EJEKIEL 16:11 - Bibəl ta Sar̄

¹¹ m̄-tə́la yá̰a̰ ta mbī gə̄ mbīí tə́ ō, m̄-tə́la nə̄ngá gə̄ jīí tə́ ō, m-ə̄nī məde kɔ́ɔ́í tə́ ō.

Bible sar

¹¹ m̄-tə́la yá̰a̰ ta mbī gə̄ mbīí tə́ ō, m̄-tə́la nə̄ngá gə̄ jīí tə́ ō, m-ə̄nī məde kɔ́ɔ́í tə́ ō.

EJEKIEL 16:11 Referans Kwoze

TA KƏLA 24:22

Dan ń jámbal gə̄ a̰ȳn̄ man̄ oy anī, dəngam ní un nə̄ngá kə́ yā kəla kóń tə́ kə́ rāā kə lɔ́rɔ́ kə́ ɔȳ asə ngán kəlōo mehḛ́ ō, nə̄ngá jī kə́ rāā kə lɔ́rɔ́ gə̄ jōó kə́ ɔȳn̄ tɔȳ ngán kəlōo ɓú ō, adə̄ ngōmandə ní

IJAI 3:19

yá̰a̰ ta mbī gə̄ ō, nə̄ngá kə́ jī tə́ gə̄ ō, kūbə̄ kə́ yā seĺ ta kum tə́ gə̄ ō,

TA KƏLA 41:42

Parao̰ ɔr̄ kulūm̄ kə́ jīn tə́ əla jī Jəjep tə́ ō, əla kūbə̄ kə́ majə kə́ sɔl̄ lɔ́ḿ lɔ́ḿ rɔ̄n tə́ ō, ənī məde lɔ́ŕ kɔ́ɔn tə́ ō,

TA KƏLA 24:47

m̄-dəjen m-ə́da na ké ni i ngōn̄ náā wa. Anī ni-tél əda na ni na i ngōn̄ Betuel kə́ ngōn̄ Nahor nin̄ kə Milkaá. Loo ń noō tə́ m-ə́la nə̄ngá kógə̄ḿ kónən tə́ ō, m̄-tə́la jōó jīn tə́ ō.

Gōsə̄ najə̄ gə̄ 1:9

Tɔdɔ̄ nge ń noō i jākā mbang kə́ majə kə́ dɔí tə́ ō, i məde kə́ kɔ́ɔ́í tə́ ō.

EJEKIEL 23:42

De gə̄ i ngá̰ý noō ō, deē a oō i kōō kósə de kə́ ngá̰ý gə̄ kə́ usədə́ yá̰a̰ aĺ ō. De kə́ dəngam gə̄ kə́ ḭḭn̄ kə̄ loo gə̄ tə́ malang kem dəla loo tə́ i noó ō. Nin̄ tə́lan̄ nə̄ngá gə̄ jī ngákó̰o̰ naā kə́ dəyá̰ kə́ jōó gə̄ ní tə́ ō, əlan̄ jākā mbang kə́ majə ngá̰ý dɔdə́ tə́ ō.

TƏ́DA 31:50

I tām̄ najə̄ ń toō tə́ n jə-reē kə yá̰a̰ ndējə̄ gēé yā rāań yá̰á̰ kə́ yā kutə̄ń dɔ majaĺ yājí ta kum Kɔ́ɔ̄ɓē tə́ ní. Jə-reē i kə yá̰á̰ kə́ rāā kə lɔ́r gə̄ ń j-ənge ní, adə̄ i nə̄ngá gə̄ ō, kulūm̄ ta jī gə̄ ō, yá̰a̰ ta mbī gə̄ ō, yá̰á̰ súū rɔ̄ kə́ rang gə̄ ō.

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

JEJU TEĒ KUM JA̰A̰ 4:4

Kōr̄ kāgə̄ mbang kə́ rang gə̄ kutə jōó gidə i sɔ́ ndi gīrə̄n̄ gidə kōr̄ kāgə̄ mbang ní. Ba kum kɔɔ̄ gə̄ kutə jōó gidə i sɔ́ ndin̄ dɔ kōr̄ kāgə̄ mbang gə̄ ní tə́. Nin̄-o̰ō̰n̄ kūbə̄ kə́ ndaa ō, jākā mbang kə́ rāā kə lɔ́r i dɔdə́ gə̄ tə́ ō.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

OJEE 2:13

Yá̰a̰ malang ń adə̄n rɔ̄nel̄ á i pétə yān gə̄ ō, ndɔ̄ rāā nāā kə́ kijə yān gə̄ ō, ndɔ̄ sabat yān gə̄ ō, kán̄ naā kə́ bo yān gə̄ malang ō ní, m-ā m̄-rāā kadə̄ gíŕdə́ a gān̄g kɔ̄ɔ́.

DANIEL 5:29

Kə̄ ta jī tə́ noō Baltajar əda ngé kəla yān gə̄ kadə̄ əlan̄ kūbə̄ kə́ kərē ning rɔ̄ Daniel tə́ ō, kadə̄ ənīn̄ məde lɔ́ŕ kɔ́ɔn tə́ ō, ni-əda kadə̄ ənīn̄ mbēr̄ na Daniel na tél nge ko̰o̰ ɓē dan ngé ko̰o̰ ɓē kə́ bo gə̄ tə́ kem ɓē ko̰o̰ yān tə́ ō.

DANIEL 5:16

Ba mā m-ōō kadə̄ ḭ̄ na ásə kəda kum səngó gə̄ ō, teē kə gíŕ yá̰á̰ kə́ to loo mundə̄ tə́ gēé ō. Adə̄ ré ī-tə́dá yá̰á̰ ń ndangən̄ toó ō, ɔ́jəm̄ kum ō anī, ā ō̰ō̰ kūbə̄ kə́ kərē ning ō, ā ō̰ō̰ məde lɔ́ŕ kɔ́ɔ́í tə́ ō, ā ī-tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

EJEKIEL 23:40

Tá ɓáý to̰ ní, nin̄ əlan̄ deē ɓāŕ de kə́ dəngam gə̄ tə́ dɔ ɓē kə́ sa̰y gə̄ tə́. Dan ń nin̄ oōn̄ ɓār̄ yādə́ anī, nin̄ reē ugə̄n̄ rɔ̄də́ tə́. Nin̄ ndogə̄n̄ man̄ tām̄ yādə́ tə́ ō, nin̄ rāān̄ man̄ yá̰a̰ dɔ kumdə́ gə̄ tə́ ō, tə́lan̄ yá̰a̰ ta mbī gə̄ ō.

NŌŌ RƆ̄ 5:16

Jākā mbang kə́ dɔjí tə́ teē əsō kɔ̄ɔ́. Yá̰á̰ kə́ to kum kaȳ aĺ əsō dɔjí tə́, tɔdɔ̄ jə-rāā majaĺ.

IJAI 28:5

Ndɔ̄ kógə̄ḿ tə́ anī, Kɔ́ɔ̄ɓē kə́ bo kə́ tɔ́gən i ngá̰ý ní, nəkɔ́ a tél jākā mbang kə́ majə ngá̰ý, a téĺ yá̰á̰ súū rɔ̄ kə́ yā kənī míndə́ tə́, kə́ yá̰a̰ i ngá̰ý tū tə́, yā de gə̄ kə́ dan gír deē yān gə̄ ń teēn̄ ta yo tə́ ní.

IJAI 3:21

kulūm̄ ta jī gə̄ ō, nə̄ngá kə́ kɔ́ń tə́ gə̄ ō,

PĀ KƏ́ MAJƏ 4:9

Ngōkó̰ó̰ḿ kə́ dəyá̰, nge nong yāḿ, nelə̄m̄ seí ngá̰ý. Mbelií kə́ nja kógə̄ḿ beē ń ī-mbel á̰a̰m̄ ní adə̄m̄ rɔ̄nel̄ ngá̰ý. Məde kə́ kɔ́í tə́ kə́ kal kógə̄ḿ beē rāā adə̄ dɔḿ ndi kə gōó alé.

PĀ KƏ́ MAJƏ 1:10

Yá̰a̰ ta mbī yāí gə̄ rāān̄ adə̄ mberí əja majə tɔȳ kə́ kété ō, məde kə́ kɔ́í tə́ rāā adə̄ kɔ́í əja majə tɔȳ kə́ kété ō.

Gōsə̄ najə̄ gə̄ 25:12

Kɔ̄l̄ yā de kə́ nge kum kedə̄ to i tītə̄ kulūm̄ lɔ́r ō məde lɔ́r kə́ kərē ō, tām̄ yā deē ń nēl̄ mbīn majə oō ń tə́ ní.

Gōsə̄ najə̄ gə̄ 4:9

Ni a əla jākā mbang kə́ to rɔ̄ dɔí tə́ ō, a əndā njaí kə yá̰á̰ súū rɔ̄ kə́ majə ngá̰ý ō.

Makətūbə̄ yā Job 42:11

Loo ń noō tə́ ngákó̰o̰ Job kə́ dəngam gə̄ ō, kə́ dəyá̰ gə̄ ō, de gə̄ malang ń ger̄nən̄ kété ní ō, reēn̄ go̰ō̰n tə́. Nin̄ əsan̄ yá̰a̰ seneé kem kújə yān tə́. Nin̄ nōōnən̄ ō, sɔlə̄n̄ kemən najə̄ yá̰á̰ kə́ to kum kaȳ aĺ gə̄ malang ń Kɔ́ɔ̄ɓē rāā adə̄ reē dɔn tə́ ní ō. Nin̄ adə̄nən̄ kesita kógə̄ḿ kógə̄ḿ kə dɔdə́ gēé ō, nə̄ngá lɔ́ŕ kógə̄ḿ kógə̄ḿ kə dɔdə́ gēé ō, kadə̄ karī tə́.

ESTER 2:17

Anī mban̄g gḛy Ester tɔȳ gotə dəyá̰ gə̄ malang ō, rāā majə seneé ō, ənī kemən adə̄n tɔȳ ngámandə gə̄ malang ō. Ni-əla jākā mbang dɔn tə́ ō, rāān mban̄g kə́ dəyá̰ tə́ kum gotə Basti ō.

NGÉ SARYA 8:24

Ni-ədadə́ ɓáý to̰ na: Ɓá tā ba m̄-ndigə dəjesí yá̰á̰ kógə̄ḿ, dan yá̰a̰ gə̄ ə́hɔī ta rɔ̄ɔ̄ tə́ ní, úniī nə̄ngá kógə̄ḿ kógə̄ḿ ādə̄mī kə dɔsí gēé. Tɔdɔ̄ Madian gə̄ o̰ō̰n̄ nə̄ngá lɔ́r tītə̄ yā gotə de gə̄ malang kə́ kem dəla loo tə́ gə̄.

LEBI GƏ̄ 8:9

Ənda dɔn kə kūbə̄ kənda dɔɔ́ ō, əla yá̰á̰ súū rɔ̄ kə́ to tītə̄ hútə̄ kāgə̄ kə́ rāā kə lɔ́rɔ́ no kūbə̄ ní tə́ ō, tītə̄ ń Kɔ́ɔ̄ɓē ədanəń kadə̄ rāā ní.

Teē Ngán Israel gə̄ 35:22

Dəngam gə̄ kə dəyá̰ gə̄ ń kemdə́ ndigə kadə̄ yá̰á̰ ngá̰ý ní reēn̄ kə yá̰á̰ súū rɔ̄ kə́ dáńg dáńg gə̄ kə́ rāān̄ kə lɔ́rɔ́: Yá̰á̰ kə́ yā kəhɔń nənga dɔ gə̄ ō, yá̰a̰ ta mbī gə̄ ō, nə̄ngá gə̄ ō, məde gə̄ ō. Reē ndējə̄n̄ Kɔ́ɔ̄ɓē yá̰a̰ gə̄ ń noō kə gō looneé.

Teē Ngán Israel gə̄ 32:2

Anī Aaro̰ tél ədadə́ na kə ró̰ȳn̄ nə̄ngá lɔ́ŕ gə̄ kə́ mbī nə̄yá̰də́ gə̄ tə́ ō, kə́ mbī ngáńdə́ kə́ dəngam gə̄ tə́ ō, kə́ dəyá̰ gə̄ tə́ ō, kə reēn̄neé kə adə̄nən̄.

TA KƏLA 35:4

Nin̄ adə̄n̄ Jakob ɓesə̄ yādə́ gə̄ ní malang ō, nə̄ngá kə́ mbīdə́ gə̄ tə́ ō, adə̄ Jakob ndēr̄ bəlo ɓɔ̄ɔń gír kāgə̄ kə́ bo ń ra kadə ɓē kə́ Sisem tə́ ní,

TA KƏLA 24:53

Ni-tḛḛ̄ ta ngɔng mbā yān, ɔy yá̰á̰ súū rɔ̄ kə́ rāā kə gində̄ arjā̰a̰á̰ ō, kə lɔ́rɔ́ ō, kūbə̄ gə̄ ō, adə̄ Rebeka. Ni-adə̄ ngōkó̰o̰n ō, kó̰o̰n ō, yá̰á̰ kə́ gātə̄də́ i ngá̰ý gə̄.

EJEKIEL 16:17

Yá̰á̰ súū rɔ̄ gə̄ kə́ rāān̄də́ kə lɔ́rɔ́ ō, kə gində̄ arjā̰a̰á̰ ō ń m-ādī ní, ḭ̄ ɔ́ýdə́ ī-rāādə́ ɓesə̄ kə́ dəngam gə̄ tə́, ba gōtə́ anī, ī-rāā ájə́ba sedə́.