EJEKIEL 17:23 - Bibəl ta Sar̄

²³ M-ā m-ə̄ndān dɔ mbal̄ kógə̄ḿ kə́ ngāl̄ dɔ nang kə́ Israel tə́. Kāgə̄ ní a tɔ̄ɔ̄ ta jīn gə̄ ō, a an̄ ō, a tél kāgə̄ sedər kə́ majə ngá̰ý ō. Gír yel̄ kə́ tayā tayā gə̄ a rāān̄ ɓēdə́ ta jīn gə̄ tə́ ō, a ɔrə̄n̄ koō ndílən tə́ ō.

Bible sar

²³ M-ā m-ə̄ndān dɔ mbal̄ kógə̄ḿ kə́ ngāl̄ dɔ nang kə́ *Israel tə́. Kāgə̄ ní a tɔ̄ɔ̄ ta jīn gə̄ ō, a an̄ ō, a tél kāgə̄ sedər kə́ majə ngá̰ý ō. Gír yel̄ kə́ tayā tayā gə̄ a rāān̄ ɓēdə́ ta jīn gə̄ tə́ ō, a ɔrə̄n̄ koō ndílən tə́ ō.

EJEKIEL 17:23 Referans Kwoze

MATIYE 13:32

Kum mutardə ní kídə̄ ngá̰ý tɔȳ kum kōō gə̄ malang, ba dan ń əɓa á tɔgə ní a, bo tɔȳ gotə tá̰á̰ kə́ rang gə̄. Ni-tél kāgə̄, adə̄ yel̄ kə́ dɔɔ́ gə̄ reē rāān̄ ɓēdə́ ta jīn gə̄ tə́.

EJEKIEL 31:6

Yel̄ gə̄ malang a rāān̄ ɓēdə́ i ta jīn gə̄ tə́ ō, dā̰ kə́ bembeé gə̄ malang ojən̄ ngáńdə́ gə̄ i gír ta jīn kə́ dūú gə̄ tə́ ō, gír de gə̄ ngá̰ý a ndin̄ i ndílən tə́ ō.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

KOLOSƏ 3:11

Loo ń noō tə́ ní, loo kəda na: Nge ń toō na i Gərek aláa na i Jipə, nge ń toō na i de kə́ əja mɔtən aláa na i de kə́ əja mɔtən alé, nge ń toō na i tə̄rā, aláa na i tə̄rā kɔ̄r̄, nge ń toō na i ɓəlo, aláa na i kɔ́ɔ̄ rɔ̄n ní, gətóo. Ba yá̰á̰ ń i yá̰á̰ kə́ ngá̰ý ní i Kərist ń ndi kem de gə̄ tə́ malang ō, i nge rāā yá̰a̰ malang ō ní.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

OJEE 14:7

Ta jīn gə̄ a alən̄ ō, ni a majə tītə̄ kāgə̄ olibə beé ō, sēēn a otə majə tītə̄ sēē ku kāgə̄ gə̄ kə́ Liban tə́ beē ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

JA̰A̰ 12:24

Ādə̄ m-ə́dásí najə̄ kə́ bo ngá̰ý, ré kum kōō gémē əsō nang tə́ aĺ ō, oy aĺ ō anī, ni a to i kógə̄ḿ beē ngóy. Banī ré oy anī, a ojə madə̄ ngá̰ý.

IJAI 49:18

Ɔ̄r̄ dɔí dɔɔ́ ba a̰a̰ loo ń to kə gō gidií ní: Ngání gə̄ malang ɔsən̄ dɔdə́ naā tə́, nin̄ reēn̄ kə̄ rɔ̄í tə́. Najə̄ ń Kɔ́ɔ̄ɓē əda ní n toó: Tītə̄ ń m̄-ndiń kə kumḿ rɔ̄kum noó, nin̄ a ton̄ i tītə̄ məde kɔ̄l̄ beé tām̄ yāí tə́, a ton̄ i tītə̄ ndāŕ kəhɔ ɓōdə̄ kə́ nge nong kə́ dəyá̰ əhɔń ɓōdə̄n beé.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

MARK 4:32

banī loo ń dubə̄n̄ ɓá ní a, əɓa ba tɔgə, adə̄ bo tɔȳ kámbə gə̄ malang ō, tɔ̄ɔ̄ ta jīn kə́ bo gə̄ ō, adə̄ yel̄ kə́ dɔɔ́ gə̄ reē rāān̄ ɓēdə́ ndílən tə́.

Najə̄ kə́ Majə yā Jeju ń Luk ndang ní 13:19

Ni to i tītə̄ kum mutardə kə́ deē un ənda kem ndɔr̄ yān tə́. Kum mutardə ní əɓa ba tɔgə kāgə̄ adə̄ yel̄ kə́ dɔɔ́ gə̄ rāān̄ ɓēdə́ ta jīn gə̄ tə́.

PĀ GƏ̄ 80:8

Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

PĀ KƏ́ MAJƏ 5:15

Njan gə̄ i mbal̄ máŕbər kə́ ra ngāl̄ ɓururu ba ndin̄ dɔ bir̄ njadə́ gə̄ kə́ rāān̄ kə́ lɔ́ŕ kə unjə̄ njáý njáý. Á̰a̰n ɓáa to tītə̄ mbal̄ Liban beé. Ni to tayā tītə̄ kāgə̄ sédər gə̄ beé.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

EJEKIEL 36:8

Kum mbang ngeé ń noō tə́ ní, kāgə̄ gə̄ kə́ dɔ mbal̄ bo gə̄ kə́ Israel tə́ a tɔ̄ɔ̄n̄ ta jīdə́ gə̄ ō, a anə̄n̄ tām̄ yāsí sḭḭ̄ Israel gə̄ ń i gír deē yāḿ gə̄ ní tə́ ō. Tɔdɔ̄ sḛ́ý laā anī ā ī-téliī yā kaw̄ gogə́ dɔ nang yāsí tə́.

EJEKIEL 40:2

Dan ń m-ā m-á̰a̰ń yá̰á̰ kógə̄ḿ ní, Nə́ɓā un aw̄ seḿ dɔ nang kə́ Israel tə́. Ni əya̰m̄ dɔ mbal̄ kógə̄ḿ kə́ ngāl̄ ngá̰ý kum kə̄ dɔɔ́ tə́. Ɓūtə̄ kújə gə̄ kə́ tītə̄ kújə gə̄ kə́ kem ɓē bo kógə̄ḿ tə́ i kadə mbal̄ ní tə́, dām̄ mbɔ́r ɓē kə́ geleé tə́.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

EJEKIEL 20:40

Tɔdɔ̄ ngán Israel gə̄ malang, ngé gə̄ ń a ndin̄ kem ɓēé ní, a rāān̄ kəla yā kadə̄m̄ dɔ mbal̄ yāḿ kə́ táĺ tə́, dɔ mbal̄ bo kə́ Israel tə́. I mā Kɔ́ɔ̄ɓē Nə́ɓā n m-ə́da najə̄ ń noō ní. M-ā m̄-rāā kem majə sesí loo ń noō tə́, adə̄ m-ā m-ə́wásí kə̄ rɔ̄ḿ tə́ ō, m-ā m̄-taā yá̰a̰ malang ń ā ɔ̄rī tām̄ yāḿ tə́ ní ō. Adə̄ i yá̰a̰ ndējə̄ yāsí gə̄ ō, yá̰á̰ kə́ majə tɔȳ madə̄ gə̄ ń ā ādə̄mī karī ní ō.

DANIEL 4:8

Kāgə̄ ní tɔgə ō ngan̄g ō, ngāl̄ bátə́ ɔdə no rā̰ ō. Deē ra i ta ngóy dɔ nang tə́ gə̄gē a a̰a̰ kāgə̄ ní.

DANIEL 4:9

Mbīn majə ngá̰ý ō, kanən̄ i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ɓɔ̄ɔ̄n̄ rɔ̄də́ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i ta jīn gə̄ tə́ ō. Dā̰ rɔ̄ malang a ənge yá̰a̰ kəsa yān i rɔ̄n tə́.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.