̰a̰ kāgə̄ ɓē yāḿ gə̄ tə́ ō, tām̄ kidə̄ kə́ nin̄ kidə̄n̄ ndū najə̄ yāḿ gə̄ ō.

LEBI GƏ̄ 26:15

ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī,

Teē Ngán Israel gə̄ 32:8

na tɔ̄ɔ̄n̄ láẃ ngá̰ý bā̰ā̰ loo tɔ̄ɔ̄ tə́ kɔ̄ɔ́ dɔ róbə́ ń na n-ɔjədə́ tə́ ní. Na rāān̄ ngōn̄ man̄g tām̄ yādə́ tə́ kə lɔ́ŕ kə́ nō horoó. Na ɔsən̄ nodə́ nang tə́ non tə́ ō, na tunə̄n̄ yá̰a̰ adə̄nən̄ ō. Tá ədan̄ na i nə́ɓā yādə́ ń na teē sedə́ kem ɓē kə́ Ejiptə tə́ kɔ̄ɔ́ ní n noó ō.

Makətūbə̄ ń Pol ndang adə̄ Rom gə̄ ní 10:5

Moijə nəkɔ́ ɔr̄ najə̄ kə́ sɔɔ̄ dɔ loo rāā ń ndū najə̄ a rāā de gə̄ kadə̄ télən̄ de kə́ gōtə́ gə̄ ta kum Nə́ɓā tə́ ní. Moijə ndang na deē ń rāā yá̰a̰ gə̄ ń ndū najə̄ ɔjə ní a ndi kə kumneé kə ta kūl̄ ndū najá.

LEBI GƏ̄ 18:5

Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.

2 YÁ̰A̰ GƏ̄ 30:7

Ī-lōōī ndájə̄ kaasí gə̄ ō, ngákó̰ó̰sí gə̄ ō ń rāān̄ háĺ kə́ gōtə́ aĺ kə Kɔ́ɔ̄ɓē Nə́ɓā yā kaadə́ gə̄ ní. Ni əladə́ kem jī madə̄ ba̰ā̰də́ gə̄ tə́ adə̄ nujən̄ sedə́ sák sák kɔ̄ɔ́ tītə̄ ń sḭḭ̄ kɔ́ gə̄ á̰a̰īń ní.

JEREMI 7:24

Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.

EJEKIEL 20:14

Banī m̄-rāā yá̰á̰ ní alé tām̄ rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:36

M-ā m̄-dəjesí gíŕ yá̰a̰ gə̄ tītə̄ ń m̄-dəjeń kaasí gə̄ kété kem dəla loo kə́ Ejiptə tə́ ní. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 22:8

De gə̄ a kídə̄n̄ i yá̰á̰ kə́ kɔr̄ kəndā tām̄ yāḿ tə́ ō, a kídə̄n̄ i ndɔ̄ sabat ń i ndɔ̄ kə́ kɔr̄ tām̄ yāḿ tə́ ní ō.

EJEKIEL 23:38

Ba i yá̰a̰ gə̄ ń noō ngóy n nin̄ rāān̄ ní alé! Nin̄ rāān̄ loo yāḿ kə́ táĺ adə̄ tél loo kə́ yḛr ō, nin̄ kídə̄n̄ ndɔ̄ sabat ń i ndɔ̄ kə́ kɔr̄ kamə̄n tām̄ yāḿ tə́ ní ō. Nin̄ rāān̄ yá̰a̰ gə̄ ń noō malang i kem ndɔ̄ kə́ kógə̄ḿ beē tə́!

NDŪ NAJƏ̄ 9:7

Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

NEHEMI 13:17

m̄-gákə̄ de kə́ bo kə́ Juda tə́ gə̄ m-ə́dádə́ na: I majaĺ kə́ ba̰ý n ā ī-rāāī beé ní? Sḭḭ̄ ī-rāāī ndɔ̄ sabat i ndɔ̄ kə́ karī tə́!