EJEKIEL 20:12 - Bibəl ta Sar̄

¹² M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

Bible sar

¹² M-ādə̄də́ ndɔ̄ *sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

EJEKIEL 20:12 Referans Kwoze

EJEKIEL 20:20

Ɔ̄rī ndɔ̄ sabat tām̄ yāḿ tə́. Nge ń noō i yá̰á̰ kə́ to dɔ dáńjí tə́, sḭḭ̄ ō mā ō. I beé tá a əga kemsí dɔ tə́ kadə̄ Kɔ́ɔ̄ɓē Nə́ɓā yāsí i mā.

EJEKIEL 37:28

Dan ń kújə yāḿ a ra dansí tə́ kə́ njɔ́ḿ gə̄ tə́ anī, nápar de gə̄ a gerə̄n̄ yá̰á̰ ń toō: A gerə̄n̄ kadə̄ Kɔ́ɔ̄ɓē i mā ō, m-ə̄ndā Israel kə rī rāā kəla yāḿ ngándáńg ō.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.

LEBI GƏ̄ 21:23

Ba ni asə kaw̄ kugə̄ rɔ̄ kūbə̄ ń gangnən gír loo kə́ táĺ yā Nə́ɓā tə́ aĺ ō, kugə̄ ta loo tun̄ yá̰á̰ tə́ aĺ ō, na sōgə́ ni-rāā adə̄ loo kə́ táĺ yāḿ ō, yá̰á̰ kə́ kemeé gə̄ ō, télən̄ yá̰á̰ kə́ karī gə̄ tām̄ ni i de kə́ nujə. Tɔdɔ̄ mā i Kɔ́ɔ̄ɓē nge kɔr̄ kam̄ ngé tun̄ yá̰a̰ gə̄.

NEHEMI 9:14

Ī-rāā ādə̄ gerə̄n̄ ndɔ̄ sabat ń i ndɔ̄ yāí kə́ kɔr̄ kam̄ tayā ní ō, ə́dádə́ yá̰a̰ gə̄ kə́ kadə̄ rāān̄ gə̄ ō, ɔ́jə́də́ jī bēl̄ loo rāā yá̰a̰ gə̄ ō, ādə̄də́ ndū najə̄ ō, kə ta kūl̄ nge kəla yāí Moijə.

LEBI GƏ̄ 25:4

Banī ɓāl̄ kə́ nge ko̰ sīrí i ɓāl̄ kɔr̄ koō yā dɔ nang. I ɓāl̄ kɔr̄ koō kə́ yā rɔȳń Kɔ́ɔ̄ɓē, adə̄ ā ī-dubə̄ kōō ndɔr̄ yāí tə́ aĺ ō, ā ī-tɔ́r̄ ta jī kāgə̄ nduú yāí aĺ ō.

LEBI GƏ̄ 23:39

Kə ndɔ̄ kə́ nge ko̰ kutə gidə i mí yā nāā kə́ nge ko̰ sīrí ní, ré ī-sāāī kōō kə́ ndɔr̄ yāsí gə̄ tə́ oy anī, ā ī-rāāī nāā kə́ ndɔ̄ sīrí yā rɔȳń Kɔ́ɔ̄ɓē. Ndɔ̄ kə́ ta kəga dɔ ō, ndɔ̄ kə́ nge ko̰ sɔ́sɔ́ ō, i ndɔ̄ kɔr̄ koō gə̄.

LEBI GƏ̄ 23:32

Ndɔ̄ ń noō ā ī-rāāin̄ i ndɔ̄ kɔr̄ koō tə́ tītə̄ ndɔ̄ sabat, ā ī-*ndi ɓō tām̄ yā Nə́ɓā tə́. Ā ə́laī gír kɔr̄ koō i kə ndɔ̄ nāā kə́ nge ko̰ ndōhó, ta loo tíbə́ tə́ bátə́ ugə̄ń ndɔ̄ kə́ nge ko̰ kutə tə́ ta loo tíbə́ tə́.

LEBI GƏ̄ 23:24

kəda ngán Israel gə̄ ndū najə̄ gə̄ ń toō: Ndɔ̄ kə́ ta kəga dɔ yā nāā kə́ nge ko̰ sīrí i ndɔ̄ kɔr̄ koō yāsí, adə̄ i ndɔ̄ sabat. I ndɔ̄ kəga kem dɔ yá̰a̰ gə̄ ń rāān̄ yá̰á̰ tə́ ní ō, i ndɔ̄ kəga kɔr̄ rɔ̄nel̄ dɔ Kɔ́ɔ̄ɓē tə́ ō, i ndɔ̄ kán̄ naā yā rɔȳm̄ ō.

LEBI GƏ̄ 23:3

Ā ī-rāāī kəla ndɔ̄ mehḛ́, ba ndɔ̄ kə́ nge ko̰ sīrí i ndɔ̄ sabat. Ndɔ̄ ń noō tə́ ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́rēý alé. Loo malang ń ā ī-ndiī tū tə́ ní, ā ɔ̄rī koō ndɔ̄ ń noō tə́ tām̄ i ndɔ̄ sabat yā Kɔ́ɔ̄ɓē.

LEBI GƏ̄ 21:15

Na sōgə́ reē kə dəyá̰ kə́ gír kaa de kə́ karī tə́ əlan dan de gə̄ kə́ gír kojə yān tə́. Mā i Kɔ́ɔ̄ɓē, nge kɔr̄ kamə̄n.

LEBI GƏ̄ 21:8

Ā ī-rāā nge tun̄ yá̰a̰ i de kə́ táĺ tə́ tām̄ i ni n i nge kadə̄ Nə́ɓā yāí yá̰a̰ ndējə̄ ní. Ā ī-rāān i de kə́ táĺ tə́, tām̄ mā Kɔ́ɔ̄ɓē nge kɔr̄ kam̄sí ní mā i de kə́ táĺ.

LEBI GƏ̄ 20:8

Ī-ngɔ̄mī ndū najə̄ yāḿ gə̄ ō, úniī gōdə́ ō. Mā i Kɔ́ɔ̄ɓē nge gə̄rāsí kadə̄ sḭḭ̄ i gír de kə́ táĺ gə̄.

Teē Ngán Israel gə̄ 35:2

Ā ī-rāāī kəla ndɔ̄ mehḛ́, ba ndɔ̄ kə́ nge ko̰ sīrí anī yá̰á̰ kə́ kadə̄ ī-ɓōlíī gidə a to, yá̰á̰ ní i sabat, i kɔr̄ koō yā Kɔ́ɔ̄ɓē. Deē ń a rāā kəla ndɔ̄ ń noō tə́ ní a tɔ̄l̄nən̄ kɔ̄ɔ́.

Teē Ngán Israel gə̄ 16:29

Na yá̰á̰ ń majə kadə̄ gerə̄n̄ ní n toó, na n-adə̄də́ ndɔ̄ sabat i yā kadə̄ kə ɔrə̄n̄neé koō, na i tām̄ najə̄ ń noō tə́ n na n-adə̄ńdə́ yá̰a̰ kəsa kum ta ndɔ̄ jōó kə ndɔ̄ kə́ nge ko̰ mehḛ́ ní. Kə ndɔ̄ kə́ nge ko̰ sīrí anī, kə ndin̄ gotə kógə̄ḿ, kadə̄ deē teē ndágá alé.

TA KƏLA 2:3

Nə́ɓā ɔr̄ najə̄ kə́ majə dɔ ndɔ̄ kə́ nge ko̰ sīrí tə́. Ni-ɔr̄ kamə̄n tām̄ yān nəkɔ́ tə́, tɔdɔ̄ i ndɔ̄ ń ni-ɔrə̄ń koō gō kəla malang ń ni-rāā tə́ ní.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

KOLOSƏ 2:16

I beé ní, ādə̄ deē kógə̄ḿ gān̄g sarya dɔsí tə́ najə̄ yā yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, najə̄ yā rāā nāā tə́ aĺ ō, ndɔ̄ teē nāā tə́ aĺ ō, ndɔ̄ sabat tə́ aĺ ō.

IJAI 56:2

Rɔ̄nel̄ i kə deē ń rāā yá̰á̰ m-ə́dá ní, i kə deē ń ra dɔ tə́ ngan̄g ní. Rɔ̄nel̄ i kə deē ń ɓōĺ gidə ndɔ̄ sabat ō, rā dɔ ndūn tə́ loon tə́ ō ní, deē ń gōn̄g yá̰a̰ rāā kə́ majaĺ ní.

JEREMI 17:22

Sḭḭ̄ ā ī-teēī kə yá̰á̰ kə́ kɔȳ gə̄ kə́ kem kújə yāsí gə̄ tə́ ndágá ndɔ̄ sabat tə́ alé, tītə̄ ń m-ə̄nań ndūḿ kaasí gə̄ ní.

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.

EJEKIEL 44:24

Ré najə̄ to anī, nin̄ a gāngə̄n̄ sarya kə́ gōtə́ ō, a ran̄ i dɔ ndū najə̄ yāḿ gə̄ tə́ n a rāānəń sarya ní ō. Nin̄ a ɓōlə́n̄ gidə jī bēl̄ loo rāā yá̰a̰ gə̄ kə́ ndɔ̄ rāā nāā yāḿ gə̄ tə́ ō, a ɓōlə́n̄ gidə yá̰a̰ gə̄ ń m̄-ndang kadə̄ yā rāādə́ ní ndɔ̄ rāā nāā yāḿ gə̄ tə́ ní ō. I gáŕ kadə̄ nin̄ a ɔrə̄n̄ ndɔ̄ sabat tām̄ yāḿ tə́.