EJEKIEL 17:3 - Bibəl ta Sar̄

³ Ā ə́da na mā Kɔ́ɔ̄ɓē Nə́ɓā m-ə̄nīdə́ gotə najə̄ ń toō: I gotə najə̄ yā kə̄rō kə́ bo, kə́ bɔ̄gə̄n laa ō, belə̄n ngāl̄ ō, nder̄ gidə naā tə́ ō, ɓálən gə̄ i ngá̰ý ō. Kə̄rō ní ḭḭ bɔ̄gə̄ aw̄ bátə́ ugə̄ mbal̄ gə̄ kə́ Liban tə́.

Bible sar

³ Ā ə́da na mā Kɔ́ɔ̄ɓē Nə́ɓā m-ə̄nīdə́ gotə najə̄ ń toō: I gotə najə̄ yā kə̄rō kə́ bo, kə́ bɔ̄gə̄n laa ō, belə̄n ngāl̄ ō, nder̄ gidə naā tə́ ō, ɓálən gə̄ i ngá̰ý ō. Kə̄rō ní ḭḭ bɔ̄gə̄ aw̄ bátə́ ugə̄ mbal̄ gə̄ kə́ Liban tə́.

EJEKIEL 17:3 Referans Kwoze

OJEE 8:1

Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

JEREMI 48:40

Najə̄ ń Kɔ́ɔ̄ɓē əda ní n toó: To i tītə̄ māl̄ kə́ a nēl̄ ō, jā̰ bɔ̄gə̄n ō, dɔ ɓē kə́ Moab tə́ beē.

DANIEL 4:22

A təbānī kɔ̄ɔ́ dan de gə̄ tə́. Ā ī-ndi i dan dā̰ kə́ bembeé gə̄ tə́. Ā ə́sa i mu tītə̄ yā man̄g gə̄ ō, tal a əhɔ dɔí tə́ ō. Ā ī-ndi i tītə̄ ń noō bátə́ ɓāl̄ sīrí. ré gír ɓāl̄ kə́ sīrí gə̄ gān̄g anī, ā ī-ger̄ kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ɓē ko̰o̰ yā deē ndul gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō.

EJEKIEL 17:7

Banī kə̄rō kə́ rang kə́ bo reē ugə̄. Bɔ̄gə̄n i kə́ laa ō, belə̄n gə̄ i ngá̰ý ō. Kāgə̄ nduú ní tūr̄ ngəran gə̄ kum kə̄ rɔ̄n tə́ ō, tūr̄ ta jīn gə̄ kum kə̄ rɔ̄n tə́ ō. Ni-əndā kemən dɔ kənge man̄ tə́ kadə̄ tɔȳ kə́ kété kə́ dɔ nang ń əndānən̄ tū tə́ ní tə́.

MATIYE 24:28

Loo ń nīń dā̰ i tū tə́ ní, māl̄ gə̄ a kánə̄n̄ naā tū tə́ ō.

DANIEL 7:4

Nge kə́ ta kəga dɔ to tītə̄ ɓɔl ō, bɔ̄gə̄n gə̄ ton̄ tītə̄ bɔ̄gə̄ kə̄rō ō. m̄-na̰y kə̄ loo ka̰ā̰ tə́ anī ɔrə̄n̄ bɔ̄gə̄n gə̄ ō, un udənən̄ dɔɔ́ adə̄ ra dɔ njan kə́ gogə́ kə́ jōó gə̄ tə́ tītə̄ deē ō, adə̄nən̄ dan wur kə́ ger̄ najə̄ tītə̄ da n wur deē ō.

DANIEL 2:38

Loo kə́ rá nəkɔ́ ń de gə̄ ō dā̰ gə̄ ō yel̄ gə̄ ō ndin̄ tū tə́ ní ni-əla dɔdə́ gír tɔ́gə yāí tə́. Nin̄ malang ní ni əndāī dɔdə́ tə́. Adə̄ dɔn kə́ rāā kə lɔ́rɔ́ ní i ḭ̄.

NŌŌ RƆ̄ 4:19

Ngé rāājí ndoō tə́ gə̄ ɔlən̄ tɔȳ kə̄rō kə́ dɔ rā̰ tə́ gə̄. Njadə́ ra gōjí tə́ dɔ mbal̄ gə̄ tə́, déwn̄ kem dəla loo tə́ yā kəsō sejí.

JEREMI 49:16

Ḭ̄ ń ī-ndi bəlo ngán mbal̄ gə̄ tə́ ō, loo kə́ ḭḭ kə̄ dɔɔ́ gə̄ tə́ ō ní, ɔ́jə rɔ̄í al̄ naā najə̄ ɓōĺ kə́ ngá̰ý ń ə́la kem de gə̄ tə́ kanjə̄ ka̰a̰ kum tō ndoō yādə́ tə́ ní. Ré ī-rāā ɓē loo kə́ ḭḭ kə̄ dɔɔ́ ngá̰ý tə́ tītə̄ yā kə̄rō beé gə̄gē anī, m-ā m̄-mbəreī tū tə́ kadə̄ ī-teē ə̄sō nang tə́. Najə̄ ń Kɔ́ɔ̄ɓē əda ní n noó.

JEREMI 24:1

Dan ń Nabukodonosor mban̄g kə́ Babilon əhɔ Yekonia, ngōn̄ Joakim mban̄g kə́ Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta kújə yā Kɔ́ɔ̄ɓē tə́.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

EJEKIEL 17:4

Ni tētə̄ ta tél kāgə̄ sédər kógə̄ḿ. Gān̄g ta jīn kə́ ngāl̄ ngá̰ý dan madə̄ gə̄ tə́ aw̄ń dɔ nang kógə̄ḿ tə́. De kə́ dɔ nang ní tə́ gə̄ i ngé rāā kəla mang yá̰a̰ gātəń kə̄ kété gə̄. Ni-aw̄ udə ta jīn ní kem ɓē kógə̄ḿ kə́ de kə́ tū tə́ gə̄ i ngé rāā gātə̄ gə̄.

EJEKIEL 31:3

Ī-to i tītə̄ kāgə̄ sedər kə́ Liban ń ta jīn kə́ tɔ̄ɔ̄ gə̄ majən̄ ngá̰ý ō, ndílən utə̄ dɔ yá̰a̰ malang ō ní. Ni ngāl̄ ngá̰ý kum kə̄ dɔɔ́ adə̄ dɔn ɔdə kil̄ man̄ gə̄.

HABAKUK 1:8

Sə́nda yādə́ gə̄ a̰ȳn̄ ngɔ̄də̄ tɔȳn̄ malya gə̄ ō, ɔlən̄ tɔȳn̄ soó gə̄ kə́ ngé kaw̄ ndo̰ó̰ loo tíbí gə̄. Ngé kal̄ sə́nda yādə́ gə̄ ḭḭn̄ i sa̰y n reēn̄ ō, nin̄-tḭ́ḭ̄n̄ bal ō. Nin̄ əlan̄ ngɔ̄də̄ tītə̄ kə̄rō kə́ a risə kə̄ dɔ dā̰ tə́ yā kəsan beé.