EJEKIEL 18:8 - Bibəl ta Sar̄

⁸ Ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, gān̄g sarya i kə gō róbə najə̄ kə́ rɔ̄kum ō.

Bible sar

⁸ Ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, gān̄g sarya i kə gō róbə najə̄ kə́ rɔ̄kum ō.

EJEKIEL 18:8 Referans Kwoze

Teē Ngán Israel gə̄ 22:25

Ré ī-taā kūbə̄ yā madí kə́ tə̄nāīneé yá̰a̰ anī, ī-téləń ādə̄n gogə́ pá tá ādə̄ mbang udə ɓáý.

JAKARI 8:16

Jī bēl̄ loo rāā yá̰a̰ gə̄ ń ā úniī gō ní n toó: Ə́daī naā najə̄ kə́ rɔ̄kum. Loo sarya yāsí gə̄ tə́ ɓáa, ī-gāngī sarya kə́ gōtə́, kə́ a reē kə lɔmɔɔ́.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 18:17

Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni un gō jī bēl̄ loo rāā yá̰a̰ yān gə̄ ō, ni-rāā yá̰a̰ gə̄ ń ndū najə̄ yāḿ gə̄ ədan̄ ní ō. Ní, de kə́ beē a oy najə̄ yá̰á̰ kə́ gōtə́ aĺ gə̄ ń bɔbə̄n rāā tə́ ní a? I rɔ̄kum kadə̄ ni a oy najə̄n tə́ alé, ba a ndi kə kumneé.

EJEKIEL 18:13

Ni-adə̄ nar yān loo tə̄nā tə́ yā kəngeń manə̄n dɔ tə́ ō, yā kəngeń yá̰á̰ gírí ō. Ngōn̄ ń noō ní a ndi kə kumneé a? Rɔ̄kum, a ndi kə kumneé alé! Yá̰á̰ kə́ majaĺ ngá̰ý gə̄ malang ń noō ni-rāādə́. Adə̄ ni a oy ō, najə̄ yon a tél yā kəsō i dɔn nəkɔ́ tə́ ō.

PĀ GƏ̄ 15:5

Ni-adə̄ nar yān bélé tə́ alé. A taā yá̰a̰ jī deē tə́ yā kəndāń najə̄ dɔ de kə́ najə̄ gətóo dɔn tə́ alé. Deē ń a əhɔ hálən súmūú beé ní a ndi ngan̄g kə dɔ ndɔ̄ gə̄.

JEREMI 15:10

Kum kaȳ aĺ kə́ ba̰ý beē, kó̰ó̰ḿ! Ḭ̄ ójəm̄ mā ń de kə́ kem ɓēé gə̄ malang mbātə́n̄ najə̄ taḿ tə́ ō, nel̄də́ seḿ aĺ ō ní? M-ādə̄ yá̰a̰ loo ndə̄mā tə́ aĺ ō, m̄-taā yá̰a̰ loo ndə̄mā tə́ aĺ ō, banī de gə̄ malang ndɔ̄ĺmə̄n̄.

IJAI 33:15

I de kə́ nge rāā yá̰á̰ kə́ gōtə́ ō, kəda najə̄ kə́ rɔ̄kum ō. Hál deē ní n toó: Ni-mbātə́ yá̰á̰ kə́ kənge kə ta kūl̄ yá̰á̰ kə́ rāā kə dɔ́nɔ́ ō, ni mbəre ngé kadən yá̰a̰ karī yā mangnəń gə̄ kə̄ gogə́ ō. Dan ń a ɔrə̄n̄ najə̄ tɔ̄l̄ deē anī, ni utə̄ mbīn kɔ̄ɔ́. Ni utə̄ kumən kɔ̄ɔ́ yā ka̰a̰ń yá̰á̰ kə́ majaĺ alé.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

Gōsə̄ najə̄ gə̄ 28:8

De kə́ nge rāā kadə̄ yá̰a̰ kənge yān reē ngá̰ý dɔ madə̄ tə́ kə ta kūl̄ nar yān kə́ adə̄ kūl̄ tə́ ba gān̄g manə̄n ngá̰ý dɔ tə́ ní, yá̰a̰ kənge yān ní a tél yā reē i kə̄ jī de kə́ nge ka̰a̰ kum to ndoō yā ngé tɔ́gə gətóo gə̄ tə́.

NEHEMI 5:15

Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

2 SAMUEL 22:24

m̄-ndigə kadə̄ ənge yá̰á̰ kə́ yā kəda dɔḿ tə́ alé. m̄-gḛy kadə̄ najə̄ əhɔm̄ alé, adə̄ m̄-ngɔ̄m̄ rɔ̄ḿ.

LEBI GƏ̄ 19:35

Dan ń ā ī-mbɔ̄jíī yá̰a̰ kə yá̰a̰ mbɔ̄jə́ ngāl̄ yá̰á̰, aláa kə mbal̄ mbɔ̄jə́ kɔȳ yá̰á̰, aláa kə kār̄ tɔ́r̄ yá̰á̰ anī, ī-lōōī gól̄ de gə̄ ɓogəńdə́ kə yá̰a̰ gə̄ ń noō.

LEBI GƏ̄ 19:15

Ī-gāngī sarya kə́ gōtə́ aĺ dɔ deē tə́ alé. Ī-lōō kadə̄ nge ndoō, aláa de kə́ bo najə̄ loo sarya tə́ dɔ bám̄ tə́ karī, ba ī-gān̄g sarya yā ngōn̄ nge ɓē madí kə gōó.

EJEKIEL 11:12

Loo ń noō tə́ ā ī-gerī kadə̄ Kɔ́ɔ̄ɓē i mā. Sḭḭ̄ úniī gō ndū najə̄ yāḿ gə̄ aĺ ō, úniī jī bēl̄ loo rāā yá̰a̰ yāḿ gə̄ ī-rāāiń yá̰a̰ aĺ ō. Banī sḭḭ̄ úniī gō yá̰a̰ kāgə̄ ɓē gə̄ nápar de gə̄ ń ndin̄ gīrə̄n̄ gidəsí ní.

NDŪ NAJƏ̄ 23:21

Ā ādə̄ tə̄rā yá̰a̰ kūl̄ tə́, banī ngōkó̰ó̰í kə́ Israel ní ā ādə̄n yá̰a̰ kūl̄ tə́ alé, yā kadə̄ Kɔ́ɔ̄ɓē Nə́ɓā yāí rāań majə seí tū kəla rāāí gə̄ tə́ malang dɔ nang ń ā āw̄ yā taā tə́ ní.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.