EJEKIEL 18:9 - Bibəl ta Sar̄

⁹ Ni-rāā yá̰a̰ gə̄ ń ndū najə̄ yāḿ gə̄ ədan̄ ní ō, əndā kumən gír jī bēl̄ loo rāā yá̰a̰ yāḿ gə̄ tə́ ba rāādə́ kanjə̄ kəya̰ gō kɔ̄ɔ́ ō. Adə̄ mā Kɔ́ɔ̄ɓē Nə́ɓā m-ə́da na de kə́ beé i de kə́ gōtə́ rɔ̄kum ō, ni a ndi kə kumneé ō.

Bible sar

⁹ Ni-rāā yá̰a̰ gə̄ ń *ndū najə̄ yāḿ gə̄ ədan̄ ní ō, əndā kumən gír jī bēl̄ loo rāā yá̰a̰ yāḿ gə̄ tə́ ba rāādə́ kanjə̄ kəya̰ gō kɔ̄ɔ́ ō. Adə̄ mā Kɔ́ɔ̄ɓē Nə́ɓā m-ə́da na de kə́ beé i de kə́ gōtə́ rɔ̄kum ō, ni a ndi kə kumneé ō.

EJEKIEL 18:9 Referans Kwoze

HABAKUK 2:4

Ī-ndang najə̄ ń toō: Deē ń gír̄ kə́ kemən tə́ i kə́ majaĺ ní, tɔ́gən gətóo. Banī deē ń ra dɔ ndūn tə́ kə Nə́ɓāá ní, i nge rāā yá̰á̰ kə́ gōtə́. I tītə̄ ń noō n ni ndiń kə kumneé ní

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.

AMOS 5:4

Najə̄ ń Kɔ́ɔ̄ɓē əda ngán Israel gə̄ ní n toó: Ré ī-gḛyiī ndi kə kumsí anī, i mā n majə kadə̄ ī-sāāmī ní.

EJEKIEL 18:17

Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni un gō jī bēl̄ loo rāā yá̰a̰ yān gə̄ ō, ni-rāā yá̰a̰ gə̄ ń ndū najə̄ yāḿ gə̄ ədan̄ ní ō. Ní, de kə́ beē a oy najə̄ yá̰á̰ kə́ gōtə́ aĺ gə̄ ń bɔbə̄n rāā tə́ ní a? I rɔ̄kum kadə̄ ni a oy najə̄n tə́ alé, ba a ndi kə kumneé.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

Makətūbə̄ ń Pol ndang adə̄ Rom gə̄ ní 1:17

Tɔdɔ̄ Najə̄ kə́ Majə ɔjə loo rāā ń Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́ ní: I kə gō taā kemeé ngóy, ta kəla gíŕ tə́ bátə́ ta tɔ̄l̄ ta tə́, tītə̄ ń ndangən̄neé kem makətūbūú na: Deē ń i de kə́ gōtə́ ta kum Nə́ɓā tə́ kə ta kūl̄ taā kem yān ní, a ndi kə kumneé i kə ta kūl̄ taā kem.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

AMOS 5:24

Banī ī-rāāī ādə̄ yá̰á̰ kə́ súmūú əɓa bup tītə̄ man̄ kə́ əɓa nang tə́ beē ō, ə́ya̰ī yá̰á̰ kə́ gōtə́ ādī nūgə́ tītə̄ man̄ kə́ teē kə̄ ndágá kem kārə̄n tə́ beē ō!

AMOS 5:14

Ī-sāāī ta róbə rāā yá̰á̰ kə́ majə ba ī-lōōī rāā yá̰á̰ kə́ majaĺ. Loo ń noō tə́ ā ī-ndiī kə kumsí ō, Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, a ndi sesí rɔ̄kum tītə̄ ń ə́daiń ní.

EJEKIEL 37:24

Ā ə́ngeī mban̄g kə́ tītə̄ nge kəla yāḿ Dabid beē. I ni kógə̄ḿ beē n i nge kul̄sí malang ní. Ā ī-ɓōlíī gidə ndū najə̄ yāḿ gə̄ ō, ā ī-ngɔ̄mī jī bēl̄ loo rāā yá̰a̰ yāḿ gə̄ ō, ā ī-rāāī yá̰a̰ i kə jī bēl̄ loo rāān yāḿ gə̄ ō.

EJEKIEL 36:27

M-ā m-ə̄ndā ndílə́ḿ kemsí tə́. I tītə̄ ń noō n m-ā m̄-rāań kadə̄ sḭḭ̄ ásiī koō taḿ ba rāā yá̰a̰ gə̄ ń ndū najə̄ yāḿ gə̄ ədan̄ ní ō, ɓōĺ gidə yá̰á̰ m-ə́dásí kadə̄ ī-rāāī ní ō, rāā yá̰á̰ m-ə́dásí kadə̄ ī-rāāī ní ō.

EJEKIEL 33:15

Yá̰á̰ ń asə rāā ní n toó: Ni tél kə yá̰a̰ tə̄nā yá̰á̰ adə̄ kɔ́ɔ̄ gogə́, aláa yá̰á̰ ń ni ɓogə ní, ni téləń adə̄ kɔ́ɔ̄ gogə́. Aláa ni-rāā yá̰á̰ ń ndū najə̄ gə̄ ədan̄ ní, ndū najə̄ gə̄ ń i ngé rāā kadə̄ deē ndi kə kumneé ní, adə̄ ni rāā yá̰á̰ kə́ majaĺ gə̄ to̰ alé. I beé ní, deē ngeé ń toō a ndi kə kumneé rɔ̄kum, ni a oy alé.

EJEKIEL 20:13

Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

NDŪ NAJƏ̄ 11:1

Ī-táriī Kɔ́ɔ̄ɓē Nə́ɓā yāsí, úniī gō ndū najə̄ yān gə̄ ō, yá̰a̰ kāgə̄ ɓē yān gə̄ ō, yá̰a̰ gə̄ ń əndā dɔsí tə́ kadə̄ ī-rāāī ní ō, kə dɔ ndɔ̄ gə̄.

NDŪ NAJƏ̄ 5:1

Moijə ɓāŕ ngán Israel gə̄ malang ba ədadə́ na: Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń m-ā m-ə́dásí ɓōólaā kadə̄ ōōī ní. Ī-ndóōī ō, ə̄ndāī kumsí gírí kadə̄ úniī gō ō.

NDŪ NAJƏ̄ 4:1

Ngán Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń mə̄kɔ́ m-ɔ́jə́sí loo kun gō ní. I beé n ā ī-ndiīneé kə kumsí ō, ā ī-taāīneé dɔ nang ń Kɔ́ɔ̄ɓē Nə́ɓā yā kaasí gə̄ adə̄sí ní ō.

LEBI GƏ̄ 18:5

Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

EJEKIEL 11:12

Loo ń noō tə́ ā ī-gerī kadə̄ Kɔ́ɔ̄ɓē i mā. Sḭḭ̄ úniī gō ndū najə̄ yāḿ gə̄ aĺ ō, úniī jī bēl̄ loo rāā yá̰a̰ yāḿ gə̄ ī-rāāiń yá̰a̰ aĺ ō. Banī sḭḭ̄ úniī gō yá̰a̰ kāgə̄ ɓē gə̄ nápar de gə̄ ń ndin̄ gīrə̄n̄ gidəsí ní.

EJEKIEL 18:10

Ngōnə̄ḿ kə́ dəngam i de kə́ nge rāā yá̰a̰ kə dɔ́nɔ́ ō, i de kə́ nge tɔ̄l̄ de gə̄ ō, nge rāā yá̰á̰ kə́ rang kə́ tītə̄ ń noō gə̄ ō.

EJEKIEL 18:19

Sḭḭ̄ ī-dəjeī najə̄ ə́daī na ké i tām̄ rī tə́ áké ngōn̄ ətō ndə̄tō yá̰á̰ kə́ gōtə́ aĺ ń bɔbə̄n rāā ní alé ní wa. I tɔdɔ̄ ni ɓōĺ ndū najə̄ gə̄ ō, rāā yá̰á̰ kə́ gōtə́ ō. Yá̰a̰ malang ń m-ə́da kadə̄ yā rāā ní, ni oō taḿ ba rāādə́ rɔ̄kum. Adə̄ ni a ndi kə kumneé tām̄ yā nge ń noō tə́.

NDŪ NAJƏ̄ 6:25

Gō míndə gə̄ ń noō ré j-əndāī kumjí gírí malang jə-rāāī ta kum Kɔ́ɔ̄ɓē Nə́ɓā yājí tə́ tītə̄ ń əndāń dɔjí tə́ ní anī, j-a jə-téliī de kə́ súmūú gə̄.

1 MBAN̄G GƏ̄ 9:4

Ré Salomo̰ na njə̄rā kə̄ non tə́ tītə̄ ń bɔbə̄n Dabid na njə̄rań kété ní kə kem kə́ rɔ̄kum ō, kə háĺ kə́ súmūú ō, ré na rāā yá̰a̰ malang ń n-ədan kadə̄ rāā ní ō, rāā yá̰á̰ ń ndū najə̄ yān əda ní ō, rāā yá̰a̰ kə gō jī loo rāā yá̰á̰ ń ni n-ɔjə ní ō anī,

Gōsə̄ najə̄ gə̄ 12:28

Róbə́ rāā yá̰á̰ kə́ gōtə́ i róbə ndi kə kumuú. Ré deē un anī a ndɔdə̄n̄ naā kə yoó alé.