EJEKIEL 14:7 - Bibəl ta Sar̄

⁷ Yá̰á̰ kə́ rang ń a asə kə́ yā rāā yá̰á̰ ɓáý to̰ ní n toó: Ré ngōn̄ Israel kógə̄ḿ, aláa tə̄rā kógə̄ḿ kə́ ndi dɔ nang kə́ Israel tə́, əya̰m̄ kɔ̄ɔ́ ba aw̄ sa̰y. Ni-əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta tə́ yā gerə̄ń ń yá̰á̰ ń m̄-ndigə ní anī, i mə̄kɔ́ Kɔ́ɔ̄ɓē n m-ā m̄-tūr̄ najə̄ yā kədan ní.

Bible sar

⁷ Yá̰á̰ kə́ rang ń a asə kə́ yā rāā yá̰á̰ ɓáý to̰ ní n toó: Ré ngōn̄ *Israel kógə̄ḿ, aláa tə̄rā kógə̄ḿ kə́ ndi dɔ nang kə́ Israel tə́, əya̰m̄ kɔ̄ɔ́ ba aw̄ sa̰y. Ni-əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta *nge koō ta tə́ yā gerə̄ń ń yá̰á̰ ń m̄-ndigə ní anī, i mə̄kɔ́ Kɔ́ɔ̄ɓē n m-ā m̄-tūr̄ najə̄ yā kədan ní.

EJEKIEL 14:7 Referans Kwoze

Teē Ngán Israel gə̄ 12:48

Ré tə̄rā kə́ nge nam̄ ń ndi ɓē seí ní ndigə rāā nāā Pákə yā rɔȳń Kɔ́ɔ̄ɓē anī, ādə̄ de kə́ dəngam kə́ kem ndogə̄ yān tə́ gə̄ malang əjan̄ mɔtədə́. Loo ń noō tə́ ni-rāā rɔ̄n i ngōn̄ Israel tə́, adə̄ a asə rāā nāā Pákə. Deē ń əja mɔtən aĺ ní a əsa yá̰á̰ Pákə alé.

Makətūbə̄ ń Jud ndang ní 1:19

I nin̄ n i ngé rāā yá̰a̰ kadə̄ de gə̄ mbātə́n̄ naā ní. I háĺdə́ n o̰o̰ ɓē dɔdə́ tə́ ba i Ndíĺ Nə́ɓā alé.

OJEE 9:10

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

OJEE 4:14

M-ā m̄-rāā yá̰a̰ kə ngáńsí kə́ dəyá̰ gēé tām̄ ájə́ba ń nin̄ a rāān̄ tə́ ní aĺ ō, kə umsí kə́ dəyá̰ gēé tām̄ gól̄ ń nin̄ a gólə̄n̄ ngaadə́ gə̄ ní aĺ ō. M-ā m̄-rāā yá̰a̰ i sesí sḭḭ̄ ngé tun̄ yá̰a̰ gēé, tɔdɔ̄ āwī loo kə́ rang tə́ kə kéŕsí kə dəyá̰ ájə́ba gēé ō, ə́saī yá̰á̰ kə́ yā ɓōĺ gidə gə̄ naā tə́ kə ájə́ba gə̄ kə́ gíŕ kújə ndɔ̄ȳ yāsí gə̄ tə́ ō. Gír de gə̄ ń gerə̄n̄ kum yá̰á̰ kógə̄ḿ aĺ ní, i gír de gə̄ kə́ tadə́ tḭ̄ḭ̄ kɔ̄ɔ́ gə̄, tītə̄ ń ngɔ̄ý tām̄ ədań ní.

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ Babilon tə́.

TƏ́DA 15:29

De gə̄ ń rāān̄ yá̰á̰ kə́ majaĺ kə gō kem ndigə yādə́ aĺ ní, ká i ngán Israel gə̄, aké i tə̄rā gə̄ ń ndin̄ dandə́ tə́ ní gə̄gē anī, ndū najə̄ kə́ dɔdə́ tə́ i kógə̄ḿ beē.

TƏ́DA 15:15

Ndū najə̄ ní i tām̄ yā ngé kán naā gə̄ tə́ malang. I tām̄ yāsí sḭḭ̄ ngán Israel gə̄ tə́ ō, tə̄rā gə̄ ń ndin̄ dɔ dáńsí tə́ ní ō. I ndū najə̄ kə́ a tūr̄ aĺ ō, a to ngándáńg ō, tām̄ yāsí tə́ ta kum Kɔ́ɔ̄ɓē tə́.

LEBI GƏ̄ 24:22

Ndū najə̄ kə́ tām̄ yāsí tə́ i kógə̄ḿ beē, tām̄ yā tə̄rā tə́ ō, de kə́ kɔ́ɔ̄ ɓē tə́ ō, tɔdɔ̄ mā i Kɔ́ɔ̄ɓē Nə́ɓā yāsí.

LEBI GƏ̄ 20:2

kəda ngán Israel gə̄ na: Ré deē kógə̄ḿ kə́ ndi Israel aláa tə̄rā un ngōnən adə̄ ɓesə̄ Molok anī, a tɔ̄l̄nən̄ kɔ̄ɔ́. De kə́ kem ɓē gə̄ a tə́nīnən̄ kə mbalá yā tɔ̄lən.

LEBI GƏ̄ 16:29

Ndū najə̄ kə́ a to ngándáńg tām̄ yāsí tə́ n toó: Kə ndɔ̄ kə́ nge ko̰ kutə yā nāā kə́ nge ko̰ sīrí, ndɔ̄ ń noō tə́ ní ngán ngé ɓē gə̄ gə̄gē, tə̄rā gə̄ kə́ ngé nam̄ gə̄ ń ndin̄ dɔ dáńsí tə́ ní gə̄gē, ā ī-*ndi ɓō tām̄ yā Nə́ɓā tə́ ō, a ī-rāāī kəla aĺ ō.

Teē Ngán Israel gə̄ 20:10

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, yá̰a̰ kul̄ yāí gə̄ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla alé.

IJAI 63:17

Kɔ́ɔ̄ɓē, i tām̄ rí tə́ á ādə̄ jə-ndúm̄, j-əya̰ róbə yāí kɔ̄ɔ́ ba j-aw̄ sa̰y ní? I tām̄ rí tə́ á ə́ya̰ ngarā̰ kemjí adə̄ utə̄ ta róbə yān kɔ̄ɔ́ ō, adə̄ mbātə́ ɓōĺ ndílí ō ní? Ī-tél ī-reē sɔɔ́ń táŕ kə́ ī-táŕjí, jḭḭ ń i ngé kəla yāí gə̄ ní, jḭḭ ń i gír deē yāí gə̄ ní!

EJEKIEL 3:20

Yá̰á̰ kə́ rang ń a rāā yá̰a̰ to̰ ní n toó: Ré de kə́ gōtə́ tūr̄ gidən kɔ̄ɔ́ ta yá̰á̰ kə́ majə tə́, ba rāā yá̰á̰ kə́ majanī, m-ā m̄-rāā kadə̄ ni a əsō kum gūmbə̄ tə́ ō, ni a oy ō. Ré ḭ̄ ī-tāān najə̄ yá̰á̰ kə́ to yo ń to kété non tə́ ní aĺ anī, ni a oy sɔɔ̄ń yá̰a̰ rāān kə́ majaĺ gə̄. M-ā m-āw̄ gíŕ yá̰a̰ rāān kə́ majə kə́ kété gə̄ tə́ to̰ alé, banī m-ā m-ə̄ndā najə̄ yon i dɔí ḭ̄ tə́.

OJEE 4:5

Ā ī-bḭ́ḭ̄ dɔ róbə́ tə́ dan kadə ndaá ō, ndɔ̄ɔ́ anī, ngé koō ta gə̄ a bḭ́ḭ̄n̄ dɔ róbə́ tə́ tītə̄ yāsí ō. M-ā m̄-rāā kadə̄ kó̰ó̰sí Israel a ndi kə tan kə́ mbóó ō.

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.