EJEKIEL 20:1 - Bibəl ta Sar̄

¹ Kem ɓāl̄ kə́ nge ko̰o̰ mí tə́, ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ ní rāā ɓāl̄ sīrí kɔ̄ɔ́. Ba kə ndɔ̄ kə́ nge ko̰ kutə yā nāā kə́ nge ko̰ mí anī, kum kɔɔ̄ kə́rēý gə̄ kə́ Israel tə́ reē əngemə̄n̄. Nin̄ sāān̄ ger̄ yá̰á̰ ń Kɔ́ɔ̄ɓē ndigə ní. Nin̄ ndin̄ nang tə́ noḿ tə́.

Bible sar

¹ Kem ɓāl̄ kə́ nge ko̰o̰ mí tə́, ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ ní rāā ɓāl̄ sīrí kɔ̄ɔ́. Ba kə ndɔ̄ kə́ nge ko̰ kutə yā nāā kə́ nge ko̰ mí anī, *kum kɔɔ̄ kə́rēý gə̄ kə́ *Israel tə́ reē əngemə̄n̄. Nin̄ sāān̄ ger̄ yá̰á̰ ń Kɔ́ɔ̄ɓē ndigə ní. Nin̄ ndin̄ nang tə́ noḿ tə́.

EJEKIEL 20:1 Referans Kwoze

EJEKIEL 8:1

Dan ń ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, rāā ɓāl̄ mehḛ́. Ba kem ɓāl̄ kə́ nge ko̰ mehḛ́ tə́, kə nāā kə́ nge ko̰ mehḛ́ kə́ kem ɓāl̄ ní tə́, kə ndɔ̄ kə́ nge ko̰ mí yā nāā kə́ nge ko̰ mehḛ́ ní anī, dan ń m̄-ndi kem kújə yāḿ tə́ ō, kum kɔɔ̄ kə́ Juda tə́ gə̄ ndin̄ nang tə́ noḿ tə́ ō anī, tɔ́gə yā Kɔ́ɔ̄ɓē Nə́ɓā əhɔm̄ gidə kógə̄ḿ.

EJEKIEL 40:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə jōó gidə i mí kɔ̄ɔ́. Kem ɓāl̄ kə́ nge ko̰ kutə jōó gidə i mí tə́, ta kəla gír ɓāl̄ ní tə́, kə ndɔ̄ nāā kə́ nge ko̰ kutə, dan ngeé ń noō tə́ ní, taān̄ ɓē kə́ Jerusalem rāā ɓāl̄ kutə gidə i sɔ́ kɔ̄ɔ́, ndɔ̄ nəkɔ́ ń noō tə́ bang anī, Kɔ́ɔ̄ɓē əhɔm̄ kə ngangá ngá̰ý ba unəm̄ aw̄ seḿ nú.

EJEKIEL 32:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó kɔ̄ɔ́. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə gidə i jōó tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 31:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i kógə̄ḿ kɔ̄ɔ́. Kem ɓāl̄ kə́ nge ko̰ kutə gidə i kógə̄ḿ tə́, kem nāā kə́ nge ko̰ mətá tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 30:20

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i kógə̄ḿ kɔ̄ɔ́. Kem ɓāl̄ kə́ nge ko̰ kutə gidə i kógə̄ḿ tə́, kem nāā kə́ ta kəga dɔ tə́, kə ndɔ̄ nāā kə́ nge ko̰ sīrí anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 29:17

Ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ rāā ɓāl̄ kutə jōó gidə i sīrí kɔ̄ɔ́. Banī kem ɓāl̄ kə́ nge ko̰ kutə jōó gidə i sīrí tə́, kem nāā kə́ ta kəga dɔ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ seḿ, ni ədam̄ na: Dɔ tə́, kem ɓāl̄ kə́ nge ko̰ kutə joō gidə i sīrí tə́ ní, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 29:1

Ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ rāā ɓāl̄ kutə kógə̄ḿ kɔ̄ɔ́. Kem nāā kə́ nge ko̰o̰ kutə tə́, kə ndɔ̄ nāā kə́ nge ko̰o̰ kutə gidə i jōó anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 26:1

Kutə̄ gō ń ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ á rāā ɓāl̄ kutə gidə i kógə̄ḿ kɔ̄ɔ́ ní, Kɔ́ɔ̄ɓē ɔr̄ najə̄ seḿ kə ndɔ̄ kə́ ta kəga dɔ yā nāá, ni ədam̄ na:

EJEKIEL 24:1

Ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ rāā ɓāl̄ ndōhó kɔ̄ɔ́. Ba kə ndɔ̄ kə́ nge ko̰ kutə, yā nāā kə́ nge ko̰ kutə kə́ kem ɓāl̄ kə́ nge ko̰ ndōhó tə́ anī, Kɔ́ɔ̄ɓē ɔr̄ najə̄ seḿ, ədam̄ na:

KƏLA RĀĀ 22:3

Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

Najə̄ kə́ Majə yā Jeju ń Luk ndang ní 10:39

Dəyá̰ ní aw̄ kə ngōkó̰o̰n kógə̄ḿ kə́ dəyá̰ kə́ rīn na i Mari. Ni kə́ Mari ngeé ń toō ndi nang tə́ nja Kɔ́ɔ̄ɓē tə́ a oōń najə̄ kɔrə̄n.

Najə̄ kə́ Majə yā Jeju ń Luk ndang ní 8:35

Adə̄ de gə̄ teē reēn̄ ka̰a̰ yá̰a̰ nəkɔ́ ń rāā yá̰á̰ tə́ ní. Dan ń reē ugə̄n̄ rɔ̄ Jeju tə́ anī, əngen̄ dəngam ń ndíĺ kə́ majaĺ gə̄ teēn̄ kemən tə́ kɔ̄ɔ́ ní ndi nang tə́ nja Jeju tə́ kə kūbūú rɔ̄n tə́ ō, ndi i kə́ de kə́ karī gə̄ tə́ ba i kə́ de kə́ yá̰a̰ rāān tə́ to̰ aĺ ō, adə̄ ɓōĺ rāādə́.

Najə̄ kə́ Majə yā Jeju ń Luk ndang ní 2:46

Kə ndɔ̄ kə́ nge ko̰ mətá anī əngenən̄ kem kújə yā Kɔ́ɔ̄ɓē tə́, ndi nang tə́ dan ngé kɔjə de gə̄ yá̰a̰ gə̄ tə́ a oōń najə̄ yādə́ ō, a dəjeńdə́ najə̄ ō.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ Babilon tə́.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

2 MBAN̄G 3:13

Elije əda mban̄g kə́ Israel na: I rí n ɓoojí jḭḭ seí naā tə́. Āw̄ rɔ̄ ngé koō ta yā bɔbí gə̄ ō, yā kó̰ó̰í gə̄ ō tə́. Mban̄g kə́ Israel tél ədan na: I tītə̄ ń noō alé, tɔdɔ̄ kə́ rɔ̄kum gə̄ tə́ ní Kɔ́ɔ̄ɓē əla gō mban̄g kə́ mətá gə̄ ń toō tə́ i yā kəladə́ kem jī Moab gə̄ tə́.

2 MBAN̄G 6:32

Dan ń mban̄g əla nge kəla yān kógə̄ḿ rɔ̄ Elije tə́ ní, Elije ndi i ɓēé looneé kə kum kɔɔ̄ gə̄ yā Israel gēé n mban̄g əlań rɔ̄n tə́ ní. Ba pá tá kadə̄ nge kəla ní reē ugə̄ rɔ̄n tə́ anī, Elije əda kum kɔɔ̄ gə̄ na: Á̰a̰ī, ngōn̄ nge tɔ̄l̄ deē ń noō əla deē kadə̄ reē əja míndə́ḿ. Ré nge kəla ní ugə̄ anī, ūtī ta kújə kɔ̄ɔ́ ba ī-mbərein̄ kə bápá kum kə̄ ndágá. Ba i kɔ́ɔ̄n ń utə̄ gōn ní n, kōō njan a ɓār̄ noó aĺ a?

JEREMI 21:2

Ōō najə̄ ta Kɔ́ɔ̄ɓē tə́ tām̄ yājí tə́, tɔdɔ̄ Nabukodonosor, mban̄g kə́ Babilon ənījí rɔ̄ɔ̄, majanī Kɔ́ɔ̄ɓē a tél yā rāā yá̰á̰ kə́ yáā yān kógə̄ḿ tām̄ yājí tə́, yā tə̄ɓānneé kə gérger yānneé. Tā anī, Kɔ́ɔ̄ɓē ɔr̄ najə̄ kə Jeremi.

EJEKIEL 8:11

Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

EJEKIEL 20:2

Anī Kɔ́ɔ̄ɓē ɔr̄ najə̄ seḿ, ədam̄ na: