EJEKIEL 14:4 - Bibəl ta Sar̄

⁴ I beé ní, ə́dádə́ yá̰á̰ ń mā Kɔ́ɔ̄ɓē Nə́ɓā m-ə́dádə́ ní: Tītə̄ ń toō ré deē kógə̄ḿ kə́ Israel tə́ əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta kógə̄ḿ tə́ anī, i mā Kɔ́ɔ̄ɓē n m-ā tūrə̄n najə̄ tə́ ní. Ba m-ā m̄-rā i dɔ ɓesə̄ yān kə́ ngá̰ý gə̄ ń ni a rɔȳdə́ tə́ ní yā tūrəń najə̄ kədan.

Bible sar

⁴ I beé ní, ə́dádə́ yá̰á̰ ń mā Kɔ́ɔ̄ɓē Nə́ɓā m-ə́dádə́ ní: Tītə̄ ń toō ré deē kógə̄ḿ kə́ *Israel tə́ əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta *nge koō ta kógə̄ḿ tə́ anī, i mā Kɔ́ɔ̄ɓē n m-ā tūrə̄n najə̄ tə́ ní. Ba m-ā m̄-rā i dɔ ɓesə̄ yān kə́ ngá̰ý gə̄ ń ni a rɔȳdə́ tə́ ní yā tūrəń najə̄ kədan.

EJEKIEL 14:4 Referans Kwoze

EJEKIEL 14:7

Yá̰á̰ kə́ rang ń a asə kə́ yā rāā yá̰á̰ ɓáý to̰ ní n toó: Ré ngōn̄ Israel kógə̄ḿ, aláa tə̄rā kógə̄ḿ kə́ ndi dɔ nang kə́ Israel tə́, əya̰m̄ kɔ̄ɔ́ ba aw̄ sa̰y. Ni-əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta tə́ yā gerə̄ń ń yá̰á̰ ń m̄-ndigə ní anī, i mə̄kɔ́ Kɔ́ɔ̄ɓē n m-ā m̄-tūr̄ najə̄ yā kədan ní.

IJAI 66:4

I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

EJEKIEL 3:4

Deē ń a ɔr̄ najə̄ ní ədam̄ na: Ḭ̄ ngōn̄ deē, āw̄ rɔ̄ ngán Israel gə̄ tə́, ba ə́dádə́ najə̄ ń m-ā m-ə́daī ní.

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

2 MBAN̄G 1:16

Eli əda mban̄g na: Kɔ́ɔ̄ɓē əda na ə́la de gə̄ koō taá rɔ̄ Baal Jebul nə́ɓā kə́ Ekəron tə́, tītə̄ kə́ Nə́ɓā kə́ yā kadə̄ deē aw̄ koō taá rɔ̄n tə́ gətóo Israel tə́ beē ɓá ní, tə̄rá ń ī-to dɔ tə́ toō ā ḭ́ḭ kɔ̄ɔ́ dɔ tə́ karī alé a oy gáŕ.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?

EJEKIEL 14:6

Adə̄ ə́dá ngán Israel na: Kɔ́ɔ̄ɓē Nə́ɓā dəjesí kadə̄ ī-tūrī háĺsí ba ə́ya̰ī ɓesə̄ yāsí gə̄ kɔ̄ɔ́ ō, ī-tūrī gidəsí kɔ̄ɔ́ ta yá̰a̰ rāāsí kə́ majaĺ ngá̰ý gə̄ tə́ ō.

EJEKIEL 44:12

Dan ń ngán Israel gə̄ a unnə̄ń gō nə́ɓā kə́ rɔ̄kum aĺ gə̄ ní, nin̄ rāān̄ kəla adə̄n̄də́ ō, nin̄ rāān̄ adə̄ ngán Israel gə̄ mānə̄n̄ dɔ ndū Nə́ɓā ō. I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́da najə̄ ń toō ní: M-ā m̄-rāā yá̰á̰ kə́ tōr̄ sedə́ ō, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní ō.

SOPONI 1:3

M-ā m̄-rāā kadə̄ deē ndul gə̄ gətóon̄ ō, dā̰ gə̄ gətóon̄ ō, yel̄ kə́ dɔɔ́ gə̄ gətóon̄ ō, kānjə̄ gə̄ kə́ kum bā bo tə́ gətóon̄ ō. M-ā m̄-rāā kadə̄ de kə́ majaĺ gə̄ gətóon̄ ō, yá̰á̰ ń rāādə́ adə̄ a rāān̄ yá̰a̰ majaĺ ní gətóo ō. M-ā m̄-rāā kadə̄ deē ndul gə̄ a gətóon̄ kɔ̄ɔ́ dɔ nang tə́.