EJEKIEL 14:6 - Bibəl ta Sar̄

⁶ Adə̄ ə́dá ngán Israel na: Kɔ́ɔ̄ɓē Nə́ɓā dəjesí kadə̄ ī-tūrī háĺsí ba ə́ya̰ī ɓesə̄ yāsí gə̄ kɔ̄ɔ́ ō, ī-tūrī gidəsí kɔ̄ɔ́ ta yá̰a̰ rāāsí kə́ majaĺ ngá̰ý gə̄ tə́ ō.

Bible sar

⁶ Adə̄ ə́dá ngán *Israel na: Kɔ́ɔ̄ɓē Nə́ɓā dəjesí kadə̄ ī-tūrī háĺsí ba ə́ya̰ī ɓesə̄ yāsí gə̄ kɔ̄ɔ́ ō, ī-tūrī gidəsí kɔ̄ɔ́ ta yá̰a̰ rāāsí kə́ majaĺ ngá̰ý gə̄ tə́ ō.

EJEKIEL 14:6 Referans Kwoze

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

EJEKIEL 14:4

I beé ní, ə́dádə́ yá̰á̰ ń mā Kɔ́ɔ̄ɓē Nə́ɓā m-ə́dádə́ ní: Tītə̄ ń toō ré deē kógə̄ḿ kə́ Israel tə́ əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta kógə̄ḿ tə́ anī, i mā Kɔ́ɔ̄ɓē n m-ā tūrə̄n najə̄ tə́ ní. Ba m-ā m̄-rā i dɔ ɓesə̄ yān kə́ ngá̰ý gə̄ ń ni a rɔȳdə́ tə́ ní yā tūrəń najə̄ kədan.

1 SAMUEL 7:3

Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

KƏLA RĀĀ 17:30

Nə́ɓā əhɔ gír ɓāl̄ gə̄ ń de gə̄ gerə̄n̄neé yá̰a̰ aĺ tə́ ní to̰ alé. Banī ngɔlaā ni-tāā de gə̄ malang kə̄ loo gə̄ tə́ kadə̄ tūrə̄n̄ háĺdə́.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

2 YÁ̰A̰ GƏ̄ 29:6

Tɔdɔ̄ bɔbə̄jí gə̄ rāān̄ yá̰á̰ kə́ gōtə́ aĺ ō, rāān̄ majaĺ ta kum Kɔ́ɔ̄ɓē Nə́ɓā yājí tə́ ō, nin̄ əya̰nən̄ kɔ̄ɔ́, unən̄ kumdə́ kɔ̄ɔ́ ta kújə yān tə́ ō, tūrə̄n̄ gidədə́ adə̄nən̄ ō.

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.