EJEKIEL 2:1 - Bibəl ta Sar̄

¹ Ni ədam̄ na: Ḭ̄ ngōn̄ deē, ḭ́ḭ ī-ra dɔɔ́, tɔdɔ̄ m-ā m-ɔ̄r̄ najə̄ seí.

Bible sar

¹ Ni ədam̄ na: Ḭ̄ ngōn̄ deē, ḭ́ḭ ī-ra dɔɔ́, tɔdɔ̄ m-ā m-ɔ̄r̄ najə̄ seí.

EJEKIEL 2:1 Referans Kwoze

DANIEL 10:11

Ba deē ní ədam̄ na: Daniel, kó tár yā Nə́ɓā, ə́hɔ rɔ̄í tɔgə ba ī-nāā ger̄ kum najə̄ gə̄ ń m-ā m-ɔ̄r̄ seí ní. Ḭ́ḭ ī-ra dɔɔ́, tɔdɔ̄ ngɔlaā ní əlamə̄n̄ i rɔ̄í tə́. Dan ń m-ōō beé anī m-ḭ́ḭ m̄-ra dɔɔ́, banī m̄-ndebə ngá̰ý ɓáý.

EJEKIEL 4:1

Kɔ́ɔ̄ɓē ədam̄ ɓáý to̰ na: Ḭ̄ ngōn̄ deē, ún bəríkə kógə̄ḿ ə̄ndā nang tə́ noí tə́, ī-rāā yá̰á̰ kə́ to tītə̄ ɓē beé dɔ tə́. Ɓē ní i kum gotə ɓē kə́ Jerusalem.

EJEKIEL 3:17

Ḭ̄ ngōn̄ deē, m-ə̄ndāī i nge kum̄ loo tə́ tām̄ yā ngán Israel gə̄ tə́. Ā ōō najə̄ kɔrə̄ḿ ō, ā ī-tāā ngán Israel gə̄ yā kadə̄m̄ ō.

EJEKIEL 5:1

Nə́ɓā ədam̄ na: Ḭ̄ ngōn̄ deē, ún kaskar kógə̄ḿ kə́ tan atə, ā ī-rāā nə́ngá tə́ kadə̄ ā ī-dəsāń dɔí ō, mbāyí ō. Gō tə́ anī, ī-mbɔ̄jə́ kɔȳ nənga dɔí kə mbāyí ní, ba ī-kēgə̄də́ naā tə́ gír loo mətá.

EJEKIEL 3:4

Deē ń a ɔr̄ najə̄ ní ədam̄ na: Ḭ̄ ngōn̄ deē, āw̄ rɔ̄ ngán Israel gə̄ tə́, ba ə́dádə́ najə̄ ń m-ā m-ə́daī ní.

EJEKIEL 3:1

Deē ń a ɔr̄ najə̄ seḿ ní əda na: Ḭ̄ ngōn̄ deē, ə́sa ndāŕ ndang najə̄ kə́ ɓír̄ gidə naā tə́ ń adīn̄ toó, ba gō tə́ anī aw̄ ɔr̄ najə̄ kə ngán Israel gēé.

KƏLA RĀĀ 9:6

Ba ḭ́ḭ dɔɔ́ údə kem ɓēé, anī a ɔjənī yá̰á̰ ń kadə̄ ī-rāā ní.

KƏLA RĀĀ 26:16

Ba ḭ́ḭ ī-ra kə njaí dɔɔ́. m̄-ndɔ̄bī i yā kadə̄ m̄-rāāī nge kəla yāḿ tə́. Ā ī-tél de kə́ kum tə́ yāḿ, kadə̄ ɔ́jə loo ka̰a̰ ń á̰a̰m̄ ɓōólaā ní ō, kadə̄ ā ə́dá yá̰a̰ gə̄ ń m-ā m-ɔ́jiī ɓáý kadə̄ á̰a̰ā̰ ní ō.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JA̰A̰ 3:13

Deē kógə̄ḿ kə́ ḭḭ dɔ nang tə́ aw̄ dɔ rā̰ tə́ gətóo, ba i ngé ń ḭḭ dɔ rā̰ tə́ reē dɔ nang tə́ á i Ngōn̄ Deē ní tá ngóy.

MATIYE 17:7

Jeju reē rɔ̄də́ tə́, ɔdədə́ kə jīneé ba ədadə́ na: Ḭ́ḭī dɔɔ́, ī-lōōī ɓōĺ.

DANIEL 10:19

Gō tə́ anī ədam̄ na: Kó tár yā Nə́ɓā, ī-lōō ɓōĺ! Ādə̄ kemií sɔl̄ lɔm! Ə́hɔ rɔ̄í tɔgə! Dan ń deē ní a ɔr̄ najə̄ seḿ ní m̄-tél m-ə́ngé tɔ́gə gogə́ rang, adə̄ m-ə́dan na: Kɔ́ɔ̄ḿ, ɔ̄r̄ najə̄, tɔdɔ̄ ādə̄m̄ tɔ́gə kɔ̄ɔ́.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

EJEKIEL 37:3

Tā anī Kɔ́ɔ̄ɓē dəjem̄ najə̄, əda na: Ḭ̄ ngōn̄ deē, kə̄ngā gə̄ ń noō asən̄ tél ndi kə kumdə́ gogə́ a, ə́dam̄. Anī m̄-téĺ m-ə́dan na: Kɔ́ɔ̄ɓē Nə́ɓā, i ḭ̄ n ī-ger̄ ní!

EJEKIEL 20:3

Ḭ̄ ngōn̄ deē, ə́da kum kɔɔ̄ kə́ Israel tə́ najə̄ ń toō ādə̄m̄. Ə́dádə́ na: Ī-reēī i koō najə̄ kə́ taḿ tə́ yā gerə̄ń yá̰á̰ ń m̄-ndigə ní waḿ. I beé ní, tītə̄ ń m̄-ndiń kə kumḿ noō, m-ā m-ə́ya̰ ta róbə yā kadə̄sí kadə̄ ī-dəjemī najə̄ kógə̄ḿ alé. Najə̄ ń mā Kɔ́ɔ̄ɓē Nə́ɓā m-ə́dá ní n noó!

EJEKIEL 17:2

Ḭ̄ ngōn̄ deē, ə́ga səngó kógə̄ḿ ādə̄ ngán Israel kə ta kūl̄ kənīdə́ gotə najə̄ kógə̄ḿ.

EJEKIEL 16:2

Ḭ̄ ngōn̄ deē, ɔ́jə Jerusalem yá̰á̰ kə́ majaĺ ngá̰ý gə̄ ń ni-rāā ní.

EJEKIEL 15:2

Ḭ̄ ngōn̄ deē, kāgə̄ nduú majə tɔȳ gotə kāgə̄ kə́ rang gə̄ a? Ta jīn gə̄ majən̄ tɔȳ ta jī kāgə̄ kə́ rang gə̄ kə́ kem ku loo tə́ a?

EJEKIEL 14:13

Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?

EJEKIEL 13:2

Ḭ̄ ngōn̄ deē, ngé gə̄ ń ədan̄ na nin̄ na i ngé koō ta kə́ Israel tə́ gə̄ ba a ədan̄ i najə̄ kə́ dɔdə́ nin̄ kɔ́ gə̄ adə̄də́ gə̄ ní, ī-teē kə gíŕdə́ dɔɔ́. Ə̄ndā dɔdə́ tə́ ādə̄ oōn̄ najə̄ yāḿ mā.

EJEKIEL 12:3

I beé ní, ḭ̄ ngōn̄ deē, ɔ́sə nja yá̰a̰ mbā yāí kə̄ naā tə́ dan kadaá, ta kum de gə̄ tə́ malang tām̄ yā de kə́ a aw̄n̄ seneé kə̄ dɔ ɓē kə́ rang tə́ dɔ gúú tə́ tə́. Gō tə́ anī ī-ndɔ́tə̄ loo ń ī-ndi tū tə́ ní tə́ kɔ̄ɔ́ ba āw̄ loo kə́ rang tə́, ta kum de gə̄ tə́ malang. Na majanī a a̰a̰n̄ kadə̄ nin̄ i gír de kə́ ngé mbātə́ najə̄ gə̄.

EJEKIEL 7:2

Ḭ̄ ngōn̄ deē, ōō yá̰á̰ ń mā Kɔ́ɔ̄ɓē Nə́ɓā m-ə́dá ngán Israel gə̄ ní. M-ə́dádə́ na: Gíŕ yá̰a̰ malang gān̄g kɔ̄ɔ́! Yá̰á̰ kə́ nujə sák sák kə́ ta tɔ̄l̄ ta tə́ taā loo malang kem ɓēé, bátə́ kíl ɓē kə́ sɔ́ gə̄ tə́.

EJEKIEL 3:10

Ni na̰y kə̄ loo kɔr̄ najə̄ tə́ seḿ ɓáý, əda na: Ḭ̄ ngōn̄ deē, ī-nēl̄ mbīí majə ōoń najə̄ ń m-ā m-ə́daī ní ō, ī-taā najə̄ yāḿ ə̄ndā ngarā̰ kemií tə́ ō.

EJEKIEL 2:8

Ba ḭ̄ Ngōn̄ deē ndul, ī-lōō rāā dɔ ngan̄g tītə̄ yādə́, banī ōō yá̰á̰ ń m-ā m-ə́daī ní. Ī-teē taí ba ə́sá yá̰á̰ ń m-ā m-ādī ní.

EJEKIEL 2:6

Ní, ḭ̄ ngōn̄ deē ndul, ī-lōō ɓōĺdə́ ō, ī-lōō ɓōĺ najə̄ kɔr̄də́ ō. Nin̄ a ədan̄ najə̄ kə́ mbātə́ yāí ḭ̄. Adə̄ ā ɔ́jəń na ī-ndi i dan kōn̄ gə̄ tə́, aláa na i dan kókə́rang gə̄ tə́. Banī ī-lōō ɓōĺ najə̄ kɔr̄də́ ō, ī-lōō ɓōĺ ta kumdə́ ō. Tɔdɔ̄ nin̄ i gír de kə́ ngé mbātə́ najə̄ gə̄.

PĀ GƏ̄ 8:4

Dan ń m-á̰a̰ dɔ rā̰ ń i kəla kə́ ī-rāā kə jīí ní ō, nāā ō, tə́yō̰ gə̄ ō ń ī-tə́ndādə́ ní ō anī,

EJEKIEL 2:3

Ni ədam̄ na: Ḭ̄ ń i ngōn̄ deē ní, m-ā m-ə́laī kə̄ rɔ̄ ngán Israel gə̄ tə́. Nin̄ i ɓūtə̄ de kə́ ngé mbātə́ najə̄ gə̄ kə́ mbātə́mə̄n̄ kɔ̄ɔ́. Nin̄ gə̄gē, kaadə́ gə̄gē, mbātə́mə̄n̄ bátə́ ɓōólaā.

EJEKIEL 1:28

Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

EJEKIEL 40:4

Ni ədam̄ na: Ḭ̄ ngōn̄ deē, ī-teē kumií majə ō, ī-teē mbīí majə ō. Yá̰a̰ malang ń m-ā m-ɔ́jiī kadə̄ á̰a̰ā̰ ní, ə̄ndā kumií majə gírí. Tām̄ reēn̄ seí laā i yā kadə̄ á̰á̰ yá̰á̰ ní. Gō tə́ anī, ā ə̄nī Israel gə̄ gotə yá̰a̰ malang ń á̰a̰ā̰ ní.

EJEKIEL 43:18

Deē ní ədam̄ na: Ḭ̄ ngōn̄ deē, ōō yá̰á̰ Kɔ́ɔ̄ɓē Nə́ɓā ədaī kadə̄ ī-rāā ní: Ndɔ̄ ń a rāānəń loo tun̄ yá̰á̰ tə́ yā ndējəń yá̰a̰ tun̄ kə́ kə taá malang ō, yā ɓōkə́nń mósə dā̰ gə̄ tə́ ō ní, jī bēl̄ loo rāā yá̰a̰ gə̄ n toó: