EJEKIEL 16:21 - Bibəl ta Sar̄

²¹ Ḭ̄ ī-tɔ̄l̄ ngánə́ḿ gə̄ ba ī-róōdə́ horoó ādə̄ nə́ɓā yāí kə́ rɔ̄kum aĺ gə̄!

Bible sar

²¹ Ḭ̄ ī-tɔ̄l̄ ngánə́ḿ gə̄ ba ī-róōdə́ horoó ādə̄ nə́ɓā yāí kə́ rɔ̄kum aĺ gə̄!

EJEKIEL 16:21 Referans Kwoze

2 MBAN̄G 17:17

Ngáńdə́ kə́ dəngam gə̄ ō, kə́ dəyá̰ gə̄ ō ní, nin̄ róōn̄də́ horoó. Ndḛḛ̄n̄ sāā ō, ōōn̄ ta kɔdə̄ sāā gə̄ ō, rāān̄ yá̰á̰ kə́ majaĺ ta kum Kɔ́ɔ̄ɓē tə́ bátə́ adə̄ wōn̄g rāān ō.

JEREMI 19:5

Rāān̄ loo kə́ kḭḭ kə̄ dɔɔ́ gə̄ kə rī ɓesə̄ Baal ba róōn̄ ngáńdə́ gə̄ horoó dɔ tə́ adə̄nən̄. I yá̰á̰ kə́ m-ādə̄də́ ndūḿ dɔ tə́ aĺ ō, m-ɔ̄r̄ najə̄n sedə́ aĺ ō, i yá̰á̰ kə́ m̄-gír̄ dɔ tə́ aĺ ō.

PĀ GƏ̄ 106:37

Tɔ̄lə̄n̄ ngán kemdə́ kə́ dəngam gə̄ ō, kə́ dəyá̰ gə̄ ō, ba tun̄ adə̄n̄ nə́ɓā kə́ rɔ̄kum aĺ gə̄.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.

NDŪ NAJƏ̄ 18:10

Ādə̄ de kə́ nge kənī ngōnən kə́ dəngam, aké kə́ dəyá̰ kum hor tə́ gətóo mbo̰ō̰í tə́ ō, de kə́ nge koō ta ɓádə gə̄, aláa kɔdə̄ wor, aláa kɔdə̄ gara, aláa nge bógə̄rō de gə̄,

LEBI GƏ̄ 18:21

Ā ī-tun̄ ngōnīí yā kadə̄ ɓesə̄ Molok alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.

Teē Ngán Israel gə̄ 13:2

kə ɔr̄ kam̄ hágə́ ngán Israel gə̄ malang ō, hágə́ yá̰a̰ kul̄ yādə́ gə̄ ō, kə adə̄n. Tɔdɔ̄ hágə de kə́ dəngam ō, hágə dā̰ kə́ dəngam ō ní, na i yá̰a̰ yān.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.