EJEKIEL 15:4 - Bibəl ta Sar̄

⁴ I beé alé, deē a rāań i hor ngóy. Loo ń ré hor o̰o̰ dām̄ tan kə́ jōó gə̄ ō, hor əhɔ danən ō anī, deē a rāań yá̰á̰ kógə̄ḿ ɓáý a?

Bible sar

⁴ I beé alé, deē a rāań i hor ngóy. Loo ń ré hor o̰o̰ dām̄ tan kə́ jōó gə̄ ō, hor əhɔ danən ō anī, deē a rāań yá̰á̰ kógə̄ḿ ɓáý a?

EJEKIEL 15:4 Referans Kwoze

JA̰A̰ 15:6

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

PĀ GƏ̄ 80:16

Ī-ngɔ̄m̄ kāgə̄ ń īkɔ́ ə́hɔ́ ní, ngōn̄ ń toō ń i ḭ̄ n i nge kadə̄n tɔ́gə́ ní.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

HEBƏRO 6:8

Banī ré i túpə kōn̄ gə̄ kə ngar̄ gə̄ n əɓan̄ tū tə́ anī, i dɔ nang kə́ teē yá̰a̰ alé, na̰y ngɔr kadə̄ Nə́ɓā ndɔ̄lə́n ō. Ta tɔ̄l̄ ta anī a róōnən̄ kɔ̄ɔ́ ō.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

EJEKIEL 19:14

Banī hor kógə̄ḿ teē ɓōdə̄n tə́, o̰o̰ ta jīn gə̄ ō, kanə̄n gə̄ ō. Ta jīn kə́ ngan̄g kə́ yā kadə̄ tél kāgə̄ jī yā mban̄g to̰ gətóo. A ənīn̄ pā ń toō i tītə̄ loo kənī pā yo beé.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

EJEKIEL 15:3

Deē a un kāgə̄ nduú yā tɔ́l rāā yá̰á̰ kógə̄ḿ tə́ a? Deē asə kun yā rāań yá̰á̰ kə́ yā naā yá̰a̰ rāā kəla tū tə́ tə́ a?

EJEKIEL 15:5

Dan ń ni toń kə taá ɓáý ní, deē ger̄ yá̰á̰ kə́ yā rāań alé. Anī dan ń hor əhɔn malang kɔ̄ɔ́ ní, deē a rāań i rí ɓáý?

EJEKIEL 15:6

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: I kāgə̄ nduú n gḛyn̄ kənī horoó ní banī i kāgə̄ kə́ rang alé. Adə̄ de kə́ Jerusalem gə̄ ní, m-ā m-ə́la hor dɔdə́ tə́.