EJEKIEL 14:16 - Bibəl ta Sar̄

¹⁶ Ré de kə́ mətá gə̄ ń jə-tə́daī rīdə́ kété laā ní ndin̄ kem ɓē ní tə́ anī, i nin̄ ngóy n a teēn̄ ta yo tə́ ní. I mā Kɔ́ɔ̄ɓē Nə́ɓā kə́ ndi kə kumneé n m-ə́da na i rɔ̄kum ní. Ngán kemdə́ gə̄ gə̄gē nin̄ a asən̄ kajədə́ aĺ ō, ɓē a tél dəla loo ō.

Bible sar

¹⁶ Ré de kə́ mətá gə̄ ń jə-tə́daī rīdə́ kété laā ní ndin̄ kem ɓē ní tə́ anī, i nin̄ ngóy n a teēn̄ ta yo tə́ ní. I mā Kɔ́ɔ̄ɓē Nə́ɓā kə́ ndi kə kumneé n m-ə́da na i rɔ̄kum ní. Ngán kemdə́ gə̄ gə̄gē nin̄ a asən̄ kajədə́ aĺ ō, ɓē a tél dəla loo ō.

EJEKIEL 14:16 Referans Kwoze

TA KƏLA 19:29

Dan ń Nə́ɓā a nujə ɓē kə́ kum ndágə loo tə́ gə̄ ní, əga kemən dɔ Abəraham tə́, adə̄ ni-adə̄ Lot teē kɔ̄ɔ́ kum yá̰á̰ kə́ tōr̄ tə́.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

EJEKIEL 18:20

I deē ń rāā majaĺ ní n sɔɔ̄ kadə̄ ni-oy ní. A əndan̄ ngán gə̄ tām̄ majaĺ yā bɔbə̄də́ gə̄ tə́ aĺ ō, a əndan̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō. Deē ń rāā yá̰á̰ kə́ majə ní, a əndān̄ njan tām̄ yá̰a̰ rāān gə̄ kə́ gōtə́ tə́ ō, deē ń rāā yá̰á̰ kə́ majaĺ ní, a əndanən̄ tām̄ yá̰a̰ rāān kə́ majaĺ tə́ ō.

EJEKIEL 14:20

Ká ré Noe ō, Danel ō, Job ō, nin̄ i dan de kə́ kem ɓēé gə̄ tə́ anī, ra dɔ ndūdə́ tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā kə́ ndi kə kumneé n m-ə́da na i rɔ̄kum ní: Ngán kemdə́ nin̄ kɔ́ gə̄ gə̄gē nin̄ a asən̄ kajədə́ alé.

EJEKIEL 14:18

Ré de kə́ mətá gə̄ ń j-ədaī rīdə́ kété laā ní ndin̄ kem ɓēé anī, i nin̄ ngóy n a teēn̄ ta yo tə́ ní. I mā Kɔ́ɔ̄ɓē Nə́ɓā kə́ ndi kə kumneé n m-ə́da na i rɔ̄kum ní: Ngán kemdə́ gə̄ gə̄gē nin̄ a asən̄ kajədə́ alé.

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.

Makətūbə̄ yā Job 22:20

Á̰a̰ī, nujən̄ madə̄ ba̰ā̰jí gə̄ sák sák kɔ̄ɔ́, yá̰a̰ gə̄ ń nin̄ əngen̄ ní, hor o̰o̰ kɔ̄ɔ́!