EJEKIEL 15:7 - Bibəl ta Sar̄

⁷ M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.

Bible sar

⁷ M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.

EJEKIEL 15:7 Referans Kwoze

EJEKIEL 14:8

M-ā m̄-rāā yá̰á̰ kógə̄ḿ kə́ majaĺ kə deē ngeé ń noō. Yá̰á̰ ń m-ā m̄-rāā seneé ní a tél i kāgə̄ najə̄. M-ā m-ɔ̄rən kə̄ gogə́ kɔ̄ɔ́ dan gír deē yāḿ gə̄ tə́. Loo ń noō tə́ ā ī-gerī kadə̄ Kɔ́ɔ̄ɓē i mā.

IJAI 24:18

Nge ka̰ȳ kɔŕ ɓōĺ a əsō gír bəloó. Ré ni asə teē bəloó kɔ̄ɔ́ anī, a əsō kum gūmbə̄ tə́. Ta ko̰rō̰ kújə gə̄ kə́ dɔ rā̰ tə́ i kə́ teē ngá̰ý, dɔ nang kə taá malang ndew dɔ ngəran tə́.

PĀ GƏ̄ 34:16

Kum Kɔ́ɔ̄ɓē i kə̄ dɔ de kə́ gōtə́ gə̄ tə́ ō, nēl̄ mbīn yā koōń nōō yādə́ ō.

EJEKIEL 6:7

De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

1 MBAN̄G GƏ̄ 19:17

Deē ń a teē ta kaskar yā Hajael tə́ ní, Yehu a tɔ̄lən ō, deē ń a teē ta kaskar yā Yehu tə́ ní, Elije a tɔ̄lən ō.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!

EJEKIEL 20:44

Sḭḭ̄ ngán Israel gə̄, m-ā m-ə́wá gíŕ háĺsí aĺ ō, m-ā m-ə́wá gíŕ yá̰a̰ rāāsí kə́ majaĺ gə̄ aĺ ō. Banī yá̰á̰ m-ā m̄-rāā sesí ní, m-ā m̄-rāā i rāā kə́ ā ī-rɔȳmī najə̄n tə́. Loo ń noō tə́ ā ī-gerī kadə̄ Kɔ́ɔ̄ɓē i mā. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 20:42

M-ā m̄-tél yā kaw̄ sesí gogə́ dɔ nang kə́ Israel tə́, kem ɓē ń m-ə̄niń ndūḿ kadə̄ m-ādə̄ kaasí gə̄ ní. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

EJEKIEL 11:10

Loo ń noō tə́ ā ī-gerī kadə̄ Kɔ́ɔ̄ɓē i mā. M-ā m̄-gān̄g sarya dɔsí tə́ i gō nang kə́ Israel tə́, adə̄ m-ā m̄-rāā kadə̄ ā óyiī ta rɔ̄ɔ̄ tə́.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

LEBI GƏ̄ 17:10

Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní əsa mósə dā̰ anī, a nelə̄m̄ mā Kɔ́ɔ̄ɓē seneé aĺ ō, m-ā m-ɔ̄rən kɔ̄ɔ́ dan ngán Israel gə̄ tə́ ō.

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 5:8

I tām̄ najə̄ ń noō tə́ n Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Sḭḭ̄ de kə́ Jerusalem gə̄, m-ā m-ə́ndásí. M-ā m-ún sarya gāngə̄ḿ yā rāań yá̰a̰ kem ɓēé ta kum nápar de gə̄ tə́.

EJEKIEL 15:6

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: I kāgə̄ nduú n gḛyn̄ kənī horoó ní banī i kāgə̄ kə́ rang alé. Adə̄ de kə́ Jerusalem gə̄ ní, m-ā m-ə́la hor dɔdə́ tə́.

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

EJEKIEL 33:29

M-ā m̄-rāā ɓē ń toō kadə̄ tél dəla loo, najə̄ yá̰á̰ kə́ majaĺ ngá̰ý gə̄ ń Israel gə̄ rāān̄ ní tə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.