EJEKIEL 16:53 - Bibəl ta Sar̄

⁵³ M-ā m̄-tél yā rāā ɓē gə̄ ní gogə́ rang: M-ā m̄-rāā ɓē kə́ Sodom ō, ngán ɓē kə́ kadə tə́ gə̄ ō kadə̄ tél majən̄ gogə́ rang. Gō tə́ anī m-ā m̄-tél yā rāāī ḭ̄ Samari kadə̄ ī-tél ī-majə gogə́ rang ō.

Bible sar

⁵³ M-ā m̄-tél yā rāā ɓē gə̄ ní gogə́ rang: M-ā m̄-rāā ɓē kə́ Sodom ō, ngán ɓē kə́ kadə tə́ gə̄ ō kadə̄ tél majən̄ gogə́ rang. Gō tə́ anī m-ā m̄-tél yā rāāī ḭ̄ Samari kadə̄ ī-tél ī-majə gogə́ rang ō.

EJEKIEL 16:53 Referans Kwoze

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

EJEKIEL 29:14

M-ā m̄-tél kə dəngáy gēé yā reē sedə́, m-ā m̄-tél yā reē sedə́ dɔ nang kə́ Ejiptə tə́, dām̄ mbɔ́r ɓē kə́ geleé tə́, kem ɓē ń ojən̄də́ tū tə́ ní tə́. Nin̄ a əndān̄ ɓē ko̰o̰ kógə̄ḿ kə́ dūú loo ń noō tə́,

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.

JOEL 3:1

Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang. Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō, nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 49:6

Gō yá̰á̰ ń noō tə́ anī, m-ā m̄-t-él yā kəndā Amon gə̄ kadə̄ majə tītə̄ kə́ kété. Najə̄ ń Kɔ́ɔ̄ɓē əda ní n noó.

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

JEREMI 20:16

Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

PĀ GƏ̄ 126:1

Pā kə́ yā kaw̄ń kə̄ loo kə́ táĺ tə́. Dan ń Kɔ́ɔ̄ɓē tél reē kə de kə́ Siyo̰ gēé gogə́ ɓēé ní, j-ɔjəń na i nī n a rāājí.

PĀ GƏ̄ 85:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

PĀ GƏ̄ 14:7

I náā n ndi Siyo̰ nú yā tetəń rɔ̄ɔ̄ kadə̄ Israel ní? Dan ń Kɔ́ɔ̄ɓē a tél kə ngé gə̄ ń rɔ̄ gān̄gdə́ ní yā reē sedə́ dan gír deē yān gə̄ tə́ anī, Jakob a rāā walya, Israel a ndi i kə rɔ̄nelēé.

Makətūbə̄ yā Job 42:10

Dan ń Job ndɔ̄ȳ Nə́ɓā tām̄ yā madə̄n gə̄ tə́ oy anī, Kɔ́ɔ̄ɓē rāā adə̄ ni-tél ndi majə gogə́. Yá̰á̰ ń Job ənge kété ní, Kɔ́ɔ̄ɓē rāā adə̄ ni-tél ənge gogə́ loo nja tə́ jōó.

EJEKIEL 16:52

I beé ɓá ní, ta i dɔí tə́ ngɔlaā kadə̄ ə́la dɔí gír rɔ̄sɔl̄ tə́ sɔɔ̄ń yá̰a̰ rāāí kə́ gōtə́ aĺ gə̄: A̰á̰ā̰, ḭ̄ ī-rāā yá̰á̰ kə́ majaĺ ngá̰ý al̄ naā tɔȳ yā ngákó̰ó̰í kə́ dəyá̰ gə̄. I beé n nin̄ tonə̄ń tītə̄ de kə́ gōtə́ tɔyī gə̄ ní. Adə̄ ta i dɔí tə́ kadə̄ rɔ̄í sɔlī ō, hɔ̄r̄mɔ̄í gətóo ō.

EJEKIEL 16:54

Adə̄ hɔ̄r̄mɔ̄í a gətóo ō, rɔ̄í a sɔlī tām̄ yá̰a̰ malang ń ī-rāā tə́ ní ō. Nge ń noō a sɔl̄ kem ngákó̰ó̰í kə́ dəyá̰ gə̄ ń i ɓē gə̄ ń noō ní.

EJEKIEL 26:6

Nin̄ a nujən̄ ɓē kə́ kadə tə́ gə̄ kə gō kadə bāá. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

JEREMI 46:27

Ḭ̄ nge kəla yāḿ Jakob, ī-lōō ɓōĺ. Israel, ī-lōō ndebə. M-ā m̄-gān̄g dɔí jī ɓē kə́ sa̰y ngá̰ý gə̄ tə́ ō, m-ā m̄-gān̄g dɔ ngán kaaí gə̄ dɔ nang ń əhɔ aw̄n̄ sedə́ tū tə́ tə́ ní ō. Jakob tél a reē, ni ɓōĺ yá̰á̰ kógə̄ḿ aĺ bátə́. Ni-ndi jəke kanjə̄ sōl̄ yá̰á̰ kógə̄ḿ, de kə́ njə́ɓan̄ to̰ gətóo.