EJEKIEL 18:6 - Bibəl ta Sar̄

⁶ Ni-əsa yá̰á̰ kə́ tun̄ gə̄ dɔ mbal̄ gə̄ tə́ aĺ ō, rāā kəla adə̄ ɓesə̄ gə̄ yā ngán Israel gə̄ aĺ ō. Ni-əla rɔ̄sɔl̄ dɔ nə̄yá̰ deē tə́ aĺ ō, sāā dəyá̰ kə́ mósə əhɔn aĺ ō.

Bible sar

⁶ Ni-əsa yá̰á̰ kə́ tun̄ gə̄ dɔ mbal̄ gə̄ tə́ aĺ ō, rāā kəla adə̄ ɓesə̄ gə̄ yā ngán *Israel gə̄ aĺ ō. Ni-əla rɔ̄sɔl̄ dɔ nə̄yá̰ deē tə́ aĺ ō, sāā dəyá̰ kə́ mósə əhɔn aĺ ō.

EJEKIEL 18:6 Referans Kwoze

EJEKIEL 18:15

adə̄ ni-əsa yá̰á̰ kə́ tun̄ gə̄ dɔ mbal̄ gə̄ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ yā ngán Israel aĺ ō, ni-əla rɔ̄sɔl̄ dɔ nə̄yá̰ deē tə́ aĺ ō,

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

EJEKIEL 20:24

I yá̰á̰ ń rāā yá̰á̰ á m̄-túbəń m-ādə̄də́ tītə̄ ń noō ní n toó: Nin̄ unən̄ gō jī bēl̄ loo rāā yá̰a̰ yāḿ gə̄ aĺ ō, usədə́ dɔ ndū najə̄ yāḿ gə̄ tə́ aĺ ō, kídə̄n̄ ndɔ̄ sabat ō, nin̄ aw̄n̄ gō nə́ɓā kə́ rɔ̄kum aĺ gə̄ yā kaadə́ gə̄ tə́ ō.

EJEKIEL 6:13

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.

TƏ́DA 25:2

Ngán kə́ dəyá̰ gə̄ ní ɓārə́n̄də́ loo tun̄ yá̰a̰ kadə̄ ɓesə̄ yādə́ gə̄ tə́, adə̄ əsan̄ yá̰a̰ tū tə́ ō, əsōn̄ kə̄ nang tə́ no ɓesə̄ gə̄ tə́ ndɔ̄ȳn̄də́ ō.

LEBI GƏ̄ 20:18

Ré dəngam ɓīī kə dəyá̰ kə́ mósə rāān anī, a ɔrə̄n̄də́ kɔ̄ɔ́ jōó mbak dan gír deē yādə́ gə̄ tə́, tɔdɔ̄ nin̄ jōó mbak oōn̄ naā ba ɔrə̄n̄ gó̰ý mósə kɔ̄ɔ́.

LEBI GƏ̄ 20:10

Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

1 KORḚNTƏ 10:20

Yá̰á̰ ń m̄-sāā kəda ní n noō alé! M-ə́da na yá̰á̰ ń de kə́ ndágá gə̄ tunə̄n̄ ní, tun̄ adə̄n̄ i ndíĺ kə́ majaĺ gə̄ ba i Nə́ɓā alé. m̄-gḛy kadə̄ ī-ɓooī naā kə ndíĺ kə́ majaĺ gə̄ alé.

MATIYE 5:28

Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

EJEKIEL 20:7

M-ə́dádə́ yá̰á̰ ń toō kadə̄ rāān̄, m-ə́da na: Ādə̄ sḭḭ̄ kógə̄ḿ kógə̄ḿ ní, ə́ya̰ī ɓesə̄ kə́ majaĺ ngá̰ý gə̄ ń əsōn̄ kumsí ní kɔ̄ɔ́! Ī-lōōī rāā kadə̄ ī-téliī de kə́ yḛr gə̄ kə ta kūl̄ rɔȳ ɓesə̄ gə̄ kə́ Ejiptə tə́! Kɔ́ɔ̄ɓē Nə́ɓā yāsí i mā.

PĀ GƏ̄ 121:1

Pā kə́ yā kaw̄ń kə̄ loo kə́ táĺ tə́. M-ún kumḿ kə̄ dɔɔ́! m̄-gó̰ō̰ loo kə̄ dɔ mbal̄ gə̄ tə́! M-á̰a̰ā̰ ké deē a ḭḭ i rá n a reē yā dḭḭ̄m̄ ní wa?

Teē Ngán Israel gə̄ 34:15

Ā ī-ə́hɔī madə̄ naā kə de gə̄ kə́ dɔ nang ní tə́ alé, na sōgə́ a ɓārə́n̄sí kadə̄ aw̄ ī-rāāī ɓesə̄ sedə́ dan ń a rāān̄ ɓesə̄ yādə́ gə̄ ní ō, kadə̄ ə́saī yá̰a̰ gə̄ ń a tun̄ adə̄n̄ ɓesə̄ yādə́ gə̄ ní ō.

Gōsə̄ najə̄ gə̄ 6:29

De kə́ nge sāā nə̄yá̰ madə̄n to i tītə̄ ń noō: Nge kɔdə rɔ̄ nə̄yá̰ madə̄n a teē kum tə́ karī alé.

EJEKIEL 18:5

Yá̰á̰ kə́ yā kɔjəń n toó: De kógə̄ḿ rāā yá̰á̰ majə, ni ɓōĺ ndū najə̄ gə̄ ba rāā yá̰á̰ kə́ gōtə́.