EJEKIEL 18:2 - Bibəl ta Sar̄

² I tām̄ rí tə́ á ədan̄ kāgə̄ najə̄ ń toō kə̄ nja naā tə́ dɔ nang kə́ Israel tə́ ní, ədan̄ na: Bɔbə̄ ngán gə̄ əsan̄ kan̄ kāgə̄ nduú kə́ ɓogə́ro, ba i ngán gə̄ n ngān̄gdə́ oy ō ní?

Bible sar

² I tām̄ rí tə́ á ədan̄ kāgə̄ najə̄ ń toō kə̄ nja naā tə́ dɔ nang kə́ *Israel tə́ ní, ədan̄ na: Bɔbə̄ ngán gə̄ əsan̄ kan̄ *kāgə̄ nduú kə́ ɓogə́ro, ba i ngán gə̄ n ngān̄gdə́ oy ō ní?

EJEKIEL 18:2 Referans Kwoze

NŌŌ RƆ̄ 5:7

Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.

EJEKIEL 37:19

Anī, ī-téĺ ə́dádə́ na mā Kɔ́ɔ̄ɓē Nə́ɓā m-ə́dádə́ yá̰á̰ ń toō: M-ā m-ún kāgə̄ ɔsə kum gotə Jəjep ō, Israel gə̄ kə́ kem ɓē ko̰o̰ ń toō tə́ ní ō, yā kəndādə́ naā tə́ kə dugə̄jū kāgə̄ kə́ ɔsə kum gotə ɓē ko̰o̰ kə́ Juda. Nin̄ jōó mbak a télən̄ i dugə̄jū kāgə̄ kə́ kógə̄ḿ beē jīḿ tə́.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

EJEKIEL 37:11

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Kə̄ngā gə̄ ń noō ní ɔsən̄ i kum gotə ngáń Israel gə̄ malang. Israel gə̄ ədan̄ na: Jə-to tītə̄ kə̄ngā kə́ tutə gə̄ beé, kəndā kem dɔ tə́ yājí oy kɔ̄ɔ́, tají tḭ̄ḭ̄ kɔ̄ɔ́!

EJEKIEL 17:12

Kə m̄-dəje ɓūtə̄ ngé dɔ ngan̄g gə̄ ń toō ké gerə̄n̄ kum gotə najə̄ ń toō aĺ wa? Kə m̄-ter̄ kemdə́ dɔ yá̰á̰ ń toō tə́: Mban̄g kə́ Babilon udə kem ɓē kə́ Jerusalem tə́. Ni-əhɔ mban̄g ō, ngār gə̄ ō ba aw̄ sedə́ Babilon.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Makətūbə̄ ń Pol ndang adə̄ Rom gə̄ ní 9:20

Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?

MATIYE 23:36

Ādə̄ m-ə́dásí najə̄ kə́ bo ngá̰ý, yá̰a̰ gə̄ ń noō malang a télən̄ yā kəsō dɔ de kə́ ngɔlaā gə̄ tə́.

EJEKIEL 25:3

Ə́dádə́ na kə oōn̄ yá̰á̰ ń mā Kɔ́ɔ̄ɓē Nə́ɓā m-ɔ̄r̄ sedə́ ní. Dan ń rāān̄ loo yāḿ kə́ táĺ loo kə́ karī tə́ ní, dan ń nujən̄ ɓē kə́ Israel tə́ kɔ̄ɔ́ ní, dan ń ɔyn̄ de kə́ Juda gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, sḭḭ̄ ə̄gōīdə́ ngá̰ý.

JEREMI 15:4

M-ā m̄-rāā kadə̄ télən̄ yá̰á̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. M-ā m̄-rāā tītə̄ ń noō i najə̄ yā Manase ngōn̄ Ejekias, mban̄g kə́ Juda tə́, tām̄ yā yá̰a̰ malang ń ni-rāā Jerusalem tə́ ní.

EJEKIEL 7:2

Ḭ̄ ngōn̄ deē, ōō yá̰á̰ ń mā Kɔ́ɔ̄ɓē Nə́ɓā m-ə́dá ngán Israel gə̄ ní. M-ə́dádə́ na: Gíŕ yá̰a̰ malang gān̄g kɔ̄ɔ́! Yá̰á̰ kə́ nujə sák sák kə́ ta tɔ̄l̄ ta tə́ taā loo malang kem ɓēé, bátə́ kíl ɓē kə́ sɔ́ gə̄ tə́.

Makətūbə̄ yā Job 21:19

De gə̄ a ədan̄ na Nə́ɓā na ngɔ̄m̄ ndéy yā bɔbə̄ ngōn̄ tām̄ yā ngōn̄ tə́ a? Ādə̄ yá̰á̰ kə́ tōr̄ rāā bɔbə̄ ngōn̄ nəkɔ́ tá bɔbə̄ ngōn̄ ger̄!

EJEKIEL 12:22

Ḭ̄ ngōn̄ deē, ōō! Sḭḭ̄ ī-tél ā ə́daī kāgə̄ najə̄ ń toō kə̄ nja naā tə́ kə̄ dɔ ɓē kə́ Israel tə́ ə́daī na: Kum mbang mān̄ ō, yá̰á̰ kə́ ka̰ā̰ gə̄ ní, kógə̄ḿ kə́ reē udə gíŕ kə́ rɔ̄ tə́ gətóo ō. Ní, ə́daī nge ń noō i tām̄ rí tə́?

EJEKIEL 16:44

Kɔ́ɔ̄ɓē əda ɓáý to̰ na: Jerusalem, ngé rāā mēlē tām̄ gə̄ a rāān̄ mēlē tām̄ ń toō seí, nin̄ a ədan̄ na: Kó̰o̰ ngōn̄ nin̄ kə ngōnən kə́ dəyá̰ ton̄ i tītə̄ naā.

EJEKIEL 18:1

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 18:3

Tītə̄ ń m̄-ndiń kə kumḿ rɔ̄kum noó ní, najə̄ ń mā Kɔ́ɔ̄ɓē Nə́ɓā m-ə́dásí ní toó: Ā ī-téliī yā kəda kāgə̄ najə̄ ń noō dɔ nang kə́ Israel tə́ to̰ alé.

EJEKIEL 18:19

Sḭḭ̄ ī-dəjeī najə̄ ə́daī na ké i tām̄ rī tə́ áké ngōn̄ ətō ndə̄tō yá̰á̰ kə́ gōtə́ aĺ ń bɔbə̄n rāā ní alé ní wa. I tɔdɔ̄ ni ɓōĺ ndū najə̄ gə̄ ō, rāā yá̰á̰ kə́ gōtə́ ō. Yá̰a̰ malang ń m-ə́da kadə̄ yā rāā ní, ni oō taḿ ba rāādə́ rɔ̄kum. Adə̄ ni a ndi kə kumneé tām̄ yā nge ń noō tə́.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.