EJEKIEL 16:10 - Bibəl ta Sar̄

¹⁰ M-ādī kūbə̄ kə́ kɔsə desḛ̄ḛ tū tə́ ō, sākə̄rāá ndāŕ kə́ majə ngá̰ý ō, kəlā lḛ́ḛ kə́ yā kadə̄ ə́hɔń ɓōdīí ō, kūbə̄ səwāa ō.

Bible sar

¹⁰ M-ādī kūbə̄ kə́ kɔsə desḛ̄ḛ tū tə́ ō, sākə̄rāá ndāŕ kə́ majə ngá̰ý ō, kəlā *lḛ́ḛ kə́ yā kadə̄ ə́hɔń ɓōdīí ō, kūbə̄ səwāa ō.

EJEKIEL 16:10 Referans Kwoze

EJEKIEL 16:18

Ḭ̄ ūtə̄ gidədə́ kə kūbə̄ yāí kə́ kɔsə desḛ̄ḛ tū tə́ gə̄ ō, yibə̄ gə̄ kə kajaja gə̄ ń m-ādī ní, ḭ̄ āwń ī-ndējə̄də́ ō.

EJEKIEL 16:13

Yá̰á̰ súū rɔ̄ yāí gə̄ i kə́ rāān̄də́ kə lɔ́rɔ́ ō, kə gində̄ arjā̰a̰á̰ ō, kūbə̄ yāí gə̄ i kə́ rāān̄də́ kə lḛ́ḛ́ ō, səwāa ō, ɔsən̄ desḛ̄ḛ tū tə́ ō. Yá̰a̰ kəsa yāí i ndujə̄ kə́ majə ngá̰ý ō, i yibə̄ tejə ō, i yibə̄ kan̄ kāgə̄ olibə ō. I beé n ī-mandəń ngá̰ý al̄ naā ní. Adə̄ gə̄rāīn̄ kadə̄ ḭ̄ i mban̄g kə́ dəyá̰.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

Teē Ngán Israel gə̄ 26:36

Gō tə́ anī a əjōn̄ kūbə̄ kə́ rang tām̄ yā ta róbə́ kújə tandā tə́ kə kəlā bḭḭ̄ batə̄ kə́ ndul gusə gusuú ō, kə́ kərē bḭḭ́ ō, kə́ kərē pírírí ō, kə kəlā lḛ́ḛ́ kə́ ngan̄g gēé danaá ō.

JEJU TEĒ KUM JA̰A̰ 19:8

Adə̄nən̄ kūbə̄ lḛ́ḛ kə́ kəlā kəjōn kídə̄ yululu ō, ndə́lē ō, unjə̄ njáý njáý ō, adə̄ əla rɔ̄n tə́. Tɔdɔ̄ kūbə̄ lḛ́ḛ i kəla kə́ gōtə́ gə̄ ń de gə̄ yā Nə́ɓā rāān̄ ní.

Najə̄ kə́ Majə yā Jeju ń Luk ndang ní 15:22

Banī bɔbə̄n əda ngé kəla yān gə̄ na: Ī-reēī kə kūbə̄ kə́ majə mān̄ madə̄ gēé láẃ, ə́laī rɔ̄n tə́ ō, ə́laī kulūm̄ ta ngōn̄ jīn tə́ ō, ī-tə́laī sākə̄rā njan tə́ ō.

EJEKIEL 27:16

Edom gə̄ mangən̄ yá̰a̰ jīí tə́ ngá̰ý. Nin̄ adīn̄ i mbal̄ gə̄ kə́ gātə̄də́ i ngá̰ý gə̄ ō, i ta kūbə̄ kə́ kɔsə desḛ̄ḛ tū tə́ gə̄ ō, i kūbə̄ lḛ́ḛ gə̄ ō, i məde kɔ̄l̄ gə̄ ō, i mbal̄ rubis gə̄ ō gírí n taānəń yá̰a̰ gə̄ ní.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

Teē Ngán Israel gə̄ 28:5

Kɔdə̄ gə̄ a əjōn̄ kūbə̄ gə̄ ní i kə kəlā bḭḭ̄ batə̄ kə́ ndul gusə gusuú ō, kə́ kərē bḭḭ́ ō, kə́ kərē pírírí ō, kə kəlā lḛ́ḛ́ kə́ kídə̄ dululuú ō, kə lɔ́rɔ́ ō.

Teē Ngán Israel gə̄ 26:14

A utə̄n̄ gidə kūbə̄ bḭḭ̄ bə̄yā̰ ní i kə ndāŕ batə̄ kə́ kərē ō, a ənīn̄ ngə̄rā kə́ ngan̄g dɔ ndāŕ batə̄ ní tə́ ō.

TA KƏLA 41:42

Parao̰ ɔr̄ kulūm̄ kə́ jīn tə́ əla jī Jəjep tə́ ō, əla kūbə̄ kə́ majə kə́ sɔl̄ lɔ́ḿ lɔ́ḿ rɔ̄n tə́ ō, ənī məde lɔ́ŕ kɔ́ɔn tə́ ō,

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

JEJU TEĒ KUM JA̰A̰ 18:12

Yá̰a̰ gə̄ ní i lɔ́r ō, gində̄ arjā̰a̰ ō, mbal̄ gə̄ kə́ gātə̄də́ i ngá̰ý gə̄ ō, məde gə̄ ō, kūbə̄ lḛ́ḛ ō, kūbə̄ kə́ kəla kum man̄ yá̰á̰ kə́ kərē ning tə́ ō, kūbə̄ səwāa ō, kūbə̄ kə́ kəla kum man̄ yá̰á̰ kə́ kərē bḭḭ tə́ ō, kāgə̄ malang kə́ kotə majə ō, yá̰a̰ malang kə́ rāā kə ngān̄g dā̰á̰ ō, kə kāgə̄ kə́ gātə̄n i ngá̰ý ō, kə gində̄ nə̄ngá kasaá ō, kə gindīí ō, kə mbal̄ máŕbər ō.

EJEKIEL 27:7

Nin̄ rāān̄ kūbə̄ to yāí gə̄ kə́ kadə̄ nél əsō kemeé i kə lḛ́ḛ́ kə́ Ejiptə tə́ ō, ɔsən̄ desḛ̄ḛ gə̄ tū tə́ ō. Ré deē a̰a̰ī kə̄ sa̰y anī, a gerī i kə ta kūl̄də́. Utə̄n̄ gidə yá̰a̰ gātə̄ yāí gə̄ i kə kūbə̄ kə́ ndul gusə gusə gə̄ ō, kə́ kərē bḭḭ gə̄ ō, kə́ ḭḭnə̄ń i dor̄ kə́ Sipər tə́.

EJEKIEL 26:16

Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

EJEKIEL 16:7

m̄-rāāī adə̄ ī-tɔgə tītə̄ mu kə́ kem ndɔr̄ gə̄ tə́. Ḭ̄ ə́la gír tɔgə ō, ī-ngāl̄ ō, ī-majə ngá̰ý ō. Ə́ɓa mbā ō, ə́ɓa bḭḭ̄ ō. Banī kūbə̄ gətóo rɔ̄í tə́, rɔ̄í i karī.

Gōsə̄ najə̄ gə̄ 31:22

Ni əjō kūbə̄ tapīi gə̄ tām̄ yān tə́ ō, kūbə̄ ko̰ō̰n gə̄ i kūbə̄ gə̄ kə́ əjōn̄də́ i kə kəlā lḛ́ḛ́ kə́ majə ngá̰ý kə́ kídə̄ yululu ō, kərē bḭḭ ō.

Teē Ngán Israel gə̄ 25:5

ndāŕ batə̄ kə́ kəla kum man̄ yá̰á̰ kə́ kərē tə́ ō, ngə̄rā kə́ ngan̄g ō, kāgə̄ akasiya ō,

PĀ GƏ̄ 45:15

Súūnən̄ kə yá̰á̰ kə́ rāā ɓáĺ ngá̰ý gə̄ ba reēn̄ seneé kə̄ rɔ̄ mban̄g tə́. Ngámandə madə̄n gə̄ ń njə̄rān̄ gōn tə́ ní reēn̄ sedə́ rɔ̄í tə́.

IJAI 3:23

kútəram gə̄ ō, kūbə̄ lḛ́ḛ́ kə́ hɔɔ́lɔ̄ kə́ yā kəla rɔ̄ tə́ pá tá kəla kūbə̄ madə̄ gə̄ dɔ tə́ gə̄ ō, ta kūbə̄ kə́ yā ɓír̄ míndə́ tə́ gə̄ ō, ta kūbə̄ kə́ bo kə́ yā kənī dɔ bɔ̄gə̄ tə́ gə̄ ō.