EJEKIEL 18:4 - Bibəl ta Sar̄

⁴ Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

Bible sar

⁴ Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

EJEKIEL 18:4 Referans Kwoze

EJEKIEL 18:20

I deē ń rāā majaĺ ní n sɔɔ̄ kadə̄ ni-oy ní. A əndan̄ ngán gə̄ tām̄ majaĺ yā bɔbə̄də́ gə̄ tə́ aĺ ō, a əndan̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō. Deē ń rāā yá̰á̰ kə́ majə ní, a əndān̄ njan tām̄ yá̰a̰ rāān gə̄ kə́ gōtə́ tə́ ō, deē ń rāā yá̰á̰ kə́ majaĺ ní, a əndanən̄ tām̄ yá̰a̰ rāān kə́ majaĺ tə́ ō.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

GALATƏ 3:22

Ba i tītə̄ ń noō alé, tām̄ makətūbə̄ yā Nə́ɓā əla dɔ yá̰a̰ gə̄ malang kə́ dɔ nang tə́ gíŕ tɔ́gə yā majaĺ tə́, yā kadə̄ Nə́ɓā adə̄ń ngé taā kem gə̄ yá̰á̰ ń ni-ənī míndən yā kadə̄ ngé taā kem Jeju Kərist gə̄ ní.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

TƏ́DA 27:16

Kɔ́ɔ̄ɓē Nə́ɓā, ḭ̄ ń ī-rāā de gə̄ malang ādə̄ ndin̄ kə kumdə́ ní, ə̄ndā deē kógə̄ḿ dɔ ngán Israel gə̄ tə́,

2 MBAN̄G 14:6

Banī ni tɔ̄l̄ ngáń ngé tɔ̄l̄ bɔbə̄n gə̄ alé, kə gō ń ndangən̄neé kem makətūbə̄ ndū najə̄ yā Moijə tə́ ní. Tɔdɔ̄ Kɔ́ɔ̄ɓē əda kem makətūbə̄ ndū najə̄ yā Moijə tə́ na a tɔ̄lə̄n̄ bɔbə̄ ngán gə̄ tām̄ yā yá̰á̰ kə́ majaĺ gə̄ ń ngán gə̄ rāān̄ tə́ ní aĺ ō, a tɔ̄lə̄n̄ ngán gə̄ tām̄ yā yá̰á̰ kə́ majaĺ gə̄ ń bɔbə̄də́ gə̄ rāān̄ ní tə́ aĺ ō. A tɔ̄lə̄n̄ deē i tām̄ yā yá̰á̰ kə́ majaĺ gə̄ ń kɔ́ɔ̄ rāā tə́ ní.

Makətūbə̄ yā Job 21:20

Ādə̄ ni-a̰a̰ nujə ń ni a nujə sák sák ní kə kumneé ō, ādə̄ tan nāā wōn̄g yā Nə́ɓā kə́ tɔ́gən i ngá̰ý ō!

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

JEREMI 31:30

Banī i beé alé. Náā nəkɔ́ a oy najə̄ majaĺ yān tə́. Ré deē kógə̄ḿ əsa kan̄ nduú kə́ ɓogə́ro anī, i ngān̄g kɔ́ɔ̄ nəkɔ́ n a nujə ní.

EJEKIEL 18:3

Tītə̄ ń m̄-ndiń kə kumḿ rɔ̄kum noó ní, najə̄ ń mā Kɔ́ɔ̄ɓē Nə́ɓā m-ə́dásí ní toó: Ā ī-téliī yā kəda kāgə̄ najə̄ ń noō dɔ nang kə́ Israel tə́ to̰ alé.

EJEKIEL 18:5

Yá̰á̰ kə́ yā kɔjəń n toó: De kógə̄ḿ rāā yá̰á̰ majə, ni ɓōĺ ndū najə̄ gə̄ ba rāā yá̰á̰ kə́ gōtə́.

EJEKIEL 33:8

Tītə̄ ń toō, i gáŕ kadə̄ m̄-tāā deē kógə̄ḿ kə́ majaĺ m-ə́dan na ni a oy rɔ̄kum. Banī ḭ̄ ī-tāan alé, ī-dəjen kadə̄ tūr̄ hálən alé. Adə̄ deē ní a oy najə̄ yá̰a̰ rāān gə̄ kə́ gōtə́ aĺ tə́, banī mā m-ā m̄-dəjeī ḭ̄ gír yon.

NDŪ NAJƏ̄ 24:16

A tɔ̄lə̄n̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō, a tɔ̄lə̄n̄ ngán gə̄ tām̄ majaĺ yā bɔbə̄də́ gə̄ tə́ aĺ ō, banī a tɔ̄lə̄n̄ de gə̄ kógə̄ḿ kógə̄ḿ i tām̄ majaĺ yādə́ nin̄ kɔ́ gə̄ tə́.

Makətūbə̄ yā Job 8:4

Majə aĺ anī, ngání gə̄ rāān̄ i yá̰á̰ kə́ gōtə́ aĺ seneé n ni əndadə́ ní.

EJEKIEL 3:18

Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.