EJEKIEL 19:7 - Bibəl ta Sar̄

⁷ Ni ɓéngə̄lē ndogə̄ mbal̄ yādə́ kə́ ngan̄g ngá̰ý gə̄ kɔ̄ɔ́ ō, nujə kə ɓē yādə́ gə̄ kɔ̄ɔ́ ō. De kə́ kem ɓēé gə̄ ōōn̄ kōō nōōn anī, ɓōĺ rāādə́ adə̄ nin̄ ndewn̄.

Bible sar

⁷ Ni ɓéngə̄lē ndogə̄ mbal̄ yādə́ kə́ ngan̄g ngá̰ý gə̄ kɔ̄ɔ́ ō, nujə kə ɓē yādə́ gə̄ kɔ̄ɔ́ ō. De kə́ kem ɓēé gə̄ ōōn̄ kōō nōōn anī, ɓōĺ rāādə́ adə̄ nin̄ ndewn̄.

EJEKIEL 19:7 Referans Kwoze

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

EJEKIEL 22:25

Ngār yādə́ gə̄ ton̄ i tītə̄ ɓɔl gə̄ kə́ a nōōn̄ beé. Dā̰ ń nin̄ əhɔn̄ ní, nin̄ rə́yā̰n̄ naā tə́. Nin̄ tɔ̄lə̄n̄ de gə̄ ō, ɓogən̄ yá̰a̰ kənge gə̄ ō, yá̰a̰ yā madə̄də́ gə̄ ō, rāān̄ adə̄ dəyá̰ kə́ ngaa koy gə̄ i ngá̰ý ō.

EJEKIEL 12:19

Gō tə́ anī, ā ə́da de kə́ kem ɓēé gə̄ na: Najə̄ ń Kɔ́ɔ̄ɓē Nə́ɓā əda ní n toó: Gotə de kə́ Jerusalem tə́ gə̄ ń na̰yn̄ dɔ nang kə́ Israel tə́ ní a əsan̄ mápa yādə́ i kə sōlōó ō, a a̰ȳn̄ man̄ yādə́ i kə ɓōĺ kə́ a ndewdə́ ō. Tɔdɔ̄ a nujən̄ ɓē yādə́ sák sák kɔ̄ɔ́, tām̄ de kə́ kemeé gə̄ rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé.

Gōsə̄ najə̄ gə̄ 28:3

Ngol de gə̄ kə́ ndoō rāān ō kə́ a kəsa tətō ngé tɔ́gə gətóo gə̄ ō, to i tītə̄ man̄ kə́ edə kə tɔ́gɔ́, kə́ nujə kōō gə̄ adə̄ yá̰a̰ kəsa gətóo ō.

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

EJEKIEL 19:6

Ni-ndi i dan ɓɔl gə̄ tə́ ō, tél balsáa ɓɔl ō. Ni ndóō loo rə́yā̰ dā̰ naā tə́ ō, əhɔ deē ndul gə̄ əsadə́ ō.

EJEKIEL 19:8

Anī nápar de gə̄ ḭḭn̄ kə̄ loo gə̄ tə́ reē əndān̄ rɔ̄də́ naā tə́ yā rɔ̄ɔ̄ seneé. Nin̄ əyān̄ gūmbə̄ non tə́, ba rāān̄ adə̄ ni-əsō kemeé.

EJEKIEL 45:8

I tītə̄ ń noō n ngār gə̄ a əngenə̄ń loo yādə́ dɔ nang kə́ Israel tə́ ní. Nin̄ a əsan̄ tətō gír de gə̄ yā Kɔ́ɔ̄ɓē to̰ aĺ ō, a əya̰n̄ gotə dɔ nang yā kadə̄ gír ɓē gə̄ kə́ Israel tə́ ō.

2 MBAN̄G 23:33

Parao̰ Neko əhɔ ənīn dəngáyá kem ɓē kə́ Ribəla tə́ dɔ nang kə́ Hamat tə́. I beé n gír ko̰o̰ ɓē yān gāngəń ní. Parao̰ Neko gāng gində̄ arjā̰a̰ kə́ kɔȳn i kəlōo dūbú mətá ō, lɔ́r kə́ kɔȳn i kəlōo mətá ō, dɔ ɓē kə́ Juda tə́.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

EJEKIEL 34:4

Batə̄ kə́ tɔ́gə gətóo gə̄ ní sḭḭ̄ ī-rāāīdə́ adə̄ tɔ́gə́də́ to aĺ ō, ngé kə́ mo̰y gə̄ ní, sḭḭ̄ ī-rāāīdə́ ādə̄ rɔ̄də́ ngáā aĺ ō, ngé kə́ nja tétə̄ gə̄ ní, sḭḭ̄ ɔ́riīdə́ nam̄ aĺ ō, ngé gə̄ əya̰n̄ madə̄də́ gə̄ ba aw̄n̄ sa̰y ní, sḭḭ̄ ī-tél ī-reēī sedə́ gogə́ aĺ ō, ngé gə̄ ń tadə́ tḭ̄ḭ̄ ní, sḭḭ̄ ī-ndəleīdə́ aĺ ō. Banī sḭḭ̄ ó̰o̰ḭ̄ ɓē dɔ batə̄ gə̄ tə́ kə dɔ́nɔ́ ō kə kem ngangá ō.