EJEKIEL 2:9 - Bibəl ta Sar̄

⁹ Loo ń noō tə́ m-á̰a̰ jī deē kógə̄ḿ kə́ kəla kum kə̄ rɔ̄ḿ tə́ ō, jī deē ní əhɔ ndāŕ ndang najə̄ kógə̄ḿ kə́ ɓír̄ gidə naā tə́ ō.

Bible sar

⁹ Loo ń noō tə́ m-á̰a̰ jī deē kógə̄ḿ kə́ kəla kum kə̄ rɔ̄ḿ tə́ ō, jī deē ní əhɔ ndāŕ ndang najə̄ kógə̄ḿ kə́ ɓír̄ gidə naā tə́ ō.

EJEKIEL 2:9 Referans Kwoze

EJEKIEL 8:3

Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

DANIEL 10:10

Anī jī deē kógə̄ḿ ɔdəm̄ ō, un əndām̄ dɔ rɔ̄ḿ tə́ adə̄ m-ɔ́sə kejəḿ nang tə́ ō, m̄-tə́ndā jīḿ nang tə́ ō, banī m̄-ndebə ngá̰ý.

EJEKIEL 3:1

Deē ń a ɔr̄ najə̄ seḿ ní əda na: Ḭ̄ ngōn̄ deē, ə́sa ndāŕ ndang najə̄ kə́ ɓír̄ gidə naā tə́ ń adīn̄ toó, ba gō tə́ anī aw̄ ɔr̄ najə̄ kə ngán Israel gēé.

HEBƏRO 10:7

Loo ń noō tə́ ní m-ə́da na: Nə́ɓā mā n toó, m̄-reē yā rāā yá̰á̰ ń kemií ndigə ndigə tə́ ní, kə gō ń ndangən̄ ɔjənə̄ń dɔḿ kem ndāŕ ndang najə̄ kə́ ɓír̄ gidə naā tə́ ní.

DANIEL 5:5

Kə̄ ta jī tə́ noō jī deē teē hɔy, ngɔr kə̄ kadə kāgə̄ hor tə́ ba ndang yá̰a̰ kadə bɔr kújə yā mban̄g ń rāān̄ ho̰ rō̰ kə́ ndaa tū tə́ ní tə́. Dan ń mban̄g a̰a̰ jī deē ń a ndang yá̰á̰ ní anī

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.

JEREMI 36:4

Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.

JAKARI 5:1

M-ún kumḿ kə̄ dɔɔ́ ɓáý to̰ anī, m-á̰a̰ makətūbə̄ kə́ to tītə̄ ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́.

JAKARI 5:3

Anī de kə́ dɔ rā̰ tə́ ní, ədam̄ na i ndɔ̄ĺ ń a rāān̄ yā ndɔ̄ĺ ɓē kə taá malang ní n ndangən̄ najə̄n ní. Gidə ndāŕ kə́ dām̄ kógə̄ḿ tə́ ɓáa ndangən̄ tū tə́ na: A tə̄ɓān̄ ngé ɓogə gə̄ malang kɔ̄ɔ́ kem ɓēé. Dāmə̄n kə́rēý tə́ anī ndangən̄ tū tə́ na: De gə̄ malang ń túbən̄ dɔ láḿ tə́ ní, a tə̄ɓān̄də́ kɔ̄ɔ́ kem ɓēé ō.