EJEKIEL 14:13 - Bibəl ta Sar̄

¹³ Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

Bible sar

¹³ Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

EJEKIEL 14:13 Referans Kwoze

EJEKIEL 4:16

Ni-əda ɓáý to̰ na: Ḭ̄ ngōn̄ deē, ōō! M-ā m̄-rāā kadə̄ yá̰a̰ kəsa ō, man̄ ō i ngá̰ý aĺ kem ɓē kə́ Jerusalem tə́. De gə̄ a mbɔ̄jə́n̄ i yá̰a̰ kəsa ō, man̄ ō adə̄ de gə̄ a ndin̄ i kə sōlōó kə dɔ ndɔ̄ gə̄.

LEBI GƏ̄ 26:26

Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.

EJEKIEL 15:8

M-ā m̄-rāā ɓē yādə́ kadə̄ tél dəla loo tām̄ ndūdə́ ń ənīn̄ adə̄mə̄n̄ ní ran̄ dɔ tə́ alé. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 14:21

Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

EJEKIEL 14:19

Aĺ ɓáa m-ə́la kə mo̰y ń rīn na i mo̰y ngāl̄bɔ̄gīí ní dɔ gír de gə̄ ń toō tə́. M-ā m̄-bə̄gā wōn̄g yāḿ kə́ ngá̰ý dɔdə́ tə́ i kə ta kūl̄ yá̰á̰ kə́ to kum kaȳ aĺ kə́ ngá̰ý ń noō. Mo̰y ní a tɔ̄l̄ de gə̄ ō, dā̰ gə̄ ō kə́ kem ɓēé kɔ̄ɔ́.

EJEKIEL 14:17

Aĺ ɓáa m-ā m̄-rāā kadə̄ de gə̄ a reēn̄ yā rɔ̄ɔ̄ gír de gə̄ ń toō. M-ā m-ə̄ndā dɔ ngé rɔ̄ɔ̄ gə̄ tə́ kadə̄ nujən̄n ɓē kɔ̄ɔ́ ō, kadə̄ tɔ̄lə̄n̄ de gə̄ ō, dā̰ gə̄ ō kɔ̄ɔ́.

EJEKIEL 5:16

M-ā m-ə̄nī ɓō dɔsí tə́ yā tɔ̄ləńsí. Ɓō ní a adə̄sí do tītə̄ ń kum gərā gə̄ a adə̄n̄neésí do ní. Yá̰a̰ kəsa gə̄ ń ī-ngɔ̄mī ní, m-ā m̄-nujəń kɔ̄ɔ́ yā tɔ̄ləńsí ɓōó.

JEREMI 32:43

Ɓē ń toō ń sḭḭ̄ ə́daī na i loo kə́ to kum ko̰o̰ ō, loo kə́ de gə̄ ō, dā̰ gə̄ ō na gətóon̄ kemeé ō, loo kə́ na əsō jī de kə́ Kalde tə́ gə̄ kɔ̄ɔ́ ō ní, de gə̄ a mangən̄ ndɔr̄ gə̄ kə́ kemeé.

IJAI 24:20

Dɔ nang bḭ́ḭ̄ tītə̄ de kə́ nge kasə rāā beé, ni mbo̰y tītə̄ kújə́ kámbə́ kə́ nél rāān beé. Yá̰a̰ rāān kə́ gōtə́ aĺ ɔyn adə̄ teē əsō, ni a asə kḭḭ dɔɔ́ gogə́ alé.

IJAI 3:1

Yá̰a̰ kəsa kə́ kəndā dɔ jī ō, man̄ ō, kə́ kem ɓē kə́ Jerusalem tə́ ō, kə́ kem ɓē ko̰o̰ kə́ Juda tə́ ō ní, Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a ɔy malang kɔ̄ɔ́. Yá̰a̰ malang ń nin̄ əndān̄ tɔ́gə́də́ dɔ tə́ ní, ni a taā jīdə́ tə́ kɔ̄ɔ́:

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

EJEKIEL 25:13

Tām̄ najə̄ ń noō tə́ ní, mā Kɔ́ɔ̄ɓē Nə́ɓā m-ə́da na: M-ā m-ɔ́jə́ tɔ́gə́ḿ dɔ Edom gə̄ tə́. De gə̄ ō dā̰ gə̄ ō kə́ kem ɓēé ń toō tə́ ní, m-ā m̄-tɔ̄l̄də́ kɔ̄ɔ́. M-ā m̄-nujə ɓē sák sák, ba m-ā m-ə́lá gír i dɔ ɓē kə́ Teman tə́, bátə́ ɓē kə́ Dedan tə́. A tɔ̄lə̄n̄ de kə́ kemeé gə̄ ta rɔ̄ɔ̄ tə́.

EJEKIEL 20:27

Ḭ̄ ngōn̄ deē, ɔr̄ najə̄ kə ngán Israel gə̄, ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toō: Kaasí gə̄ tájə̄mə̄n̄ ɓáý to̰, tām̄ nin̄ ran̄ dɔ ndūdə́ tə́ seḿ alé.

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

ESDRAS 9:6

ba m-ə́dan na: Nə́ɓā yāḿ, rɔ̄ḿ sɔlə̄m̄ ngá̰ý ō, yá̰a̰ əla jīḿ mbāḿ tə́ ō, adə̄ m-ásə kɔr̄ dɔḿ dɔɔ́ ka̰a̰ń loo kum kə̄ rɔ̄í tə́ alé. Tɔdɔ̄ yá̰á̰ kə́ gōtə́ aĺ gə̄ ń jə-rāā ní i ngá̰ý al̄ naā adə̄ tɔȳ dɔjí ō, majaĺ yājí aw̄ bátə́ ugə̄ dɔ rā̰ tə́ ō.

TA KƏLA 6:7

Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

NŌŌ RƆ̄ 1:20

Kɔ́ɔ̄ɓē, á̰a̰ wur kɔl yāḿ, kemḿ təngām̄ ngá̰ý loon tə́. Ngarā̰ kemḿ nujə, tɔdɔ̄ mā i nge mbātə́ najə̄ rɔ̄kum. Kaskar tɔ̄ɔ̄ kōōdə́ kə gō gidə looó ō, yo nujə loo kem ɓēé ō.

JEREMI 52:6

Ɓō i ngá̰ý kem ɓēé. De gə̄ əngen̄ yá̰á̰ kə́ yā kəsa to̰ alé. Kə ndɔ̄ kə́ nge ko̰ ndōhó yā nāā kə́ nge ko̰ sɔ́ anī,

EJEKIEL 6:14

M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

EJEKIEL 14:12

Kɔ́ɔ̄ɓē ɔr̄ najə̄ seḿ, ədam̄ na: