EJEKIEL 16:41 - Bibəl ta Sar̄

⁴¹ a tə́lan̄ hor dɔ kújə yāí gə̄ tə́ ō. Sarya ń i kə́ gān̄g dɔí tə́ ní, nin̄ a unən̄ yā rāań yá̰a̰ seí i tītə̄ ń noō ta kum kósə dəyá̰ madí kə́ ngá̰ý gə̄ tə́. M-ā m̄-gān̄g ta ndɔ̄ ájə́ba yāí kɔ̄ɔ́ ō, ā ásə kəgā ngé sāāí gə̄ to̰ aĺ ō.

Bible sar

⁴¹ a tə́lan̄ hor dɔ kújə yāí gə̄ tə́ ō. Sarya ń i kə́ gān̄g dɔí tə́ ní, nin̄ a unən̄ yā rāań yá̰a̰ seí i tītə̄ ń noō ta kum kósə dəyá̰ madí kə́ ngá̰ý gə̄ tə́. M-ā m̄-gān̄g ta ndɔ̄ ájə́ba yāí kɔ̄ɔ́ ō, ā ásə kəgā ngé sāāí gə̄ to̰ aĺ ō.

EJEKIEL 16:41 Referans Kwoze

EJEKIEL 23:48

Yá̰á̰ kə́ to rɔ̄sɔl̄ gə̄ ń de gə̄ rāān̄ kem ɓēé ní, m-ā m̄-rāā kadə̄ gír a gān̄g kɔ̄ɔ́. Nge ń noō a tél i yá̰a̰ kɔjə̄ tām̄ yā dəyá̰ gə̄ tə́ malang ō, nin̄ a ndájə̄n̄ háĺ kə́ majaĺ yā ngákó̰o̰ naā kə́ dəyá̰ kə́ jōó gə̄ ń toō aĺ ō.

EJEKIEL 23:27

Ḭ̄ Oholiba, yá̰a̰ rāāí kə́ to rɔ̄sɔl̄ gə̄ ní, m-ā m̄-rāā kadə̄ gír a gān̄g kɔ̄ɔ́ ō, ájə́ba yāí ń ə́lá gír rāā i dɔ nang kə́ Ejiptə tə́ ní, m-ā m̄-rāā kadə̄ gír a gān̄g kɔ̄ɔ́ ō. Ḭ̄ a á̰a̰ de kə́ dəngam gə̄ to̰ aĺ ō, a əga kemií dɔ de kə́ Ejiptə tə́ to̰ aĺ ō.

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

EJEKIEL 23:10

Nin̄ ɔrə̄n̄ kūbə̄ rɔ̄n tə́ kɔ̄ɔ́ malang ba tɔ̄l̄nən̄ kə kaskaraá ō, ɔyn̄ ngánən kə́ dəngam gə̄ ō, ngánən kə́ dəyá̰ gə̄ ō. Ni-ənge ndéy tām̄ yá̰a̰ rāān kə́ gōtə́ aĺ tə́ i tītə̄ ń noō. Adə̄ Ohola i yá̰a̰ kɔjə̄ tām̄ yā gotə dəyá̰ kə́ rang gə̄ tə́.

EJEKIEL 5:8

I tām̄ najə̄ ń noō tə́ n Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Sḭḭ̄ de kə́ Jerusalem gə̄, m-ā m-ə́ndásí. M-ā m-ún sarya gāngə̄ḿ yā rāań yá̰a̰ kem ɓēé ta kum nápar de gə̄ tə́.

NDŪ NAJƏ̄ 13:16

ā ī-tɔ̄lī de kə́ kem ɓē ń noō tə́ gə̄ ō, yá̰a̰ kul̄ kə́ kemeé gə̄ ō, kɔ̄ɔ́ malang kə kəyā kaskaraá. Gō tə́ anī ā ī-*bāāī dɔ ɓē ní ō, yá̰a̰ malang kə́ kemeé ō, tām̄ yā Nə́ɓā tə́.

1 TIMOTE 5:20

Ngé gə̄ ń rāān̄ majaĺ ní, ī-gɔŕyɔ̄də́ ta kum madə̄də́ gə̄ tə́ malang ādə̄ gotə gə̄ ɓōlə́n̄.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

EJEKIEL 37:23

Ā ī-yḛriī rɔ̄sí kə rɔȳ nə́ɓā yāsí kə́ rɔ̄kum aĺ gə̄ to̰ aĺ ō, kə rāā yá̰á̰ kə́ majaĺ ngá̰ý gə̄ to̰ aĺ ō, kə rāā yá̰á̰ kə́ gōtə́ aĺ kə́ tayā tayā gə̄ malang to̰ aĺ ō. Yá̰a̰ gə̄ kə́ ɔjən̄ kadə̄ ī-raī dɔ ndūsí tə́ aĺ gə̄ malang ń ī-rāāī seḿ ní, m-ā m-ɔ̄r̄sí kum tə́ kɔ̄ɔ́. M-ā m̄-rāāsí kadə̄ ā ūnjī njáý njáý. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

Makətūbə̄ yā Job 34:26

Ni ənda mbɔ́ŕdə́ dan de gə̄ tə́, tītə̄ ń a tə̄ndān̄neé mbɔ́ŕ ngé rāā yá̰a̰ gōtə́ aĺ gə̄ ní.

NDŪ NAJƏ̄ 22:24

ā ī-teēī sedə́ jōó mbak kə̄ gidə ɓē tə́ ndágá yā kaw̄ tə́nīdə́ kə mbalá tɔ̄l̄də́. Ā ī-tə́nāī dəyá̰ ní kə mbalá yā tɔ̄lən tām̄ ra i kem ɓēé ba əga kɔŕ ɓārə́nń deē kadə̄ dḭḭ̄n aĺ ō, ā ī-tə́nāī dəngam ní kə mbalá yā tɔ̄lən tām̄ ɓīī kə dəyá̰ kə́ de kə́ rang əhɔ gātə̄n kɔ̄ɔ́ ɓá tə́ ō. I beé n ā ɔ̄rəń yá̰a̰ rāā kə́ majaĺ kɔ̄ɔ́ mbo̰ō̰í tə́ ní.

NDŪ NAJƏ̄ 22:21

a aw̄n̄ seneé ta kújə yā bɔbə̄n tə́ kadə̄ de kə́ dəngam kə́ kem ɓē yān tə́ gə̄ tə́nīnən̄ kə mbalá yā tɔ̄lən. Ni-rāā i yá̰á̰ kə́ to rɔ̄sɔl̄ dɔ nang kə́ Israel tə́, tɔdɔ̄ ndi i ɓē bɔbə̄neé ɓáý n rāań kaya ní. I beé n ā ɔ̄rəń yá̰a̰ rāā kə́ majaĺ kɔ̄ɔ́ mbo̰ō̰í tə́ ní.

NDŪ NAJƏ̄ 13:11

Ā ī-tə́nāniī kə mbalá yā tɔ̄lən kɔ̄ɔ́ tām̄ ni sāā kadə̄ deē kógə̄ḿ dansí tə́ əya̰ Kɔ́ɔ̄ɓē Nə́ɓā yāsí ń i Kɔ́ɔ̄ɓē Nə́ɓā kə́ teē sesí kɔ̄ɔ́ kem ɓē ɓəloó dɔ nang kə́ Ejiptə tə́ ní.

EJEKIEL 11:9

M-ā m̄-tə̄ɓāsí kɔ̄ɔ́ kem ɓē kə́ Jerusalem tə́, m-ā m-ə́lásí kem jī tə̄rā gə̄ tə́. M-ā m-ún sarya gāngə̄ḿ yā rāań yá̰a̰ sesí.

EJEKIEL 16:33

Ájə́ba gə̄ malang a əngen̄ nar gíŕdə́ banī i ḭ̄ n ə̄ndā nja ngé sāāí gə̄ malang. Ḭ̄ ādə̄də́ nar kadə̄ nin̄ teēnəń kə̄ ta loo gə̄ tə́ reē ɓīīnəń seí.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.