EJEKIEL 16:54 - Bibəl ta Sar̄

⁵⁴ Adə̄ hɔ̄r̄mɔ̄í a gətóo ō, rɔ̄í a sɔlī tām̄ yá̰a̰ malang ń ī-rāā tə́ ní ō. Nge ń noō a sɔl̄ kem ngákó̰ó̰í kə́ dəyá̰ gə̄ ń i ɓē gə̄ ń noō ní.

Bible sar

⁵⁴ Adə̄ hɔ̄r̄mɔ̄í a gətóo ō, rɔ̄í a sɔlī tām̄ yá̰a̰ malang ń ī-rāā tə́ ní ō. Nge ń noō a sɔl̄ kem ngákó̰ó̰í kə́ dəyá̰ gə̄ ń i ɓē gə̄ ń noō ní.

EJEKIEL 16:54 Referans Kwoze

JEREMI 2:26

Tītə̄ ń rɔ̄ nge ɓogə kə́ əhɔnən̄ dɔ ɓogə yá̰á̰ tə́ sɔlə̄n ní, de kə́ Israel tə́ gə̄ rɔ̄də́ sɔl̄də́ i beé ō, nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 16:52

I beé ɓá ní, ta i dɔí tə́ ngɔlaā kadə̄ ə́la dɔí gír rɔ̄sɔl̄ tə́ sɔɔ̄ń yá̰a̰ rāāí kə́ gōtə́ aĺ gə̄: A̰á̰ā̰, ḭ̄ ī-rāā yá̰á̰ kə́ majaĺ ngá̰ý al̄ naā tɔȳ yā ngákó̰ó̰í kə́ dəyá̰ gə̄. I beé n nin̄ tonə̄ń tītə̄ de kə́ gōtə́ tɔyī gə̄ ní. Adə̄ ta i dɔí tə́ kadə̄ rɔ̄í sɔlī ō, hɔ̄r̄mɔ̄í gətóo ō.

EJEKIEL 16:53

M-ā m̄-tél yā rāā ɓē gə̄ ní gogə́ rang: M-ā m̄-rāā ɓē kə́ Sodom ō, ngán ɓē kə́ kadə tə́ gə̄ ō kadə̄ tél majən̄ gogə́ rang. Gō tə́ anī m-ā m̄-tél yā rāāī ḭ̄ Samari kadə̄ ī-tél ī-majə gogə́ rang ō.

EJEKIEL 16:55

Sodom ō, Samari ō, ngán ɓē gə̄ kə́ kadədə́ gə̄ tə́ ō, a télən̄ yā majə gogə́. Yāí ḭ̄ Jerusalem ō, yā ngán ɓē gə̄ kə́ kadií gə̄ tə́ ō, a tél yā to i tītə̄ ń noō ō.

EJEKIEL 32:24

Mban̄g kə́ Elam i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən. Nin̄ malang ní tɔ̄lə̄n̄də́ i ta rɔ̄ɔ̄ tə́. De kə́ dəngam gə̄ ń noō ń əjan̄ mɔtədə́ aĺ ní, kété ní nin̄ rāān̄ de gə̄ ń ndin̄ kə kumdə́ ní adə̄ ɓōĺ rāādə́ adə̄ ndewn̄, ba ngɔlaā nin̄ aw̄n̄ gíŕ nángāá kɔ̄ɔ́. Ngɔlaā ní rɔ̄də́ sɔl̄də́, nin̄ gəgē de gə̄ malang ń ton̄ ɓádá ní gə̄gē.

EJEKIEL 5:7

I tām̄ ń toō tə́ n, Kɔ́ɔ̄ɓē Nə́ɓā ɔr̄ najə̄ tītə̄ ń to beé əda na: Sḭḭ̄ ī-rāāī yá̰á̰ kə́ un gō naā aĺ gə̄ tɔȳ yā gír de kə́ rang gə̄ kə́ kem ɓē gə̄ ń ndin̄ gīrə̄n̄ gidəsí ní tə́. Sḭḭ̄ ə́laí dɔsí gír ndū najə̄ yāḿ gə̄ tə́ alé. Sḭḭ̄ ī-mbātíī rāā yá̰a̰ gə̄ ń m̄-rā dɔ tə́ ní ō, sḭḭ̄ úniī gō yá̰a̰ kāgə̄ ɓē yā nápar de gə̄ ń ndin̄ gīrə̄n̄ gidəsí ní alé ō.