EJEKIEL 14:8 - Bibəl ta Sar̄

⁸ M-ā m̄-rāā yá̰á̰ kógə̄ḿ kə́ majaĺ kə deē ngeé ń noō. Yá̰á̰ ń m-ā m̄-rāā seneé ní a tél i kāgə̄ najə̄. M-ā m-ɔ̄rən kə̄ gogə́ kɔ̄ɔ́ dan gír deē yāḿ gə̄ tə́. Loo ń noō tə́ ā ī-gerī kadə̄ Kɔ́ɔ̄ɓē i mā.

Bible sar

⁸ M-ā m̄-rāā yá̰á̰ kógə̄ḿ kə́ majaĺ kə deē ngeé ń noō. Yá̰á̰ ń m-ā m̄-rāā seneé ní a tél i kāgə̄ najə̄. M-ā m-ɔ̄rən kə̄ gogə́ kɔ̄ɔ́ dan gír deē yāḿ gə̄ tə́. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 14:8 Referans Kwoze

EJEKIEL 15:7

M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

JEREMI 44:11

I tāmə̄n̄ toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m̄-tūr̄ rɔ̄ḿ kə̄ rɔ̄sí tə́ yā rāāsí yá̰á̰ kə́ majaĺ ō, yā tɔ̄l̄ de gə̄ malang kə́ Juda tə́ kɔ̄ɔ́ ō.

EJEKIEL 6:7

De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

IJAI 65:15

Ngé gə̄ ń m̄-gə̄rādə́ ní a unən̄ rīsí i yā ndɔ̄lə́nń deē ngóy, nin̄ a ədan̄ na: Ādə̄ Kɔ́ɔ̄ɓē Nə́ɓā rāā adə̄ óy tītə̄ yā deē ń toō, aláa tītə̄ yā de kə́ rang ń toō! Banī ngé gə̄ ń rāān̄ kəla adə̄mə̄n̄ ní, tām̄ yādə́ tə́ ɓáa a unən̄ i rī kə́ rang.

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

LEBI GƏ̄ 17:10

Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní əsa mósə dā̰ anī, a nelə̄m̄ mā Kɔ́ɔ̄ɓē seneé aĺ ō, m-ā m-ɔ̄rən kɔ̄ɔ́ dan ngán Israel gə̄ tə́ ō.

1 KORḚNTƏ 10:11

Yá̰a̰ gə̄ ń noō malang teēn̄ dɔdə́ nin̄ tə́ i yā kɔjəń de kə́ rang gə̄ yá̰a̰ kadə̄ gerə̄n̄. Ba ndangən̄də́ kem makətūbūú i yā tāańjí jḭḭ̄ ń j-ugī ta ngóy ndɔ̄ gə̄ tə́ ní.

Makətūbə̄ ń Pol ndang adə̄ Rom gə̄ ní 11:22

Majə kadə̄ ə̄ndā kumií á̰a̰ń rāā ń Nə́ɓā rāā kem majə kə de gēé ní ō, kəndā ń a əndā katə̄n dɔdə́ tə́ ní ō. Ni-əndā katə̄n i dɔ ngé gə̄ ń əsōn̄ tə́ ní, ɔjə kem majə yān i seí ḭ̄ḭ́ ō dan ń ə̄ndā kemií dɔ kem majə yān ń toō tə́ ní. Ré i beé aĺ anī, a tə́gāī kɔ̄ɔ́ tītə̄ yādə́ ō.

EJEKIEL 13:23

I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

JEREMI 29:22

Ngé gə̄ malang ń əhɔn̄də́ Juda aw̄n̄ sedə́ Babilon tə́ ní, a ndɔ̄lə́n̄ naā i kə yá̰á̰ ń rāādə́ noō, adə̄ de gə̄ a ədan̄ na: Ādə̄ Kɔ́ɔ̄ɓē rāāī tītə̄ ń rāań Sedekias ō, Akab ō ń mban̄g kə́ Babilon gírēdə́ dɔ hor tə́ ní.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

PĀ GƏ̄ 37:22

Ngé gə̄ ń Nə́ɓā rāā majə sedə́ ní a əngen̄ dɔ nang, ba ngé gə̄ ń ni ndɔ̄ĺdə́ ní a ɔrə̄n̄də́ kɔ̄ɔ́.

PĀ GƏ̄ 34:16

Kum Kɔ́ɔ̄ɓē i kə̄ dɔ de kə́ gōtə́ gə̄ tə́ ō, nēl̄ mbīn yā koōń nōō yādə́ ō.

TƏ́DA 26:10

Dɔ nang teē tan urdə́ naā tə́ kə Kore, ndɔ̄ ń deē yā Kore gə̄ oynə̄ń malang tə́ ō, hor o̰o̰ń de gə̄ ɓú jōó kə kutə mí tə́ ō ní. Nge ń noō i kadə̄ dɔ gotə de gə̄ reēń ō, gír̄nəń yá̰a̰ ō.

TƏ́DA 19:20

Banī deē ń kə́ yḛr ba tə́go rɔ̄n aĺ ní, a ɔr̄nən̄ kɔ̄ɔ́ dan ngé kán̄ naā tə́, tām̄ ni a reē kə majaĺ yā tákə̄n loo kə́ táĺ yā Kɔ́ɔ̄ɓē. Sə̄kān̄ man̄ tə́go rɔ̄ dɔn tə́ aĺ ní ni i de kə́ yḛr.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

LEBI GƏ̄ 22:3

Ədadə́ na: De kə́ gír kaasí tə́ kə́ ngɔr ń toō, aké kə́ ndɔ̄ń tə́ ń majaĺ tákə̄n ba reē rɔ̄ yá̰a̰ ndējə̄ kə́ táĺ gə̄ ń ngán Israel gə̄ ɔrə̄n̄ kam̄ tām̄ yā Kɔ́ɔ̄ɓē tə́ ní, a ɔrnən̄ kɔ̄ɔ́ kem kəla yāḿ tə́. Mā i Kɔ́ɔ̄ɓē.

NDŪ NAJƏ̄ 28:46

Yá̰a̰ gə̄ ń noō a rāānī kadə̄ télən̄ yá̰a̰ gə̄ kə́ yā kɔjiīneé yá̰a̰ ō, yá̰á̰ kə́ kɔr kum tām̄ yāí tə́ ō. A to i tītə̄ ń noō kə́ njɔ́ḿ gə̄ tə́ tām̄ yā ngání gə̄ tə́ ō, ngán kaaí gə̄ tə́ ō.

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.

PĀ GƏ̄ 34:17

Kɔ́ɔ̄ɓē ənī ngé rāā majaĺ gə̄ rɔ̄, i yā kadə̄ əga kem deē dɔdə́ tə́ dɔ nang tə́ to̰ alé.