EJEKIEL 16:23 - Bibəl ta Sar̄

²³ Yá̰á̰ kə́ majaĺ gə̄ malang ń ī-rāā ní, yá̰a̰ gə̄ ń noō a reēn̄ kə yá̰á̰ kə́ to kum kaȳ aĺ dɔí tə́! I mā Kɔ́ɔ̄ɓē Nə́ɓā n m-ə́da najə̄ ń noō ní.

Bible sar

²³ Yá̰á̰ kə́ majaĺ gə̄ malang ń ī-rāā ní, yá̰a̰ gə̄ ń noō a reēn̄ kə yá̰á̰ kə́ to kum kaȳ aĺ dɔí tə́! I mā Kɔ́ɔ̄ɓē Nə́ɓā n m-ə́da najə̄ ń noō ní.

EJEKIEL 16:23 Referans Kwoze

JEJU TEĒ KUM JA̰A̰ 12:12

I beé ní, dɔ rā̰ ī-rāā rɔ̄nel̄ ō, sḭḭ̄ de gə̄ ń ī-ndiī dɔ rā̰ tə́ ní, ī-rāāī rɔ̄nel̄ ō. Ba sḭḭ̄, dɔ nang ō bā bo ō ní, yá̰á̰ kə́ to kum kaȳ aĺ a əsō dɔsí tə́. Tɔdɔ̄ diabəl risə kum kə̄ dɔsí tə́ noō. Wōn̄g rāān ngá̰ý tām̄ ni-ger̄ kadə̄ kum mbang yān na̰y i ngá̰ý alé.

JEJU TEĒ KUM JA̰A̰ 8:13

Anī m-á̰a̰ kə̄rō kógə̄ḿ nēl̄ ɓōdə̄ rā̰ tə́, ba un ndūn kə̄ dɔɔ́ ngá̰ý ədań na: Rɔ̄ tō ndoō, rɔ̄ tō ndoō, rɔ̄ tō ndoō i yā de kə́ dɔ nang tə́ gə̄, dan ń gotə de kə́ dɔ rā̰ tə́ kə́ mətá gə̄ a kɔ̄rə́n̄ bərúnjə gə̄ ní.

MATIYE 11:21

Rɔ̄ tō ndoō a reē dɔí tə́, Korajḛḛ! Rɔ̄ tō ndoō a reē dɔí tə́, Betsaida! Tɔdɔ̄ yá̰á̰ kə́ yáā gə̄ ń rāān̄ yá̰a̰ loosí ní, nə́ngētə́ rāān̄ yá̰a̰ i kem ɓē kə́ Tir tə́ ō, Sidon tə́ ō anī, de kə́ kemeé gə̄ a o̰ō̰n̄ kūbə̄ sákə̄ tə́ yā kəhɔń ndoō ō, a ndin̄ kum bū tə́ ō, yā kɔjəń kadə̄ na n-ndigən̄ tūr̄ háĺdə́.

SOPONI 3:1

I yá̰á̰ kə́ to kum kaȳ aĺ kə́ ba̰ý beē, tām̄ yā ɓē kə́ əsō wōn̄g tə́ ō, nujə tə́ ō, kə́ ngé kḭḭ de gə̄ gúu taān̄ loo kemeé tə́ ō tə́!

EJEKIEL 24:6

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɓē ń mósə taā loo kə́ kemeé malang ní, yá̰á̰ kə́ to kum kaȳ aĺ i tām̄ yān tə́! Ni to i tītə̄ jóo ndīr̄ yá̰á̰ kə́ əhɔ kārā kə́ deē asə tə́go aĺ beé. Ī-kə̄tó kūrū dā̰ gə̄ malang, kógə̄ḿ kógə̄ḿ kə gō naá, kanjə̄ túgə̄ wə̄lā dɔ kūrū dā̰ gə̄ ní tə́.

EJEKIEL 13:18

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: Yá̰á̰ kə́ to kum kaȳ aĺ a teē dɔsí tə́. Tɔdɔ̄ sḭḭ̄ ūrī ta kūbə̄ kə́ dɔ kur jī de gə̄ tə́ malang ō, ī-rāāī mandíl gə̄ kə́ ɓāl̄də́ gə̄ i tayā tayā tə́ ō, yā kadə̄ sḭḭ̄ ə́ngeīneé tɔ́gə dɔ ndi kə kumuú yādə́ tə́. Sḭḭ̄ ī-sāāī taā ndi kə kumuú yā de gə̄ kə́ dan gír deē yāḿ gə̄ tə́, banī ī-ngɔ̄mī ndi kə kumuú yāsí sḭḭ̄ kɔ́ gə̄.

EJEKIEL 13:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Yá̰á̰ kə́ to kum kaȳ aĺ a teē dɔ ngé koō ta kə́ mbóo gə̄ tə́. Nin̄ a unən̄ i gō gír̄ yādə́ nin̄ kɔ́ gə̄ ń reē dɔdə́ tə́ ní, ba a̰a̰n̄ yá̰á̰ kógə̄ḿ alé.

EJEKIEL 2:10

Jī deē ní tútə ndāŕ ndang najə̄ ní gidə naā tə́ ta kumḿ tə́. Ndangən̄ najə̄ kemeé ō, gidə tə́ ō. Yá̰á̰ ń ndangən̄ ní i pā rɔ̄nel̄ aĺ gə̄ ō, i pā yo gə̄ ō, nōō rɔ̄ gə̄ ō.

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

EJEKIEL 16:22

Dan ń ā ī-rāań yá̰a̰ malang kə́ majaĺ ngá̰ý gə̄ ń noō tə́ ní ō, ā ī-rāań ájə́ba tə́ ō ní, əga kemií dɔ ndɔ̄ gə̄ ń ḭ̄ i ngōn̄ dūú tə́ ní alé. Dɔí ndígə̄nal dɔ ndɔ̄ gə̄ ń rɔ̄í i karī tə́ ní ō, dɔ ndɔ̄ gə̄ ń ī-toń kum mosí tə́ ní ō.

EJEKIEL 16:24

Ɓá tā ba ī-na̰y kə̄ loo rāā ngán loo kə́ kḭḭ kə̄ dɔɔ́ gə̄ tə́, ī-na̰y kə̄ loo rāā loo kə́ kḭḭ kə̄ dɔɔ́ gə̄ tə́ malang tām̄ yāí tə́.