EJEKIEL 17:4 - Bibəl ta Sar̄

⁴ Ni tētə̄ ta tél kāgə̄ sédər kógə̄ḿ. Gān̄g ta jīn kə́ ngāl̄ ngá̰ý dan madə̄ gə̄ tə́ aw̄ń dɔ nang kógə̄ḿ tə́. De kə́ dɔ nang ní tə́ gə̄ i ngé rāā kəla mang yá̰a̰ gātəń kə̄ kété gə̄. Ni-aw̄ udə ta jīn ní kem ɓē kógə̄ḿ kə́ de kə́ tū tə́ gə̄ i ngé rāā gātə̄ gə̄.

Bible sar

⁴ Ni tētə̄ ta tél kāgə̄ sédər kógə̄ḿ. Gān̄g ta jīn kə́ ngāl̄ ngá̰ý dan madə̄ gə̄ tə́ aw̄ń dɔ nang kógə̄ḿ tə́. De kə́ dɔ nang ní tə́ gə̄ i ngé rāā kəla mang yá̰a̰ gātəń kə̄ kété gə̄. Ni-aw̄ udə ta jīn ní kem ɓē kógə̄ḿ kə́ de kə́ tū tə́ gə̄ i ngé rāā gātə̄ gə̄.

EJEKIEL 17:4 Referans Kwoze

JEJU TEĒ KUM JA̰A̰ 18:3

Tɔdɔ̄ nápar de gə̄ malang a̰ȳn̄ kasə ájə́ba kɔ̄r̄ yān ō, mban̄g kə́ dɔ nang tə́ gə̄ malang ɓīīn̄ seneé loo ájə́ba tə́ ō, ngé rāā gātə̄ kə́ dɔ nang tə́ gə̄ əngen̄ yá̰a̰ kə ta kūl̄ mang kə́ ni-mangdə́ yá̰á̰ kə́ majə ngá̰ý gə̄ kə́ gātə̄də́ i ngá̰ý tə́ ō.

JEREMI 51:13

Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

IJAI 47:15

De gə̄ ń noō malang ní, ə́lá gír kɔr gōdə́ tə́ loo kaw̄ koō yādə́ tə́ i dan ń ḭ̄ i balsáá ɓáý ní. I beé ní, nin̄ i tām̄ yāí tə́ i najə̄ yá̰á̰ ń noō tə́! Ngɔlaā ní, nin̄ aw̄n̄ kə̄ loo gə̄ tə́ ō, deē kógə̄ḿ kə́ asə kajiī gətóo ō.

IJAI 43:14

Yá̰á̰ ń Kɔ́ɔ̄ɓē, nge gān̄g dɔsí, Nə́ɓā kə́ táĺ yā Israel, əda ní n toó: M-ə́la kə deē kógə̄ḿ Babilon tām̄ yāsí tə́. Ta róbə gə̄ ń a ngɔ̄mə̄n̄ ɓē ní, m-ā m̄-rāādə́ kadə̄ tə́sōn̄. Loo ń noō tə́ kɔŕ rɔ̄nel̄ yā de kə́ Babilon gə̄ a tél i pā nōō yo.

EJEKIEL 17:3

Ā ə́da na mā Kɔ́ɔ̄ɓē Nə́ɓā m-ə̄nīdə́ gotə najə̄ ń toō: I gotə najə̄ yā kə̄rō kə́ bo, kə́ bɔ̄gə̄n laa ō, belə̄n ngāl̄ ō, nder̄ gidə naā tə́ ō, ɓálən gə̄ i ngá̰ý ō. Kə̄rō ní ḭḭ bɔ̄gə̄ aw̄ bátə́ ugə̄ mbal̄ gə̄ kə́ Liban tə́.

EJEKIEL 17:5

Gō tə́ anī ni un ngōn̄ kāgə̄ kə́ rang kə́ dɔ nang kə́ Israel tə́ ba udə kem loo kógə̄ḿ tə́ kə́ ndɔr̄ kɔ̄ɔ́ tə́. Ni-əhɔn kadə man̄ kə́ ngá̰ý tə́ tītə̄ kāgə̄ kə́ gḛy man̄ ngá̰ý beē.

EJEKIEL 31:3

Ī-to i tītə̄ kāgə̄ sedər kə́ Liban ń ta jīn kə́ tɔ̄ɔ̄ gə̄ majən̄ ngá̰ý ō, ndílən utə̄ dɔ yá̰a̰ malang ō ní. Ni ngāl̄ ngá̰ý kum kə̄ dɔɔ́ adə̄ dɔn ɔdə kil̄ man̄ gə̄.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

JEREMI 24:1

Dan ń Nabukodonosor mban̄g kə́ Babilon əhɔ Yekonia, ngōn̄ Joakim mban̄g kə́ Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta kújə yā Kɔ́ɔ̄ɓē tə́.