EJEKIEL 16:5 - Bibəl ta Sar̄

⁵ De kə́ a̰a̰ kum tō ndoō yāí yā rāā yá̰a̰ gə̄ ń noō tām̄ yāí tə́ gətóo ō, de kə́ kumən o̰o̰n tām̄ yāí tə́ gətóo ō. Banī ndɔ̄ ń ojiīn̄ ní, ənīīn̄ i dɔ nang tə́, tām̄ nel̄ de gə̄ seí alé.

Bible sar

⁵ De kə́ a̰a̰ kum tō ndoō yāí yā rāā yá̰a̰ gə̄ ń noō tām̄ yāí tə́ gətóo ō, de kə́ kumən o̰o̰n tām̄ yāí tə́ gətóo ō. Banī ndɔ̄ ń ojiīn̄ ní, ənīīn̄ i dɔ nang tə́, tām̄ nel̄ de gə̄ seí alé.

EJEKIEL 16:5 Referans Kwoze

NDŪ NAJƏ̄ 32:10

Kɔ́ɔ̄ɓē ənge gír deē yān gə̄ i kem dəla loo tə́, loo kə́ tal̄ gə̄ a nōn̄ tū tə́ tə́. Ni-a̰a̰ gōdə́ ō, ɔjədə́ yá̰a̰ ō, Ni-ngɔ̄m̄də́ tītə̄ loo ngɔ̄m̄ kumən beé ō.

NŌŌ RƆ̄ 4:3

Tal̄ gə̄ gə̄gē a, adə̄n̄ ngáńdə́ gə̄ mba adə̄ ilən̄ ō, adə̄n̄də́ yá̰á̰ adə̄ əsan̄ ō. Banī ngōmandə ń toō ń rāā rɔ̄n i gír deē yāḿ gə̄ tə́ ní, kumən o̰o̰n alé, tītə̄ burum kə́ dəla loo tə́ beé.

TƏ́DA 19:16

Ré deē kógə̄ḿ njə̄rā bembeé ba əɓa dɔ nīń de kə́ tɔ̄l̄nən̄ kə kaskaraá aké oy i yo kə́ karī, aláa əndā njan i dɔ kə̄ngā deē tə́, aké əɓa i dɔ ɓádə deē anī, a téĺ kə́ yḛr ndɔ̄ sīrí.

Teē Ngán Israel gə̄ 1:22

Banī Parao̰ əda gír deē yān gə̄ malang na kə tə́nīn̄ ngán Hebəro kə́ dəngam gə̄ kɔ̄ɔ́ kum bā tə́ ba kə əya̰n̄ ngé kə́ dəyá̰ gə̄.

TA KƏLA 21:10

əda Abəraham na: Ī-tə̄ɓā ɓəlo kə́ dəyá̰ ń noō kɔ̄ɔ́ kə ngōnə̄neé. m̄-ndigə kadə̄ ngōnə̄n ń noō ənge yá̰a̰ ndəbā naā tə́ kə ngōnə̄ḿ Isaak alé.

IJAI 49:15

Banī Kɔ́ɔ̄ɓē tūr̄ əda na: Dɔ dəyá̰ ndígə̄nal ngōn̄ kásə̄ ni a adə̄n mba ní a? Asən tár ngōn̄ ń ni ətōn kemən tə́ ní a? Ká ré dɔn ndígəńnalən gə̄gē, dɔḿ mā a ndígə̄nalií ḭ̄ aĺ bátə́.

EJEKIEL 2:6

Ní, ḭ̄ ngōn̄ deē ndul, ī-lōō ɓōĺdə́ ō, ī-lōō ɓōĺ najə̄ kɔr̄də́ ō. Nin̄ a ədan̄ najə̄ kə́ mbātə́ yāí ḭ̄. Adə̄ ā ɔ́jəń na ī-ndi i dan kōn̄ gə̄ tə́, aláa na i dan kókə́rang gə̄ tə́. Banī ī-lōō ɓōĺ najə̄ kɔr̄də́ ō, ī-lōō ɓōĺ ta kumdə́ ō. Tɔdɔ̄ nin̄ i gír de kə́ ngé mbātə́ najə̄ gə̄.

NŌŌ RƆ̄ 4:10

Dəyá̰ gə̄ ń i de gə̄ kə́ kadə̄ kumdə́ o̰o̰də́ ngá̰ý ní ndīrə̄n̄ ngán kemdə́ gə̄ kə jīdə́. Ngáńdə́ gə̄ télən̄ i yá̰a̰ kəsa yādə́, tɔdɔ̄ ngōmandə ń rāā rɔ̄n i gír deē yāḿ gə̄ tə́ ní, əsō tétə̄ rárák kɔ̄ɔ́.

NŌŌ RƆ̄ 2:19

Ḭ́ḭ dɔɔ́ ndɔ̄ɔ́, ba ə́ga kɔŕ, kə mbang gə̄ malang ń ngé ngɔ̄m̄ loo gə̄ a mbélə̄n̄neé gír naā ní. Ə́dá yá̰á̰ kə́ kemií tə́ malang kə̄ ndágá ta kum Kɔ́ɔ̄ɓē tə́. Ɔ́y jīí kə̄ dɔɔ́ ta kumən tə́ ī-rāānneé ɓɔ́ tām̄ ndi kə kumuú yā ngání gə̄ ń ɓō a tɔ̄l̄də́ kɔ̄ɔ́ kə só̰ róbə gə̄ malang ní.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

JEREMI 22:19

A dubə̄nən̄ i tītə̄ loo dubə̄ kərō beé. adə̄ a ndɔ́r̄nən̄ nang tə́ ō, a teēn̄ seneé ta róbə gə̄ kə́ Jerusalem tə́ yā kaw̄ kənīn ndágá.

EJEKIEL 16:6

m̄-mān̄ kadií tə́ anī, m-á̰a̰ kadə̄ ī-to i kum mósə́ tə́, banī m-ə́daī, dan ń ī-to kum mósə́ tə́ ɓáý ní, kə ī-ndi kə kumií.