EJEKIEL 18:7 - Bibəl ta Sar̄

⁷ Ni-əsa tətō deē aĺ ō, ɓogə yá̰a̰ yā deē aĺ ō. Yá̰á̰ ń deē adə̄n tə̄nań yá̰a̰ jīn tə́ ní, ni téləń adə̄ kɔ́ɔ̄ gogə́. Deē ń ɓō rāān ní, ni-adə̄n yá̰a̰ kəsa ō, deē ń rɔ̄n i karī ní, ni-adə̄n kūbə̄ ō.

Bible sar

⁷ Ni-əsa tətō deē aĺ ō, ɓogə yá̰a̰ yā deē aĺ ō. Yá̰á̰ ń deē adə̄n tə̄nań yá̰a̰ jīn tə́ ní, ni téləń adə̄ kɔ́ɔ̄ gogə́. Deē ń ɓō rāān ní, ni-adə̄n yá̰a̰ kəsa ō, deē ń rɔ̄n i karī ní, ni-adə̄n kūbə̄ ō.

EJEKIEL 18:7 Referans Kwoze

EJEKIEL 18:16

əsa tətō deē aĺ ō, ɓogə deē aĺ ō. Deē ń ɓō rāān ní ni-adə̄n yá̰a̰ kəsa ō, deē ń rɔ̄n i karī ní, ni-adə̄n kūbə̄ ō.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

Teē Ngán Israel gə̄ 22:26

Tɔdɔ̄ yá̰á̰ kə́ rang kə́ kadə̄ ənī dɔn tə́ gətóo, i kūbə̄ nəkɔ́ ń noō ngóy. Ré ɔ̄gə̄n anī, a ənī i rī dɔn tə́? Loo ń a ɓārə́m̄ kadə̄ m̄-dḭḭ̄n anī, m-ā m-ōō ɓār̄ yān tɔdɔ̄ mā i Nə́ɓā kə nge ka̰a̰ kum tō ndoō yā deē.

EJEKIEL 33:15

Yá̰á̰ ń asə rāā ní n toó: Ni tél kə yá̰a̰ tə̄nā yá̰á̰ adə̄ kɔ́ɔ̄ gogə́, aláa yá̰á̰ ń ni ɓogə ní, ni téləń adə̄ kɔ́ɔ̄ gogə́. Aláa ni-rāā yá̰á̰ ń ndū najə̄ gə̄ ədan̄ ní, ndū najə̄ gə̄ ń i ngé rāā kadə̄ deē ndi kə kumneé ní, adə̄ ni rāā yá̰á̰ kə́ majaĺ gə̄ to̰ alé. I beé ní, deē ngeé ń toō a ndi kə kumneé rɔ̄kum, ni a oy alé.

Najə̄ kə́ Majə yā Jeju ń Luk ndang ní 3:11

Ni tūr̄ ədadə́ na: Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

AMOS 2:8

Loo malang ń a rāān̄ kəla tū tə́ a adə̄n̄ Nə́ɓā ní, nin̄ a ton̄ tū tə́ i dɔ kūbə̄ gə̄ kə́ táān̄ jī ngé ndoō gə̄ tə́ tə́. Kem kújə yā nə́ɓā yādə́ tə́ ɓáa, nin̄ a a̰ȳn̄ i kasə nduú kə́ táā jī de gə̄ tə́.

EJEKIEL 18:18

I bɔbə̄n n rāā yá̰á̰ kə́ gōtə́ aĺ kə madə̄n gēé rāań kumdə́ ndoō tə́ ō, ɓogədə́ ō, rāā de gə̄ kə́ dan gír deē yān gə̄ tə́ yá̰á̰ kə́ majaĺ ō ní. Adə̄ i ni n a oy tām̄ yá̰a̰ rāān gə̄ kə́ gōtə́ aĺ tə́ ní.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

SOPONI 1:9

Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

MISE 3:2

Banī yá̰á̰ kə́ majə nel̄sí sḭḭ̄ aĺ ngá̰ý ō, yá̰á̰ kə́ majaĺ nel̄sí ō. Sḭḭ̄ ɔ̄rī ndāŕ madə̄sí gə̄ ō, ī-ngḭ̄ḭ̄ dā̰də́ gidə kə̄ngādə́ gə̄ tə́ kɔ̄ɔ́ ō.

MISE 2:1

Ngé gə̄ ń ndɔ̄ɔ́ anī a əndān̄ i dɔ yá̰á̰ kə́ gōtə́ aĺ danaá yā rāā ō, a nómə̄n̄ i rāā yá̰á̰ kə́ majaĺ ō ní, yá̰á̰ kə́ to kum kaȳ aĺ i tām̄ yādə́ tə́! Dan nəkɔ́ ń mbang əɓa anī, nin̄ rāān̄ yá̰a̰ gə̄ ní, loo ń nin̄ aw̄n̄ kə tɔ́gə rāān ní.

AMOS 6:3

Sḭḭ̄ ī-sāāī ndɔ́tə̄ kə ndɔ̄ yá̰á̰ kə́ to kum kaȳ aĺ kə̄ gogə́. Banī sḭḭ̄ ī-rāāī ādə̄ ndɔ̄ yá̰a̰ rāā kə́ kə dɔ́nɔ́ reē.

EJEKIEL 7:23

Ī-rāā súĺ kógə̄ḿ, tɔdɔ̄ ngé tɔ̄l̄ de gə̄ taān̄ loo kem ɓēé ō, yá̰á̰ kə́ rāā kə dɔ́nɔ́ taā loo kem ɓēé ō.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

IJAI 33:15

I de kə́ nge rāā yá̰á̰ kə́ gōtə́ ō, kəda najə̄ kə́ rɔ̄kum ō. Hál deē ní n toó: Ni-mbātə́ yá̰á̰ kə́ kənge kə ta kūl̄ yá̰á̰ kə́ rāā kə dɔ́nɔ́ ō, ni mbəre ngé kadən yá̰a̰ karī yā mangnəń gə̄ kə̄ gogə́ ō. Dan ń a ɔrə̄n̄ najə̄ tɔ̄l̄ deē anī, ni utə̄ mbīn kɔ̄ɔ́. Ni utə̄ kumən kɔ̄ɔ́ yā ka̰a̰ń yá̰á̰ kə́ majaĺ alé.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

Gōsə̄ najə̄ gə̄ 28:27

De kə́ nge kadə̄ nge ndoō yá̰a̰ a nal̄ yá̰á̰ kógə̄ḿ alé, banī deē ń un kumən kɔ̄ɔ́ tan tə́ ní, de gə̄ ngá̰ý a ndɔ̄lnən̄.

Gōsə̄ najə̄ gə̄ 28:8

De kə́ nge rāā kadə̄ yá̰a̰ kənge yān reē ngá̰ý dɔ madə̄ tə́ kə ta kūl̄ nar yān kə́ adə̄ kūl̄ tə́ ba gān̄g manə̄n ngá̰ý dɔ tə́ ní, yá̰a̰ kənge yān ní a tél yā reē i kə̄ jī de kə́ nge ka̰a̰ kum to ndoō yā ngé tɔ́gə gətóo gə̄ tə́.

Gōsə̄ najə̄ gə̄ 14:31

Nge rāā de kə́ tɔ́gən gətóo yá̰á̰ kə́ tōr̄ i de kə́ nge tájə̄ Nə́ɓā kə́ nge rāān, banī nge ka̰a̰ kum tō ndoō yā nge ndoō i de kə́ nge rɔȳ Nə́ɓā.

Gōsə̄ najə̄ gə̄ 3:31

Ī-lōō kəndā nge rāā yá̰a̰ kə dɔ́nɔ́ nii ō, ī-lōō ndájə̄ háĺ yá̰a̰ rāān gə̄ ō.

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

PĀ GƏ̄ 112:4

Loo kə́ unjə̄ kow kógə̄ḿ unjə̄ kum til tə́ tām̄ yā de kə́ súmūú gə̄ tə́. Ni i de kə́ súmūú ō, de kə́ nge rāā kem majə ō, kumən a o̰o̰n ō.

PĀ GƏ̄ 41:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.

Makətūbə̄ yā Job 24:9

Ɔrə̄n̄ ngōn̄ hal kɔ̄ɔ́ ta mba tə́ kadə kó̰o̰n tə́ ō, əhɔn̄ yá̰a̰ yā nge ndoō gíŕ yá̰á̰ kə́ tə̄nā tə́ ō.

Makətūbə̄ yā Job 24:3

I kərō yā ngōn̄ hal n əhɔ aw̄n̄neé ní ō, i man̄g yā dəyá̰ kə́ ngaa koy n əhɔn̄ ta kə̄rā tə́ ní ō.

Makətūbə̄ yā Job 22:6

Ḭ̄ ī-taā yá̰a̰ tə̄nā yá̰a̰ jī ngákó̰ó̰í tə́ kanjə̄ kumən, ī-táā kūbə̄ yān kə́ kal kógə̄ḿ beé jīn tə́.

NDŪ NAJƏ̄ 24:17

Ā ī-tūr̄ gidə yá̰á̰ kə́ gōtə́ yā tə̄rā kə́ nge nam̄ aĺ ō, yā ngōn̄ hal aĺ ō. Ā ə́hɔ kūbə̄ yā dəyá̰ kə́ ngaa koy kə̄rā tə́ gíŕ yá̰á̰ kə́ ādə̄n loo tə̄nā tə́ tə́ aĺ ō.

LEBI GƏ̄ 19:15

Ī-gāngī sarya kə́ gōtə́ aĺ dɔ deē tə́ alé. Ī-lōō kadə̄ nge ndoō, aláa de kə́ bo najə̄ loo sarya tə́ dɔ bám̄ tə́ karī, ba ī-gān̄g sarya yā ngōn̄ nge ɓē madí kə gōó.

Teē Ngán Israel gə̄ 23:9

Ā ī-rāā kum tə̄rā kə́ nge nam̄ ndoō tə́ alé. Yá̰á̰ kə́ tōr̄ ń a rāā de kə́ nge nam̄ ní sḭḭ̄ kɔ́ gə̄ ī-gerī mbak, tɔdɔ̄ kété sḭḭ̄ i ngé nam̄ gə̄ dɔ nang kə́ Ejiptə tə́ ō.

AMOS 2:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Israel gə̄ dɔ tə́ i ngá̰ý. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní. Deē ń najə̄ gətóo dɔn tə́ ní, nin̄ igən̄ seneé tītə̄ ɓəlo beé yā kəngeń nar. Deē ń rɔ̄n tō ndoō ní, nin̄ igən̄ seneé yā kəngeń sākə̄rā jōó.

LEBI GƏ̄ 25:14

Ré ígiī yá̰a̰ aké ī-mangiī yá̰a̰ jī ngōn̄ nge ɓē madə̄sí tə́ anī, ī-lōōī gólə̄n.

LEBI GƏ̄ 19:13

Ī-kə́ra madí aĺ ō, ī-ɓogə yá̰a̰ yān aĺ ō. Nar tətō nge kəla yāí a to jīí tə́ kadə̄ loo tīī dɔ tə́ alé.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

Teē Ngán Israel gə̄ 22:25

Ré ī-taā kūbə̄ yā madí kə́ tə̄nāīneé yá̰a̰ anī, ī-téləń ādə̄n gogə́ pá tá ādə̄ mbang udə ɓáý.

NEHEMI 5:10

Mə̄kɔ́ ō ngákó̰ó̰ḿ gə̄ ō, ngé kəla yāḿ gə̄ ō, j-adə̄də́ nar ō kōō gémē ō loo tə̄nā tə́. Beé ní ādə̄ j-əya̰ī gō kə̄rā yājí gə̄ kɔ̄ɔ́.