EJEKIEL 16:8 - Bibəl ta Sar̄

⁸ m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

Bible sar

⁸ m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ *madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

EJEKIEL 16:8 Referans Kwoze

RUTƏ 3:9

Boj əda na: I ḭ̄ náā n toó? Anī dəyá̰ ní əda na: I mā Rutə nge kəla yāí ba ə̄nī ta kūbə̄ yāí kə̄ dɔ nge kəla yāí tə́ tɔdɔ̄ ḭ̄ i nge gān̄g dɔ.

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

IJAI 43:4

A̰á̰ā̰, kemḿ i dɔí tə́ ngan̄g ngá̰ý, gātīí i ngá̰ý ō, m̄-táriī ō. I tām̄ najə̄ ń toō tə́ n m-ādə̄ gír de gə̄ kum gotií ní, m-ādə̄ deē ndul gə̄ m̄-mbéləń gírí ní.

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

NDŪ NAJƏ̄ 4:31

Tɔdɔ̄ Kɔ́ɔ̄ɓē Nə́ɓā yāsí i Nə́ɓā kə́ kumən a o̰o̰n, adə̄ ni a əya̰sí kɔ̄ɔ́ aĺ ō, a nujə sesí kɔ̄ɔ́ malang aĺ ō. Madə̄ naā ń ənī míndən rāań kə kaasí gēé ní dɔn a ndígə̄nal aĺ ō.

Teē Ngán Israel gə̄ 32:13

Kadə̄ kə əga kemən dɔ ngé kəla yān gə̄ tə́: Abəraham ō, Isaak ō, Jakob ō, ń nəkɔ́ túbə̄ kə rɔ̄neé ənīń ndūn adə̄də́ əda na ngán kaadə́ gə̄ na a rosən̄ loo tītə̄ tə́yō̰ gə̄ kə́ dɔ rā̰ tə́ ō, ədadə́ na dɔ nang ń na ɔr̄ najə̄n sedə́ ní na a adə̄ ngán kaadə́ gə̄ kadə̄ tél yá̰a̰ yādə́ kə́ kə́ njɔ́ḿ gə̄ tə́ gə̄ tə́ ní ō.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

EJEKIEL 16:6

m̄-mān̄ kadií tə́ anī, m-á̰a̰ kadə̄ ī-to i kum mósə́ tə́, banī m-ə́daī, dan ń ī-to kum mósə́ tə́ ɓáý ní, kə ī-ndi kə kumií.

JEREMI 31:3

Kɔ́ɔ̄ɓē ndɔ̄bə̄m̄ sa̰y adə̄ m-á̰a̰n, ni ədam̄ na: m̄-táriī i kə táŕ kə́ a to ngándáńg. m̄-ndɔ́rī kə̄ rɔ̄ḿ tə́ i tām̄ ra kə́ m̄-rā dɔ ndūḿ tə́.

MALASI 1:2

Kɔ́ɔ̄ɓē əda gír deē yān gə̄ wáńg na: Mā Kɔ́ɔ̄ɓē m̄-táŕsí, banī sḭḭ̄ ī-dəjemī najə̄ ə́daī na ké yá̰á̰ ń ɔjə kadə̄ m̄-táŕsí ní ké i rí wa. m̄-tél m̄-tūr̄sí m-ə́da na: Kété ní, Esau i ngōkó̰o̰ Jakob aĺ a? Ɓá tā ba m̄-gḛy i Jakob

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

OJEE 2:7

Tɔdɔ̄ kó̰ó̰də́ i dəyá̰ kə́ nge rāā ájə́ba, dəyá̰ ń ojədə́ ní rāā adə̄ rɔ̄sɔl̄ utə̄ gidə rɔ̄n malang kɔ̄ɔ́. A̰á̰ā̰, ni-əda na m-ā m-ún gō ngé sāāḿ gə̄ ń nin̄ i ngé kadə̄m̄ yá̰a̰ kəsaḿ ō, man̄ ka̰yḿ ō, kūbə̄ bḭḭ̄ batə̄ ō, kūbə̄ lḛ́ḛ ō, yibə̄ ō yá̰a̰ ka̰ȳ gə̄ ō ní.

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.