EJEKIEL 14:5 - Bibəl ta Sar̄

⁵ I tītə̄ ń noō n najə̄ yāḿ a əsōń kem ngán Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.

Bible sar

⁵ I tītə̄ ń noō n najə̄ yāḿ a əsōń kem ngán *Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.

EJEKIEL 14:5 Referans Kwoze

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

KOLOSƏ 1:21

Sḭḭ̄ ń kété sḭḭ̄ i sa̰y rɔ̄ Nə́ɓā tə́ ō, sḭḭ̄ i madə̄ ba̰ā̰n gə̄ ō, sɔɔ̄ń gír̄ yāsí ō, yá̰a̰ rāāsí kə́ majaĺ gə̄ ō ní,

EPEJƏ 4:18

Gír̄ yādə́ i gír̄ kə́ kum til tə́. Ndi kə kumuú ń Nə́ɓā adə̄ ní, nin̄ i tū tə́ alé, sɔɔ̄ń ger̄ yá̰a̰ aĺ kə́ ngarān̄g kemdə́ tə́ ō, kem ngan̄g yādə́ ō.

GALATƏ 6:7

Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní.

Makətūbə̄ ń Pol ndang adə̄ Rom gə̄ ní 8:7

Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

Makətūbə̄ ń Pol ndang adə̄ Rom gə̄ ní 1:30

ngé rāā mə́naā gə̄ ō, madə̄ kɔ̄l̄ Nə́ɓā gə̄ ō. Nin̄ i ngé sāā najə̄ gə̄ ō, ngé kɔjə rɔ̄də́ gə̄ ō, ngé kɔr ta rɔ̄də́ gə̄ ō. Nin̄ i ngé sāā kum kedə̄ kə́ rang gə̄ yā rāāń yá̰á̰ kə́ majaĺ gə̄ ō, ngé mbātə́ najə̄ ta bɔbə̄də́ kə kó̰ó̰də́ gə̄ tə́ ō.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

OJEE 10:2

Israel gə̄ i de kə́ rɔ̄kum aĺ gə̄. Ngɔlaā ní, nin̄ a əgān̄ kə̄rān: Kɔ́ɔ̄ɓē nəkɔ́ a tɔ̄ɔ̄ loo tun̄ yá̰a̰ yādə́ gə̄ kɔ̄ɔ́, ni a nujə mbal̄ kə́ kudə nang tə́ kə́ yā ɓōĺ gidə yādə́ gə̄ kɔ̄ɔ́.

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.