EJEKIEL 14:21 - Bibəl ta Sar̄

²¹ Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

Bible sar

²¹ Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

EJEKIEL 14:21 Referans Kwoze

EJEKIEL 33:27

Ə́dádə́ najə̄ ń toō ādə̄m̄: Tītə̄ ń mā Kɔ́ɔ̄ɓē m̄-ndiń kə kumḿ rɔ̄kum noó, m̄-tāāsí. Ngé gə̄ ń ndin̄ kem ɓē bo kə́ nujə kɔ̄ɔ́ gə̄ tə́ ní, a oyn̄ yo mósə ō, ngé gə̄ ń ndin̄ kem ɓē ndɔr̄ gə̄ tə́ ní, dā̰ kə́ bembeé gə̄ a əsan̄də́ ō. Ngé gə̄ ń ɓɔ̄ɔ̄n̄ rɔ̄də́ dan mbal̄ gə̄ tə́ ō, kə̄ bəlo mbal̄ gə̄ tə́ ō ní, a oyn̄ yo mo̰y ngāl̄bɔ̄gīí.

EJEKIEL 5:17

M-ā m-ə̄nī ɓō dɔsí tə́ ō, m-ā m̄-ɓōkə́ dā̰ kə́ do̰ gə̄ dɔsí tə́ ō kadə̄ tɔ̄lə̄n̄ ngánsí gə̄. Mo̰y ngāl̄bɔ̄gīí ō, yá̰á̰ kə́ rāā kə dɔ́nɔ́ ō, rɔ̄ɔ̄ ō, a nujən̄ sesí kɔ̄ɔ́. I mā Kɔ́ɔ̄ɓē n m-ɔ̄r̄ najə̄.

EJEKIEL 14:19

Aĺ ɓáa m-ə́la kə mo̰y ń rīn na i mo̰y ngāl̄bɔ̄gīí ní dɔ gír de gə̄ ń toō tə́. M-ā m̄-bə̄gā wōn̄g yāḿ kə́ ngá̰ý dɔdə́ tə́ i kə ta kūl̄ yá̰á̰ kə́ to kum kaȳ aĺ kə́ ngá̰ý ń noō. Mo̰y ní a tɔ̄l̄ de gə̄ ō, dā̰ gə̄ ō kə́ kem ɓēé kɔ̄ɔ́.

EJEKIEL 14:17

Aĺ ɓáa m-ā m̄-rāā kadə̄ de gə̄ a reēn̄ yā rɔ̄ɔ̄ gír de gə̄ ń toō. M-ā m-ə̄ndā dɔ ngé rɔ̄ɔ̄ gə̄ tə́ kadə̄ nujən̄n ɓē kɔ̄ɔ́ ō, kadə̄ tɔ̄lə̄n̄ de gə̄ ō, dā̰ gə̄ ō kɔ̄ɔ́.

EJEKIEL 14:15

Aĺ ɓáa m-ə́ya̰ dā̰ kə́ do̰ gə̄ dɔɔ́ kadə̄ rɔ̄ɔ̄n̄ de kə́ kem ɓēé ń toō tə́ gə̄. Nin̄ a tɔ̄lə̄n̄ de kə́ kemeé gə̄ malang kɔ̄ɔ́, yā kadə̄ ɓē a tél dəla loo ō, de kə́ yā nāā njə̄rā kemeé a gətóo sɔɔ̄ń ɓōĺ kə́ ni ɓōĺ dā̰ gə̄ ní ō.

EJEKIEL 14:13

Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

2 SAMUEL 24:13

Gad aw̄ ədan kəla yā Nə́ɓā ní. Ni dəjen na ké ndigə i kadə̄ ɓō əsō kem ɓē yān tə́ ɓāl̄ sīrí, aké i kadə̄ madə̄ ba̰ā̰n gə̄ ngɔ̄də̄nən̄ ba kə a̰ȳ nodə́ tə́ nāā mətá, aké i kadə mo̰y ngāl̄bɔ̄gīí əsō kem ɓēé ndɔ̄ mətá wa. Kə gír̄ dɔ tə́ ba kə ədan najə̄ ń kadə n-tél n-aw̄ n-əda nge kəlan ní.

JEREMI 27:8

Nápar de gə̄ ō, ɓē ko̰o̰ ō ń mbātə́n̄ rāā kəla kadə̄ Nabukodonosor, mban̄g kə́ Babilon tə́ ō, mbātə́n̄ kənī njúkə yān míndə́də́ tə́ ō ní, m-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāā kadə̄ nəkɔ́ tɔ̄l̄də́ kə jīneé malang kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

EJEKIEL 12:16

Ɓá tā ba m-ā m-ə́ya̰ de kə́rēý gə̄ kadə̄ teēn̄ ta rɔ̄ɔ̄ tə́ ō, ta ɓō tə́ ō, ta mo̰y ngāl̄bɔ̄gīí tə́ ō. Loo ń noō tə́ nin̄ a ənīn̄ de kə́ kem ɓēé gə̄ ń nin̄ a aw̄n̄ kə̄ tū tə́ ní, gotə yá̰a̰ malang kə́ majaĺ ngá̰ý gə̄ ń nin̄ rāān̄ ní. Adə̄ de kə́ kem ɓē ní tə́ gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 14:20

Ká ré Noe ō, Danel ō, Job ō, nin̄ i dan de kə́ kem ɓēé gə̄ tə́ anī, ra dɔ ndūdə́ tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā kə́ ndi kə kumneé n m-ə́da na i rɔ̄kum ní: Ngán kemdə́ nin̄ kɔ́ gə̄ gə̄gē nin̄ a asən̄ kajədə́ alé.

IJAI 51:19

Yá̰á̰ kə́ to kum kaȳ aĺ gə̄ əhɔn̄ naā i jōó jōó n teēn̄neé dɔí tə́ ní: Yá̰a̰ rāā kə́ kə dɔ́nɔ́ ō nujə loo ō, ɓō ō rɔ̄ɔ̄ ō. Banī i náā n a nōōī ní? I náā n a tél kə kəndā kem dɔ tə́ yā kadī gogə́ ní?

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.