EJEKIEL 17:5 - Bibəl ta Sar̄

⁵ Gō tə́ anī ni un ngōn̄ kāgə̄ kə́ rang kə́ dɔ nang kə́ Israel tə́ ba udə kem loo kógə̄ḿ tə́ kə́ ndɔr̄ kɔ̄ɔ́ tə́. Ni-əhɔn kadə man̄ kə́ ngá̰ý tə́ tītə̄ kāgə̄ kə́ gḛy man̄ ngá̰ý beē.

Bible sar

⁵ Gō tə́ anī ni un ngōn̄ kāgə̄ kə́ rang kə́ dɔ nang kə́ *Israel tə́ ba udə kem loo kógə̄ḿ tə́ kə́ ndɔr̄ kɔ̄ɔ́ tə́. Ni-əhɔn kadə man̄ kə́ ngá̰ý tə́ tītə̄ kāgə̄ kə́ gḛy man̄ ngá̰ý beē.

EJEKIEL 17:5 Referans Kwoze

IJAI 44:4

Nin̄ a əɓan̄ ō, a tɔgən̄ tītə̄ mu kə́ mbōl̄ kə́ ra kem bembeé beē ō, tītə̄ kāgə̄ gə̄ kə́ ran̄ kadə man̄ tə́ beē ō.

EJEKIEL 17:13

Gō tə́ anī gə̄rā deē kógə̄ḿ kə́ gír kojə yā mban̄g tə́, ba ənīn̄ ndūdə́ adə̄n̄ naā seneé ō, ni-adə̄ deē ní túbə ənīń ndūn yā ra dɔ ndūn tə́ seneé ō. Ni-əhɔ de kə́ bo kə́ kem ɓēé gə̄ aw̄ sedə́ kɔ̄ɔ́,

JEREMI 37:1

Mban̄g Sedekias, ngōn̄ Josias ndi dɔ kōr̄ kāgə̄ mbang tə́ gotə Konia, ngōn̄ Joakim tə́. Nabukodonosor mban̄g kə́ Babilon tə́ əndān adə̄ o̰o̰ ɓē kə́ Juda

IJAI 15:7

I tām̄ najə̄ ń toō tə́ n de gə̄ ɔyn̄ gotə yá̰a̰ kənge yādə́ kə́ na̰y gə̄ kɔ̄ɔ́ ní, gotə yá̰a̰ kənge yādə́ gə̄ ń nin̄ rāān̄ bátə́ ba ngɔ̄mə̄n̄ ní. Nin̄ ɔyn̄ aw̄nəń kə̄ kété sa̰y ɓáý, gidə man̄ kāgə̄ popəliye gə̄ tə́ kə̄ nú.

2 MBAN̄G 24:17

Mban̄g kə́ Babilon əndā Matania ń i bɔbə̄ Joakin kə́ dūú ní mban̄g gotə Joakin tə́. Ni tūr̄ rīn kə́ Matania kɔ̄ɔ́, ba əndā na i Sedekias.

JEREMI 12:2

Ə̄ndādə́ tītə̄ kāgə̄ adə̄ tə́lan̄ ngəradə́ ō, tɔgən̄ bátə́ anə̄n̄ ō. Ḭ̄ i tāādə́ ɓa ɓang ba ī-gətóo ngarā̰ kemdə́ tə́.

EJEKIEL 17:4

Ni tētə̄ ta tél kāgə̄ sédər kógə̄ḿ. Gān̄g ta jīn kə́ ngāl̄ ngá̰ý dan madə̄ gə̄ tə́ aw̄ń dɔ nang kógə̄ḿ tə́. De kə́ dɔ nang ní tə́ gə̄ i ngé rāā kəla mang yá̰a̰ gātəń kə̄ kété gə̄. Ni-aw̄ udə ta jīn ní kem ɓē kógə̄ḿ kə́ de kə́ tū tə́ gə̄ i ngé rāā gātə̄ gə̄.

EJEKIEL 17:6

Ngōn̄ kāgə̄ ní tɔgə ba tél kāgə̄ nduú kə́ majə ngá̰ý kə́ al nang tə́. Ta jīn gə̄ alən̄ kum kə̄ rɔ̄ kə̄rō ní tə́ ō, tə́la ngəran gə̄ nang tə́ gír bɔ̄gə̄n gə̄ tə́ ō. Kāgə̄ nduú ní tɔ̄ɔ̄ ta jīn kə́ kijə kanjə̄ dəba ta ō.

EJEKIEL 31:4

Man̄ ndī rāān adə̄ tɔgə. Man̄ kə́ ngá̰ý kə́ gíŕ nángāá rāān adə̄ tɔgə kum kə̄ dɔɔ́. Man̄ taā loo gír gəran gə̄ tə́, gōtə́ anī, nūgə́ kum kə̄ rɔ̄ kāgə̄ gə̄ malang kə́ bembeé tə́.

EJEKIEL 31:5

Ni ngāl̄ mān̄ kāgə̄ gə̄ malang kə́ bembeé i kə ta kūl̄ man̄ kə́ ngá̰ý ngeé ń toō. Ta jīn kə́ tɔ̄ɔ̄ gə̄ i ngá̰ý ō, ta jīn kə́ dūú gə̄ ngālə̄n̄ ta kaw̄ sa̰y ō.