EJEKIEL 2:7 - Bibəl ta Sar̄

⁷ Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

Bible sar

⁷ Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

EJEKIEL 2:7 Referans Kwoze

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

EJEKIEL 3:17

Ḭ̄ ngōn̄ deē, m-ə̄ndāī i nge kum̄ loo tə́ tām̄ yā ngán Israel gə̄ tə́. Ā ōō najə̄ kɔrə̄ḿ ō, ā ī-tāā ngán Israel gə̄ yā kadə̄m̄ ō.

EJEKIEL 3:10

Ni na̰y kə̄ loo kɔr̄ najə̄ tə́ seḿ ɓáý, əda na: Ḭ̄ ngōn̄ deē, ī-nēl̄ mbīí majə ōoń najə̄ ń m-ā m-ə́daī ní ō, ī-taā najə̄ yāḿ ə̄ndā ngarā̰ kemií tə́ ō.

EJEKIEL 2:5

Ká ré nin̄ oōn̄ aáā oōn̄ aĺ aáā tām̄ nin̄ i gír de kə́ mbātə́ najə̄ gə̄ ní, a gerə̄n̄ kadə̄ nge koō ta kógə̄ḿ i dandə́ tə́.

JEREMI 1:7

Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

JEREMI 7:27

Ɔ́jə́də́ kum najə̄ gə̄ ń noō malang, ba oōn̄ ndūí alé. Ī-ɓāŕdə́, ba dalnī najə̄ tə́ alé.

JEREMI 17:20

Ā ə́dádə́ na: Mban̄g kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, sḭḭ̄ malang ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEREMI 36:14

Tā anī, de kə́ bo gə̄ ń kánə̄n̄ naā ní əlan̄ Yehudi ngōn̄ Netania kə́ ngōn̄ Selemia ń i ngōn̄ Kusi ní rɔ̄ Baruk tə́ kadə̄ ədan na: Ún ndāŕ ndang najə̄ kə́ ɓír̄ gidə naā tə́ ń ī-tə́da ta kum kósə de gə̄ tə́ ní jīí tə́, ba ī-reē. Baruk, ngōn̄ Neriya un makətūbə̄ ní ba aw̄ rɔ̄də́ tə́.

JEREMI 42:21

M-ə́dásí yá̰á̰ ní kɔ̄ɔ́ ɓá, banī sḭḭ̄ ōoī ndū Kɔ́ɔ̄ɓē Nə́ɓā yāsí aĺ ō, ōōī najə̄ ń əndā taḿ tə́ kadə̄ m-ɔ̄r̄ sesí ní aĺ ō.

EJEKIEL 11:25

Loo ń noō tə́ m-ə̄nī de gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní gotə yá̰a̰ malang ń Kɔ́ɔ̄ɓē rāā adə̄ m-á̰a̰ā̰ ní.

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

EJEKIEL 20:27

Ḭ̄ ngōn̄ deē, ɔr̄ najə̄ kə ngán Israel gə̄, ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toō: Kaasí gə̄ tájə̄mə̄n̄ ɓáý to̰, tām̄ nin̄ ran̄ dɔ ndūdə́ tə́ seḿ alé.

EJEKIEL 33:7

Ejekiel, ḭ̄ ngōn̄ deē ní, m-ə̄ndāī nge kum̄ loo tə́ tām̄ yā ngán Israel gə̄ tə́. A ōō najə̄ kɔrə̄ḿ ō, ā ī-tāā ngán Israel gə̄ ādə̄m̄ ō.

EJEKIEL 40:4

Ni ədam̄ na: Ḭ̄ ngōn̄ deē, ī-teē kumií majə ō, ī-teē mbīí majə ō. Yá̰a̰ malang ń m-ā m-ɔ́jiī kadə̄ á̰a̰ā̰ ní, ə̄ndā kumií majə gírí. Tām̄ reēn̄ seí laā i yā kadə̄ á̰á̰ yá̰á̰ ní. Gō tə́ anī, ā ə̄nī Israel gə̄ gotə yá̰a̰ malang ń á̰a̰ā̰ ní.

AMOS 3:13

Najə̄ ń Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda ní n toó: Ōōī tāā gə̄ ń toō, ba ī-rāāī ādə̄ kojə yā Jakob ger̄ gō tāā gə̄ ní:

Teē Ngán Israel gə̄ 6:29

ədan na ni na i Kɔ́ɔ̄ɓē, na kə aw̄ kə əda Parao̰ mban̄g kə́ Ejiptə najə̄ gə̄ ń n-ədan ní malang.

JEREMI 6:28

Nin̄ malang i ngé mbātə́ najə̄ gə̄ rɔ̄kum ō, ngé tétə̄ najə̄ gə̄ ō, ngangə̄n̄ tītə̄ nə̄ngá kasə ō, gində̄ ō. Nin̄ malang i ngé nujə loo gə̄.

JEREMI 34:6

Jeremi kə́ nge koō ta ɔr̄ najə̄ gə̄ ń noō malang ta kum Sedekias, mban̄g kə́ Juda tə́ kem ɓē kə́ Jerusalem tə́,

JEREMI 44:20

Anī, Jeremi əda dəngam gə̄ ō, dəyá̰ gə̄ ō, de gə̄ malang ń tél ədanən̄ najə̄ tītə̄ ń noō ní ō na:

EJEKIEL 3:4

Deē ń a ɔr̄ najə̄ ní ədam̄ na: Ḭ̄ ngōn̄ deē, āw̄ rɔ̄ ngán Israel gə̄ tə́, ba ə́dádə́ najə̄ ń m-ā m-ə́daī ní.