EJEKIEL 16:18 - Bibəl ta Sar̄

¹⁸ Ḭ̄ ūtə̄ gidədə́ kə kūbə̄ yāí kə́ kɔsə desḛ̄ḛ tū tə́ gə̄ ō, yibə̄ gə̄ kə kajaja gə̄ ń m-ādī ní, ḭ̄ āwń ī-ndējə̄də́ ō.

Bible sar

¹⁸ Ḭ̄ ūtə̄ gidədə́ kə kūbə̄ yāí kə́ kɔsə desḛ̄ḛ tū tə́ gə̄ ō, yibə̄ gə̄ kə kajaja gə̄ ń m-ādī ní, ḭ̄ āwń ī-ndējə̄də́ ō.

EJEKIEL 16:18 Referans Kwoze

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.

EJEKIEL 16:10

M-ādī kūbə̄ kə́ kɔsə desḛ̄ḛ tū tə́ ō, sākə̄rāá ndāŕ kə́ majə ngá̰ý ō, kəlā lḛ́ḛ kə́ yā kadə̄ ə́hɔń ɓōdīí ō, kūbə̄ səwāa ō.

EJEKIEL 16:17

Yá̰á̰ súū rɔ̄ gə̄ kə́ rāān̄də́ kə lɔ́rɔ́ ō, kə gində̄ arjā̰a̰á̰ ō ń m-ādī ní, ḭ̄ ɔ́ýdə́ ī-rāādə́ ɓesə̄ kə́ dəngam gə̄ tə́, ba gōtə́ anī, ī-rāā ájə́ba sedə́.

EJEKIEL 16:19

Yá̰a̰ kəsa ń m-ādī ní, ḭ̄ ɔ́y malang ī-ndējə̄də́ yā kadə̄ nelən̄də́ seí, adə̄ i ndujə̄ kə́ lándə̄ ō, yibə̄ ō, yibə̄ tejə ō. Yá̰á̰ ń rāā yá̰á̰ ní n noó. Adə̄ mā Kɔ́ɔ̄ɓē Nə́ɓā m-ə́da na i rɔ̄kum.

EJEKIEL 27:16

Edom gə̄ mangən̄ yá̰a̰ jīí tə́ ngá̰ý. Nin̄ adīn̄ i mbal̄ gə̄ kə́ gātə̄də́ i ngá̰ý gə̄ ō, i ta kūbə̄ kə́ kɔsə desḛ̄ḛ tū tə́ gə̄ ō, i kūbə̄ lḛ́ḛ gə̄ ō, i məde kɔ̄l̄ gə̄ ō, i mbal̄ rubis gə̄ ō gírí n taānəń yá̰a̰ gə̄ ní.

NDŪ NAJƏ̄ 32:38

Sḭḭ̄ ūlīdə́ kə dā̰ kə́ tun̄ gə̄ ō, ādīdə́ kasə nduú gə̄ kadə̄ a̰ȳn̄ ō ní, ādə̄ ɔjən̄ rɔ̄də́ kə̄ ndágá ba ajən̄sí ō, ngɔ̄mə̄n̄sí ō tā.

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

EJEKIEL 23:41

Gō tə́ anī nin̄ ton̄ dɔ tə̄rá kə́ majə ngá̰ý gə̄ tə́. Nin̄ əndān̄ tábəl kógə̄ḿ nodə́ tə́, ba əndān̄ ndujə̄ yá̰á̰ kə́ kotə majə ō, yibə̄ kə́ guŕ naā tə́ kə ítirií ō ń i yá̰a̰ yāḿ gə̄ gə̄ ní dɔ tə́.

OJEE 2:7

Tɔdɔ̄ kó̰ó̰də́ i dəyá̰ kə́ nge rāā ájə́ba, dəyá̰ ń ojədə́ ní rāā adə̄ rɔ̄sɔl̄ utə̄ gidə rɔ̄n malang kɔ̄ɔ́. A̰á̰ā̰, ni-əda na m-ā m-ún gō ngé sāāḿ gə̄ ń nin̄ i ngé kadə̄m̄ yá̰a̰ kəsaḿ ō, man̄ ka̰yḿ ō, kūbə̄ bḭḭ̄ batə̄ ō, kūbə̄ lḛ́ḛ ō, yibə̄ ō yá̰a̰ ka̰ȳ gə̄ ō ní.