EJEKIEL 16:15 - Bibəl ta Sar̄

¹⁵ Banī ḭ̄ ə̄ndā kemií dɔ majií tə́ ō, ī-rāā ájə́ba tām̄ rīí kə́ ɓār̄ ngá̰ý tə́ ō. De kə́ dəngam gə̄ malang ń a mānə̄n̄ róbó noō ḭ̄ ī-ɓīī sedə́. Ḭ̄ ī-tél i yá̰a̰ yādə́.

Bible sar

¹⁵ Banī ḭ̄ ə̄ndā kemií dɔ majií tə́ ō, ī-rāā ájə́ba tām̄ rīí kə́ ɓār̄ ngá̰ý tə́ ō. De kə́ dəngam gə̄ malang ń a mānə̄n̄ róbó noō ḭ̄ ī-ɓīī sedə́. Ḭ̄ ī-tél i yá̰a̰ yādə́.

EJEKIEL 16:15 Referans Kwoze

EJEKIEL 16:25

Ḭ̄ rāā loo kə́ kḭḭ kə̄ dɔɔ́ tām̄ yāí tə́ kə̄ ta gajə róbə gə̄ tə́ malang. Ḭ̄ ún majə yā rɔ̄í ī-rāāń yá̰á̰ kə́ majaĺ ngá̰ý gə̄ loo ngeé gə̄ ń noō tə́. Ngé mān̄ róbə gə̄ malang ń noō ḭ̄ ādə̄də́ rɔ̄í ō, ḭ̄ ā ī-rāā ájə́ba kum kə̄ kété kété ō.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

IJAI 57:8

Ḭ̄ ī-do̰ō̰ kəga yāí gidə kāgə̄ ta róbə́ kújə́ tə́. Ḭ̄ ī-ɓɔ̄ɔ̄ rɔ̄í kadə̄ m-á̰a̰ī aĺ ō, ɔ̄r̄ kūbə̄ kə́ rɔ̄í tə́ kɔ̄ɔ́ ō, ba āl̄ dɔ tə̄rá yāí kə́ bo ngá̰ý tə́. Ḭ̄ ōōī naā kə kābāí gēé, i koō naā kə́ kadə̄ rāā majə seí ḭ̄ḭ́, nelī to sedə́ ō, ka̰a̰ yá̰á̰ ní ō.

EJEKIEL 23:3

Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

JEREMI 7:4

Ī-lōōī gól̄ rɔ̄sí kə najə̄ kə́ rɔ̄kum aĺ gēé ba kəda kə̄ nja naā tə́ na: Kújə yā Kɔ́ɔ̄ɓē! Kújə yā Kɔ́ɔ̄ɓē! Kújə yā Kɔ́ɔ̄ɓē, kújə ní i laā.

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

EJEKIEL 23:8

Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

JEJU TEĒ KUM JA̰A̰ 17:5

Ndangən̄ rī kógə̄ḿ nɔtə non tə́. Rī ní i rī kə́ kumən to loo mundə̄ tə́. Rī ní n toó: Babilon kə́ bo ń i kó̰ó̰ ájə́ba gə̄ ō, kó̰ó̰ yá̰á̰ kə́ majaĺ ngá̰ý gə̄ kə́ dɔ nang tə́ ní ō.

MATIYE 3:9

Ba ī-lōōī kudə ndi ba kəda kə̄ kemsí tə́ na sḭḭ̄ na i de kə́ gír kaa yā Abəraham tə́ gə̄. Ādə̄ m-ə́dásí, ré Nə́ɓā ndigə anī a tūr̄ kūbə̄rū mbal̄ gə̄ ń toō kadə̄ télən̄ ngán kaa Abəraham gə̄ karī.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

OJEE 4:10

Nin̄ a əsan̄ yá̰a̰, banī ɓō a rāādə́ ngándáńg. A rāān̄ ájə́ba, banī a ojən̄ ngōn̄ alé. A̰á̰ā̰, mā ń i Kɔ́ɔ̄ɓē ní, nin̄ əya̰mə̄n̄ kɔ̄ɔ́ ba rāānəń ájə́ba.

EJEKIEL 33:13

Tītə̄ ń toō: M-ə̄nī ndūḿ m-ādə̄ de kə́ gōtə́ kadə̄ ni a ndi kə kumneé. Banī ni gír̄ kadə̄ hálən kə́ majə kə́ kété ń ni-rāā ní asə adə̄ ni udə kə̄ rɔ̄ rāā yá̰á̰ kə́ majaĺ tə́. I beé ɓá ní, yá̰a̰ rāān kə́ majə kə́ kété gə̄ ní i kə́ yā tə́da to̰ alé. Adə̄ ni a oy tām̄ yā yá̰á̰ kə́ majaĺ ń ni rāā tə́ ní.

EJEKIEL 27:3

Ni-ndi i ta bā bo tə́ ō, a rāā gātə̄ i kə gír de kə́ ngá̰ý gə̄ kə́ ndin̄ ɓē dɔ dor̄ gə̄ tə́ ō. Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Tir, ḭ̄ ɔ́jə rɔ̄í tām̄ majə kə́ ī-majə ɔ̄tə̄ ta tə́.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

PĀ GƏ̄ 106:35

Tə́lan̄ rɔ̄də́ dan ngé rāā ɓesə̄ gə̄ tə́, ndóōn̄ yá̰a̰ rāādə́ gə̄.

2 MBAN̄G 21:3

Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā loo tun̄ yá̰a̰ gə̄ adə̄ ɓesə̄ Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

2 MBAN̄G 17:7

Yá̰á̰ ń noō rāā yá̰a̰ i tɔdɔ̄ ngán Israel gə̄ rāān̄ yá̰á̰ kə́ majaĺ kə Kɔ́ɔ̄ɓē Nə́ɓā yādə́ ń taādə́ jī Parao̰ mban̄g kə́ Ejiptə tə́, ba teē sedə́ kɔ̄ɔ́ kem ɓē kə́ Ejiptə tə́ ní ō, i i tɔdɔ̄ nin̄ ɓōlə́n̄ ndíl nə́ɓā gə̄ ń i ɓesə̄ gə̄ ō ní.

1 MBAN̄G GƏ̄ 12:28

Gír̄ kógə̄ḿ reē dɔ mban̄g Jeroboam tə́, adə̄ ni mēr̄ rāā duĺ man̄g lɔ́r gə̄ jōó, ba əda de gə̄ na: Israel gə̄, ngándáńg ā āwī i Jerusalem, ba ngɔlaā ní asə tā. Nə́ɓā ń teē sesí kɔ̄ɔ́ kem ɓē kə́ Ejiptə tə́ ní ni n toó.

1 MBAN̄G GƏ̄ 11:5

Salomo̰ rāā ɓesə̄ Astarte ń i ɓesə̄ kə́ dəyá̰ yā Sidon gə̄ ní ō, rāā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní ō.

NGÉ SARYA 10:6

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

NGÉ SARYA 3:6

Nin̄ táān̄ ngáńdə́ kə́ dəyá̰ gə̄ ō, adə̄n̄ ngáńdə́ kə́ dəyá̰ gə̄ táān̄ yādə́ kə́ dəngam gə̄ ō, nin̄ rāān̄ ɓesə̄ yādə́ gə̄ ō.

NGÉ SARYA 2:12

Əya̰n̄ Kɔ́ɔ̄ɓē Nə́ɓā yā kaadə́ gə̄ ń teē sedə́ kem ɓē kə́ Ejiptə tə́ ni kɔ̄ɔ́ ba unən̄ gō ɓesə̄ gə̄ yā gír de gə̄ ń ndin̄ gīrə̄n̄ gidədə́ ní. Nin̄ ɔsən̄ nodə́ nang tə́ no ɓesə̄ gə̄ ní tə́ rɔȳn̄də́ adə̄ wōn̄g rāā Kɔ́ɔ̄ɓē.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

EJEKIEL 16:16

Kūbə̄ yāí kə́rēý gə̄ kə́ majə ngá̰ý gə̄ ō, kə́ rāān̄ ɓáĺ yá̰a̰ gə̄ tū tə́ ō n ḭ̄ ɔ́ýdə́ ī-súuń loo ndɔ̄ȳ gə̄ ní ō, ī-rāā ájə́ba dɔ tə́ ō ní. Ba nge ń noō i yá̰á̰ kə́ majə kadə̄ rāā yá̰a̰ alé.

OJEE 4:18

Dan ń nin̄ a̰ȳn̄ adə̄ mān̄ dɔ majən anī, rāān̄ ájə́ba. Nin̄ ndigən̄ i rɔ̄sɔl̄ tá banī i hɔ̄r̄mɔ̄ alé.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.