EJEKIEL 15:2 - Bibəl ta Sar̄

² Ḭ̄ ngōn̄ deē, kāgə̄ nduú majə tɔȳ gotə kāgə̄ kə́ rang gə̄ a? Ta jīn gə̄ majən̄ tɔȳ ta jī kāgə̄ kə́ rang gə̄ kə́ kem ku loo tə́ a?

Bible sar

² Ḭ̄ ngōn̄ deē, *kāgə̄ nduú majə tɔȳ gotə kāgə̄ kə́ rang gə̄ a? Ta jīn gə̄ majən̄ tɔȳ ta jī kāgə̄ kə́ rang gə̄ kə́ kem ku loo tə́ a?

EJEKIEL 15:2 Referans Kwoze

OJEE 10:1

Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

JEREMI 2:21

Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

PĀ KƏ́ MAJƏ 7:12

Kó tár yāḿ, ī-reē, j-aw̄ njə̄rāá bembeé, j-aw̄ jə-ɓīī ngōn̄ ɓēé.

PĀ KƏ́ MAJƏ 6:11

M-āw̄ kem ndɔr̄ kāgə̄ nəwayēe gə̄ tə́ ka̰a̰ ngán kāgə̄ gə̄ kə́ əɓan̄ wól loo tə́, ka̰a̰ kāgə̄ nduú tə́ ké ta jīn gə̄ sitən̄ wa ō, ka̰a̰ kāgə̄ gərenadə gə̄ tə́ ké hútə̄n̄ wa ō.

PĀ KƏ́ MAJƏ 2:15

Əhɔī tal̄ gə̄ ń noō ādījí tə́, ngán tal̄ kə́ ngé nujə loo kem ndɔr̄ kāgə̄ nduú gə̄ tə́ ń noō, tām̄ kāgə̄ nduú yājí gə̄ hútə̄n̄ kɔ̄ɔ́!

JAKARI 11:2

Sḭḭ̄ kāgə̄ sipəres gə̄, ī-nōōī ādə̄ oōn̄ ndūsí, tɔdɔ̄ kāgə̄ sedər gə̄ tə́sōn̄ kɔ̄ɔ́. Nujən̄ kāgə̄ kə́ majə ngá̰ý gə̄ ń noō kɔ̄ɔ́. Sḭḭ̄ kāgə̄ sén gə̄ kə́ Basan, ī-nōōī ādə̄ oōn̄ ndūsí, tɔdɔ̄ nujən̄ ku kāgə̄ yāsí kə́ nder̄ nginding kɔ̄ɔ́.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

PĀ KƏ́ MAJƏ 2:13

Kan̄ kótə̄ kə́ ɓogə́ro gə̄ kərēn̄ dɔ kāgə̄də́ gə̄ tə́ ō, kāgə̄ nduú gə̄ hútə̄n̄ adə̄ sēēdə́ otə mbo̰o̰ ō. Madə́, ḭ́ḭ dɔɔ́, mandə yāḿ, ī-reē!

EJEKIEL 15:1

Kɔ́ɔ̄ɓē Nə́ɓā ɔr̄ najə̄ seḿ, əda na:

EJEKIEL 15:3

Deē a un kāgə̄ nduú yā tɔ́l rāā yá̰á̰ kógə̄ḿ tə́ a? Deē asə kun yā rāań yá̰á̰ kə́ yā naā yá̰a̰ rāā kəla tū tə́ tə́ a?

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.