EJEKIEL 17:13 - Bibəl ta Sar̄

¹³ Gō tə́ anī gə̄rā deē kógə̄ḿ kə́ gír kojə yā mban̄g tə́, ba ənīn̄ ndūdə́ adə̄n̄ naā seneé ō, ni-adə̄ deē ní túbə ənīń ndūn yā ra dɔ ndūn tə́ seneé ō. Ni-əhɔ de kə́ bo kə́ kem ɓēé gə̄ aw̄ sedə́ kɔ̄ɔ́,

Bible sar

¹³ Gō tə́ anī gə̄rā deē kógə̄ḿ kə́ gír kojə yā mban̄g tə́, ba ənīn̄ ndūdə́ adə̄n̄ naā seneé ō, ni-adə̄ deē ní túbə ənīń ndūn yā ra dɔ ndūn tə́ seneé ō. Ni-əhɔ de kə́ bo kə́ kem ɓēé gə̄ aw̄ sedə́ kɔ̄ɔ́,

EJEKIEL 17:13 Referans Kwoze

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

EJEKIEL 17:5

Gō tə́ anī ni un ngōn̄ kāgə̄ kə́ rang kə́ dɔ nang kə́ Israel tə́ ba udə kem loo kógə̄ḿ tə́ kə́ ndɔr̄ kɔ̄ɔ́ tə́. Ni-əhɔn kadə man̄ kə́ ngá̰ý tə́ tītə̄ kāgə̄ kə́ gḛy man̄ ngá̰ý beē.

JEREMI 37:1

Mban̄g Sedekias, ngōn̄ Josias ndi dɔ kōr̄ kāgə̄ mbang tə́ gotə Konia, ngōn̄ Joakim tə́. Nabukodonosor mban̄g kə́ Babilon tə́ əndān adə̄ o̰o̰ ɓē kə́ Juda

JEREMI 29:2

Ni-əla kə makətūbə̄ ní i dan ń mban̄g Yekonia ō, kó̰o̰n ō, ngé rāā kəla kə́ ndogó mbangāá gə̄ ō, de kə́ bo gə̄ kə́ Juda tə́ ō, kə́ Jerusalem tə́ ō, de gə̄ kə́ gerə̄n̄ rāā kəla kəja kāgə̄ majə ō, gerə̄n̄ rāā kəla gində̄ majə ō teēn̄neé kɔ̄ɔ́ Jerusalem tə́ ní.

JEREMI 24:1

Dan ń Nabukodonosor mban̄g kə́ Babilon əhɔ Yekonia, ngōn̄ Joakim mban̄g kə́ Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta kújə yā Kɔ́ɔ̄ɓē tə́.

JEREMI 5:2

Ədan̄ kə̄ nja naā tə́ na tītə̄ ń Kɔ́ɔ̄ɓē ndiń kə kumneé noō. Banī túbən̄ i túbə̄ kə́ rɔ̄kum alé.

1 SAMUEL 11:1

Nahas ń i mban̄g yā Amon gə̄ ní, aw̄ ndi gidə ɓē kə́ Yabes tə́, dɔ nang kə́ Galaad tə́, yā kənīń ɓē kə́ Yabes rɔ̄ɔ̄. De gə̄ malang kə́ kem ɓēé kə́ Yabes tə́ ədan̄ Nahas na: ɔ́jə́jí yá̰a̰ gə̄ ń kemií ndigə ní, ba ādə̄ lápə́ya i mbo̰ō̰jí tə́, tɔdɔ̄ jə-ndigə̄ kəla dɔjí gíŕ tɔ́gí tə́.

IJAI 3:2

Áskar kə́ ger̄ rɔ̄ɔ̄ ngá̰ý gə̄ ō, ngé rɔ̄ɔ̄ kə́ karī gə̄ ō, ngé sarya gə̄ ō, ngé koō ta gə̄ ō, kɔdə̄ sāā gə̄ ō, kum kɔɔ̄ gə̄ ō,

EJEKIEL 17:16

Tītə̄ ń m̄-ndiń kə kumḿ rɔ̄kum noó, mā Kɔ́ɔ̄ɓē Nə́ɓā m-ə́da na: Mban̄g kə́ Israel tə́ a oy i dɔ nang yā mban̄g kə́ Babilon nge kəndān dɔ kōr̄ kāgə̄ mbang tə́ tə́. Tām̄ usən dɔ túbə ń ni túbə́ ní tə́ alé, ni-ra dɔ ndūdə́ ń ənīn̄ adə̄n̄ naā ní tə́ alé. Adə̄ mban̄g kə́ Israel tə́ a oy i Babilon.

OJEE 10:4

Nin̄ ɔrə̄n̄ najə̄ ngá̰ý ō, túbən̄ túbə́ kə́ rɔ̄kum aĺ gə̄ ō, əndān̄ jīdə́ gír makətūbə̄ gə̄ kə́ nin̄ ənīn̄ń ndūdə́ adə̄n̄ naā tə́ ō. Banī ɓōĺ gidə yá̰á̰ kə́ súmūú to i tītə̄ mu kə́ a tɔ̄l̄ de kə́ əɓa kem ndɔrɔ́ beē tām̄ yādə́ tə́.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.