EJEKIEL 19:1 - Bibəl ta Sar̄

¹ Kɔ́ɔ̄ɓē ədam̄ na kə m-ə̄nī pā yo ń toō tām̄ yā ngār gə̄ kə́ Israel tə́.

Bible sar

¹ Kɔ́ɔ̄ɓē ədam̄ na kə m-ə̄nī pā yo ń toō tām̄ yā ngār gə̄ kə́ *Israel tə́.

EJEKIEL 19:1 Referans Kwoze

EJEKIEL 27:2

Ḭ̄ ngōn̄ deē, ún pā yo kógə̄ḿ ī-nōoń ɓē kə́ Tir.

EJEKIEL 26:17

Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

2 MBAN̄G 24:6

Dan ń Joakim oy ní, i ngōnən Joakin n o̰o̰ ɓē gotən tə́ ní.

EJEKIEL 19:14

Banī hor kógə̄ḿ teē ɓōdə̄n tə́, o̰o̰ ta jīn gə̄ ō, kanə̄n gə̄ ō. Ta jīn kə́ ngan̄g kə́ yā kadə̄ tél kāgə̄ jī yā mban̄g to̰ gətóo. A ənīn̄ pā ń toō i tītə̄ loo kənī pā yo beé.

EJEKIEL 2:10

Jī deē ní tútə ndāŕ ndang najə̄ ní gidə naā tə́ ta kumḿ tə́. Ndangən̄ najə̄ kemeé ō, gidə tə́ ō. Yá̰á̰ ń ndangən̄ ní i pā rɔ̄nel̄ aĺ gə̄ ō, i pā yo gə̄ ō, nōō rɔ̄ gə̄ ō.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

2 MBAN̄G 23:34

Gō tə́ anī əndā Eliakim ngōn̄ Josias mban̄g gotə bɔbə̄n tə́ ba tūr̄ rīn kɔ̄ɔ́, əndā na i Joakim. Joakajə tá aw̄ seneé Ejiptə tə́ adə̄ oy i nú.

EJEKIEL 32:18

Ḭ̄ ngōn̄ deē, ī-nōō tām̄ yā de gə̄ malang kə́ Ejiptə tə́. Ādə̄ pā yo yāí rāā adə̄ nin̄ gə̄gē, gotə nápar de gə̄ kə́ tɔ́gə́də́ i ngá̰ý gə̄gē, risə aw̄ ndin̄ gíŕ nángāá, loo ń de kə́ koy gə̄ risə aw̄n̄ tū tə́ ní tə́.

EJEKIEL 32:16

Pā yo kə́ kadə̄ dəyá̰ gə̄ kə́ dan nápar de gə̄ tə́ malang ənīn̄ dɔ ɓē kə́ Ejiptə tə́ ō, dɔ de gə̄ yān gə̄ kə́ nin̄ i ngá̰ý tə́ ō, ní n noó. I Kɔ́ɔ̄ɓē Nə́ɓā n əda najə̄ ń noó ní.

EJEKIEL 27:32

Dan ń wurdə́ tōr̄də́ ngá̰ý ní, nin̄ unən̄ pā yo ń toō dɔí tə́, nin̄ nōōn̄ ədan̄ na: Ɓē kə́ to tītə̄ ɓē kə́ Tir gətóo, ba ngɔlaā ɓáa i ni n nujənən̄ kɔ̄ɔ́ dan bā bo tə́ toō!

NŌŌ RƆ̄ 5:12

Nin̄ kɔ́ gə̄ ənīn̄ kəlā míndə ngār gə̄ tə́ kə jīdə́ tɔ̄l̄neédə́ ō, rɔyn̄ kum kɔɔ̄ gə̄ aĺ ō.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

JEREMI 24:8

Banī Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń m-ā m̄-rāā kə Sedekias, mban̄g kə́ Juda ō, kə de kə́ bo yān gēé ō, kə gotə de kə́ Jerusalem tə́ gə̄ ō, kə de gə̄ malang ń tél ndin̄ kem ɓē ń toō tə́ ō, kə de gə̄ malang ń ndin̄ kem ɓē kə́ Ejiptə tə́ ō ní, i yá̰á̰ ń a rāān̄ kə kan̄ kótə̄ kə́ majaĺ gə̄ ní. I yá̰á̰ ń a rāān̄ kə ngé kə́ nel aĺ bátə́ gə̄ adə̄ dum kəsa ní n m-ā m̄-rāā sedə́ ní.

JEREMI 24:1

Dan ń Nabukodonosor mban̄g kə́ Babilon əhɔ Yekonia, ngōn̄ Joakim mban̄g kə́ Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta kújə yā Kɔ́ɔ̄ɓē tə́.

JEREMI 22:30

Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ Juda tə́ ō ní gətóo.

JEREMI 22:28

Konia ngeé ń toō ní, i jóó kə́ tɔ̄ɔ̄ adə̄ majə rāań yá̰a̰ to̰ aĺ, aké i bay kə́ de gə̄ əyan̄ kɔ̄ɔ́ kə̄ nodə́ tə́ a? I tām̄ rí tə́ á tə́ɓānən̄ kə ngánən gēé ō, ɓōkə́n̄də́ kɔ̄ɔ́ dɔ nang kə́ gerə̄n̄ aĺ tə́ ō ní?

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

2 YÁ̰A̰ GƏ̄ 36:10

Dan ń ɓāl̄ kə́ kijə ugə̄ anī mban̄g Nabukodonosor əla de gə̄ adə̄ reēn̄ kə Joakin ō, yá̰a̰ gə̄ kə́ kem kújə yā Kɔ́ɔ̄ɓē tə́ kə́ gātə̄də́ i ngá̰ý gə̄ ō, Babilon. Ba əndā Sedekias kə́ ngōkó̰o̰ Joakim mban̄g dɔ ɓē kə́ Jerusalem tə́ ō, Juda tə́ ō.

2 YÁ̰A̰ GƏ̄ 36:6

Nabukodonosor mban̄g kə́ Babilon reē ənīn rɔ̄ɔ̄. Do̰ō̰n kə súĺ gində̄ nə̄ngá kasə kə́ kəga gidə naā tə́ jōó ba aw̄ seneé Babilon.

2 YÁ̰A̰ GƏ̄ 36:3

Mban̄g kə́ Ejiptə ń rīn na i Neko ní ɔrə̄n mbangāá kɔ̄ɔ́ ba gān̄g yā tīr̄ dɔ Juda gə̄ tə́, kadə̄ adə̄n̄ gində̄ arjā̰a̰ kə́ kɔȳn i kəlōo dūbú mətá ō, lɔ́ŕ kə́ kɔȳn i kəlōo kutə mətá ō.

2 YÁ̰A̰ GƏ̄ 35:25

Jeremi nge koō ta rāā pā kógə̄ḿ nōoń Josias. Əla gír ndɔ̄ ń noō tə́ bátə́ ɓōólaā ní, gōsə̄ pā kə́ dəngam gə̄ ō, kə́ dəyá̰ gə̄ ō, malang a ɔrə̄n̄ i najə̄ yā Josias kem pā nōō rɔ̄ yādə́ gə̄ tə́, tɔdɔ̄ tél i jī bēl̄ loo rāā yá̰á̰ kə́ dɔ nang kə́ Israel tə́ kɔ̄ɔ́. Ndangən̄ pā gə̄ ní i kem makətūbə̄ pā nōō rɔ̄ gə̄ tə́.

EJEKIEL 19:2

Kété ní, kó̰ó̰sí i ɓɔl kə́ dəyá̰ dan ɓɔl kə́ rang gə̄ tə́. Ni to i dan ngán ɓɔl gə̄ tə́. Ni-ul̄ ngánən gə̄.

EJEKIEL 28:12

Ḭ̄ ngōn̄ deē, ún pā yo kógə̄ḿ dɔ mban̄g kə́ Tir tə́. Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Kété ní ḭ̄ i yá̰á̰ ndájə̄ kə́ majə ɔtə̄ kə taá, kum kedə̄ yāí i ngá̰ý ō, ī-majə deē ngá̰ý ō.

EJEKIEL 32:2

Ḭ̄ ngōn̄ deē, ə̄nī pā yo ń toō kə Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

AMOS 5:1

Israel gə̄, ōōī kum pā yo ń m-ə̄nī m-ā m̄-nōońsí toō: