EJEKIEL 17:9 - Bibəl ta Sar̄

⁹ Ba mā Kɔ́ɔ̄ɓē Nə́ɓā m̄-dəje najə̄ m-ə́da na: Kāgə̄ nduú ń toō a asə rāā rɔ̄n a? Kə̄rō kə́ ta kəga dɔ a ró̰ȳ ngəran gə̄ kɔ̄ɔ́ ō, a tə́jā kanə̄n gə̄ kɔ̄ɔ́ ō aláa? Gō tə́ anī ta jīn kə́ kijə gə̄ a tutən̄ kɔ̄ɔ́ aĺ a? Yā kɔr̄nəń kɔ̄ɔ́ dɔ nang tə́ ní, ni a sāā i tɔ́gə́ kə́ ngá̰ý tá aĺ ō, ni a sāā i de kə́ ngá̰ý gə̄ tá aĺ ō.

Bible sar

⁹ Ba mā Kɔ́ɔ̄ɓē Nə́ɓā m̄-dəje najə̄ m-ə́da na: *Kāgə̄ nduú ń toō a asə rāā rɔ̄n a? Kə̄rō kə́ ta kəga dɔ a ró̰ȳ ngəran gə̄ kɔ̄ɔ́ ō, a tə́jā kanə̄n gə̄ kɔ̄ɔ́ ō aláa? Gō tə́ anī ta jīn kə́ kijə gə̄ a tutən̄ kɔ̄ɔ́ aĺ a? Yā kɔr̄nəń kɔ̄ɔ́ dɔ nang tə́ ní, ni a sāā i tɔ́gə́ kə́ ngá̰ý tá aĺ ō, ni a sāā i de kə́ ngá̰ý gə̄ tá aĺ ō.

EJEKIEL 17:9 Referans Kwoze

EJEKIEL 17:10

Əhɔn̄ kāgə̄ nduú ní majə, banī ni asə rāā rɔ̄n alé. Ré néĺ kə́ dūn̄ ɓē tə́ a əla dɔn tə́ anī, ni a tutə malang kɔ̄ɔ́. Ni a tutə kɔ̄ɔ́ dɔ nang ń sɔɔ̄ kadə̄ ni tɔgə tū tə́ ní.

JEREMI 37:10

Ngé rɔ̄ɔ̄ gə̄ malang kə́ Kalde tə́ ń ənīn̄sí rɔ̄ɔ̄ ní, ká ré ā ī-tetiīdə́ rɔ̄ɔ̄ gə̄gē anī, ngé gə̄ ń ton̄ kə do kum gərāá rɔ̄də́ tə́ kem kújə tandā yādə́ gə̄ tə́ ní, a ḭḭn̄ dɔɔ́ yā kəla hor dɔ ɓē ń toō tə́.

JEREMI 32:5

Ə́da na, mban̄g kə́ Babilon tə́ na a əhɔ Sedekias yā kaw̄ seneé Babilon tə́ ō, na a ndi na i noó bátə́ kadə̄ Kɔ́ɔ̄ɓē ədań najə̄ kə́ dɔn tə́ ō ní? Tá ə́da na ré jə-nā rɔ̄ɔ̄ de kə́ Kalde tə́ gə̄ anī, na j-a jə-tetə rɔ̄ɔ̄ aĺ ō, ə́da na najə̄ ń Kɔ́ɔ̄ɓē əda ní n noó ō ní?

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

TƏ́DA 14:41

Moijə ədadə́ na: Ā ī-rāāī i rí n noó? Sḭḭ̄ ī-mānī i dɔ ndū Kɔ́ɔ̄ɓē, adə̄ a majə sesí alé.

EJEKIEL 17:8

Tá əndānən̄ i dɔ nang kə́ majə tə́, kadə bā kə́ man̄ i ngá̰ý tū tə́ tə́. Adə̄ ni asə tɔ̄ɔ̄ ta jīn gə̄ ō, asə kan̄ ō, asə tél kāgə̄ nduú kə́ majə ngá̰ý ō.

AMOS 2:9

Tá mā m̄-nujə Amor gə̄ tām̄ yāsí tə́. De gə̄ ngeé ń noō ní, ngālə̄n̄ tītə̄ kāgə̄ sedər gə̄ beé ō, ngangə̄n̄ tītə̄ kāgə̄ sén gə̄ beé ō. Ba m̄-nujədə́ kɔ̄ɔ́ malang.