EJEKIEL 16:7 - Bibəl ta Sar̄

⁷ m̄-rāāī adə̄ ī-tɔgə tītə̄ mu kə́ kem ndɔr̄ gə̄ tə́. Ḭ̄ ə́la gír tɔgə ō, ī-ngāl̄ ō, ī-majə ngá̰ý ō. Ə́ɓa mbā ō, ə́ɓa bḭḭ̄ ō. Banī kūbə̄ gətóo rɔ̄í tə́, rɔ̄í i karī.

Bible sar

⁷ m̄-rāāī adə̄ ī-tɔgə tītə̄ mu kə́ kem ndɔr̄ gə̄ tə́. Ḭ̄ ə́la gír tɔgə ō, ī-ngāl̄ ō, ī-majə ngá̰ý ō. Ə́ɓa mbā ō, ə́ɓa bḭḭ̄ ō. Banī kūbə̄ gətóo rɔ̄í tə́, rɔ̄í i karī.

EJEKIEL 16:7 Referans Kwoze

NDŪ NAJƏ̄ 1:10

Kɔ́ɔ̄ɓē Nə́ɓā yāsí rāā adə̄ ójiī naā ngá̰ý, adə̄ ɓōólaā kutəsí i ngá̰ý tītə̄ yā tə́yō̰ gə̄ kə́ dɔ rā̰ tə́.

Teē Ngán Israel gə̄ 1:7

Ngán Israel gə̄ ojən̄ naā ngá̰ý adə̄ kutədə́ ō, tɔ́gə́də́ ō i ngá̰ý. Nin̄-taān̄ kem ɓē malang.

IJAI 62:3

Ā ī-to tītə̄ jākā mbang kə́ majə ngá̰ý kem jī Kɔ́ɔ̄ɓē tə́, tītə̄ ta kūbə̄ kənda dɔ yā mban̄g kem jī Nə́ɓā yāí tə́.

KƏLA RĀĀ 7:17

Yá̰á̰ ń Nə́ɓā ənī míndən yā rāā kadə̄ Abəraham ní, dan ń kum mbang kə́ yā rāań kadə̄n dɔ i ngɔr anī, kutə ngán Israel gə̄ reē i ngá̰ý, tɔdɔ̄ ojən̄ naā ngá̰ý dɔ nang kə́ Ejiptə tə́.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

EJEKIEL 16:22

Dan ń ā ī-rāań yá̰a̰ malang kə́ majaĺ ngá̰ý gə̄ ń noō tə́ ní ō, ā ī-rāań ájə́ba tə́ ō ní, əga kemií dɔ ndɔ̄ gə̄ ń ḭ̄ i ngōn̄ dūú tə́ ní alé. Dɔí ndígə̄nal dɔ ndɔ̄ gə̄ ń rɔ̄í i karī tə́ ní ō, dɔ ndɔ̄ gə̄ ń ī-toń kum mosí tə́ ní ō.

EJEKIEL 16:16

Kūbə̄ yāí kə́rēý gə̄ kə́ majə ngá̰ý gə̄ ō, kə́ rāān̄ ɓáĺ yá̰a̰ gə̄ tū tə́ ō n ḭ̄ ɔ́ýdə́ ī-súuń loo ndɔ̄ȳ gə̄ ní ō, ī-rāā ájə́ba dɔ tə́ ō ní. Ba nge ń noō i yá̰á̰ kə́ majə kadə̄ rāā yá̰a̰ alé.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

PĀ KƏ́ MAJƏ 4:5

Mbaaí kə́ jōó gə̄ ton̄ tītə̄ ngán bə̄yā̰ gə̄ jōó, ton̄ tītə̄ ndəngā gə̄ yā kó̰o̰ kāl̄ kə́ ra a əsan̄ yá̰a̰ dan hútə̄ ndə́ja gə̄ tə́.

PĀ GƏ̄ 148:14

Ni-tél əla go̰ kem deē yān gə̄ tə́. I yá̰á̰ kə́ majə kadə̄ deē yān gə̄ malang ń i ngán Israel gə̄ ní ɓōkə́nən̄ tɔ̄ȳ najə̄n tə́, i nin̄ n i gír de kə́ ngɔr rɔ̄n tə́ gə̄ ní! Aleluya!

PĀ GƏ̄ 147:20

Ni-rāā yá̰á̰ kə́ tītə̄ ń noō kə nápar de kə́ rang gēé aĺ ō, nápar de kə́ rang gə̄ gerə̄n̄ gō míndən gə̄ aĺ ō. Aleluya!

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

Makətūbə̄ yā Job 1:21

ba əda na: m̄-teē kem kó̰ó̰ḿ tə́ i rɔ̄ḿ karī ō, m-ā m̄-tél yā kaw̄ gíŕ nángāá i rɔ̄ḿ karī ō. Kɔ́ɔ̄ɓē adə̄ ō, Kɔ́ɔ̄ɓē taā kɔ̄ɔ́ ō. Ādə̄ de gə̄ tɔ̄ȳn̄ rī Kɔ́ɔ̄ɓē.

NDŪ NAJƏ̄ 4:8

I nápar de kə́ ngá̰ý kə́ rá gə̄ n ndū najə̄ yādə́ gə̄ ō, jī-bēl̄ loo rāā yá̰a̰ yādə́ gə̄ ō, ton̄ kə gōó majə tītə̄ ndū najə̄ gə̄ malang ń m-ɔ́jə́sí ɓōólaā ní?

Teē Ngán Israel gə̄ 12:37

Ngán Israel gə̄ ḭḭn̄ Ramses ta kaw̄ kə̄ Sukot. De kə́ dəngam gə̄ asən̄ deē dūbú ɓú mehḛ́ ń noō kanjə̄ tə́dá ngán gə̄.

Teē Ngán Israel gə̄ 3:22

Dəyá̰ kə́ Israel gə̄ a dəjen̄ dəyá̰ kə́ Ejiptə gə̄ ń ndin̄ kújú gōdə́ tə́, aláa ndin̄ madə̄ ɓēdə́ ní, yá̰á̰ kə́ rāā kə gində̄ arjā̰a̰á̰ ō kə lɔ́rɔ́ ō, kūbə̄ kə́ yā tə́la rɔ̄ ngáńdə́ kə́ dəngam gə̄ tə́ ō, kə́ dəyá̰ gə̄ tə́ ō. I beé n ā ī-taāīneé yá̰a̰ yā de kə́ Ejiptə gə̄ jīdə́ tə́ ní.

PĀ KƏ́ MAJƏ 8:8

Ngōkó̰ó̰jí kə́ dəyá̰ kə́ dūú i noó, mbaan gətóo. Ndɔ̄ ń a ɔrə̄n̄ najə̄ yān tə́ ní j-a jə-rāā i ba̰ý seneé?

PĀ KƏ́ MAJƏ 8:10

Mā i ndogə̄ mbal̄ kə́ bo ō, mbaaḿ gə̄ i kújə́ kə́ ngāl̄ ɓururu kə́ dɔ tə́ gə̄ ō rɔ̄kum a? Loo ń noō tə́ m̄-to tītə̄ dəyá̰ kə́ ənge kem sɔl̄ beé ta kumən tə́.

EJEKIEL 16:6

m̄-mān̄ kadií tə́ anī, m-á̰a̰ kadə̄ ī-to i kum mósə́ tə́, banī m-ə́daī, dan ń ī-to kum mósə́ tə́ ɓáý ní, kə ī-ndi kə kumií.

NDŪ NAJƏ̄ 1:11

m̄-ndə̄ngā kadə̄ Kɔ́ɔ̄ɓē ń i Nə́ɓā yā kaasí gə̄ ní rāā adə̄ kutəsí tɔȳ nge ń toō nja dūbú ō, kadə̄ ni-rāā majə sesí tītə̄ ń nəkɔ́ ənīń ndūn yā rāań majə sesí ní ō.