EJEKIEL 19:14 - Bibəl ta Sar̄

¹⁴ Banī hor kógə̄ḿ teē ɓōdə̄n tə́, o̰o̰ ta jīn gə̄ ō, kanə̄n gə̄ ō. Ta jīn kə́ ngan̄g kə́ yā kadə̄ tél kāgə̄ jī yā mban̄g to̰ gətóo. A ənīn̄ pā ń toō i tītə̄ loo kənī pā yo beé.

Bible sar

¹⁴ Banī hor kógə̄ḿ teē ɓōdə̄n tə́, o̰o̰ ta jīn gə̄ ō, kanə̄n gə̄ ō. Ta jīn kə́ ngan̄g kə́ yā kadə̄ tél kāgə̄ jī yā mban̄g to̰ gətóo. A ənīn̄ pā ń toō i tītə̄ loo kənī pā yo beé.

EJEKIEL 19:14 Referans Kwoze

EJEKIEL 19:11

Ta jīn gə̄ ngangə̄n̄ ō, télən̄ kāgə̄ jī yā mban̄g gə̄ ō. Ni tɔgə mān̄ kāgə̄ gə̄ kum kə̄ dɔɔ́. De gə̄ malang a̰a̰nən̄ sɔɔ̄ń ngāl̄ yān ō, ta jīn gə̄ malang ō.

EJEKIEL 19:1

Kɔ́ɔ̄ɓē ədam̄ na kə m-ə̄nī pā yo ń toō tām̄ yā ngār gə̄ kə́ Israel tə́.

2 MBAN̄G 24:20

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, dɔ ɓē ko̰o̰ kə́ Juda tə́ ō ní. Ta tɔ̄l̄ ta anī ni-tə̄ɓādə́ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

JA̰A̰ 19:15

Banī nin̄-unən̄ ndūdə́ kə̄ dɔɔ́ ngá̰ý ədanə̄ń na: Ādə̄ oy! Ādə̄ oy! Əndan kə máyá̰ tū kāgə̄ kə́ dēsə́ tə́! Pilatə tél ədadə́ na: Kə m-ə́nda mban̄g yāsí kə máyá̰ tū kāgə̄ kə́ dēsə́ tə́ a? Anī Ngol gə̄ kə́ dɔ ngé tun̄ yá̰a̰ gə̄ tə́ tél ədan̄ na: Jḭḭ j-aw̄ kə mban̄g kə́ rang alé, i Sejar ngóy!

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na:

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

OJEE 10:3

Ngɔlaā nin̄ ədan̄ na: Jə-ɓōlíī ndíĺ Kɔ́ɔ̄ɓē alé. I tām̄ najə̄ ń noō tə́ n j-əngeīń mban̄g aĺ ní. Ba ɓōólaā ní, yá̰á̰ ń mban̄g a asə rāā tām̄ yājí tə́ ní i rí?

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

EJEKIEL 15:4

I beé alé, deē a rāań i hor ngóy. Loo ń ré hor o̰o̰ dām̄ tan kə́ jōó gə̄ ō, hor əhɔ danən ō anī, deē a rāań yá̰á̰ kógə̄ḿ ɓáý a?

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

JEREMI 52:3

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, kə́ Juda tə́ ō ní. Ta tɔ̄l̄ ta anī, ni-tə̄ɓā de kə́ kemeé gə̄ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

JEREMI 38:23

A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ Babilon a əhɔī kə jīneé ō, a əla hor dɔ ɓē ń toō tə́ ō.

PĀ GƏ̄ 79:7

tɔdɔ̄ nin̄ təgān̄ yá̰a̰ yā Jakob malang, nujən̄ loo yān sák sák kɔ̄ɔ́.

NEHEMI 9:37

Dɔ nang ní teē yá̰á̰ kə́ majə gə̄ ngá̰ý adə̄ mban̄g gə̄ ń ə̄ndādə́ dɔjí tə́ tām̄ majaĺ yājí gə̄ tə́ ní. Nin̄ o̰o̰n̄ ɓē dɔ dā̰ rɔ̄jí tə́ ō, dɔ yá̰a̰ kul̄ yājí gə̄ tə́ ō, tītə̄ ń kemdə́ ndigə ní. Ba jḭḭ jə-ndi i dan wur kɔl kə́ ngá̰ý tə́.

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

NGÉ SARYA 9:15

Anī túpə kōn̄ əda kāgə̄ gə̄ na: Ré ī-ndigiī kəndām̄ mban̄g rɔ̄kum anī, ī-reē ī-ndiī ndílə́ḿ tə́. Ba ré ī-mbātíī reē ndi ndílə́ḿ tə́ anī, hor kógə̄ḿ a teē kemḿ tə́ yā ko̰o̰ kāgə̄ sédər gə̄ kə́ Liban.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

EJEKIEL 17:10

Əhɔn̄ kāgə̄ nduú ní majə, banī ni asə rāā rɔ̄n alé. Ré néĺ kə́ dūn̄ ɓē tə́ a əla dɔn tə́ anī, ni a tutə malang kɔ̄ɔ́. Ni a tutə kɔ̄ɔ́ dɔ nang ń sɔɔ̄ kadə̄ ni tɔgə tū tə́ ní.

EJEKIEL 26:17

Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.