EJEKIEL 14:11 - Bibəl ta Sar̄

¹¹ I beé n ngán Israel gə̄ a əya̰mə̄n̄neé kɔ̄ɔ́ yā kaw̄ sa̰y yā kaw̄ tḭ̄ḭ̄ń ta rɔ̄də́ kɔ̄ɔ́ aĺ ní. Nin̄ a télən̄ de kə́ yḛr gə̄ sɔɔ̄ń yá̰a̰ rāādə́ kə́ gōtə́ aĺ gə̄ kə́ i ngá̰ý tə́ to̰ alé. Banī nin̄ a télən̄ gír deē yāḿ gə̄ ō, mā m-ā m̄-téĺ Nə́ɓā yādə́ ō. Najə̄ ń mā Kɔ́ɔ̄ɓē Nə́ɓā m-āwń yā kəda ní n noó.

Bible sar

¹¹ I beé n ngán *Israel gə̄ a əya̰mə̄n̄neé kɔ̄ɔ́ yā kaw̄ sa̰y yā kaw̄ tḭ̄ḭ̄ń ta rɔ̄də́ kɔ̄ɔ́ aĺ ní. Nin̄ a télən̄ de kə́ yḛr gə̄ sɔɔ̄ń yá̰a̰ rāādə́ kə́ gōtə́ aĺ gə̄ kə́ i ngá̰ý tə́ to̰ alé. Banī nin̄ a télən̄ gír deē yāḿ gə̄ ō, mā m-ā m̄-téĺ Nə́ɓā yādə́ ō. Najə̄ ń mā Kɔ́ɔ̄ɓē Nə́ɓā m-āwń yā kəda ní n noó.

EJEKIEL 14:11 Referans Kwoze

EJEKIEL 37:23

Ā ī-yḛriī rɔ̄sí kə rɔȳ nə́ɓā yāsí kə́ rɔ̄kum aĺ gə̄ to̰ aĺ ō, kə rāā yá̰á̰ kə́ majaĺ ngá̰ý gə̄ to̰ aĺ ō, kə rāā yá̰á̰ kə́ gōtə́ aĺ kə́ tayā tayā gə̄ malang to̰ aĺ ō. Yá̰a̰ gə̄ kə́ ɔjən̄ kadə̄ ī-raī dɔ ndūsí tə́ aĺ gə̄ malang ń ī-rāāī seḿ ní, m-ā m-ɔ̄r̄sí kum tə́ kɔ̄ɔ́. M-ā m̄-rāāsí kadə̄ ā ūnjī njáý njáý. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

EJEKIEL 48:11

Dɔ nang ní a i tām̄ yā ngé tun̄ yá̰a̰ gə̄ ń ɔrə̄n̄ kam̄də́ tayā dan ngán Sadok gə̄ ń əndān̄ kumdə́ gír kəla yāḿ tə́ kə gōó ō, əya̰mə̄n̄ kɔ̄ɔ́ aĺ ō dan ń Israel gə̄ əya̰mə̄n̄ kɔ̄ɔ́ tītə̄ yā ngán Lebi gə̄ ń ndómə̄n̄ ní.

EJEKIEL 44:10

Kum mbang ń ngán Israel gə̄ unən̄ róbə́ kə́ majaĺ ba əya̰mə̄n̄ kɔ̄ɔ́ yā kunəń gō ɓesə̄ yādə́ gə̄ ní, ngán Lebi gə̄ rāān̄ majaĺ tītə̄ gotə ngán Israel gə̄. I beé ɓá ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

EJEKIEL 44:15

Dan ń Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

EJEKIEL 39:22

Əla gír kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

JEREMI 32:38

Nin̄ a télən̄ gír deē yāḿ gə̄ ō, mā m̄-tél Nə́ɓā yādə́ ō.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

2 PIYER 2:15

Nin̄-əya̰n̄ róbə́ kə́ súmūú kɔ̄ɔ́ adə̄ ndúmə̄n̄. Nin̄-unən̄ róbə́ ń Balam kə́ ngōn̄ Bosor un ní. Balam ngeé ń toō gḛy nar kə́ kadə̄ adə̄nən̄ gíŕ yá̰a̰ rāān kə́ gō tə́ aĺ tə́.

HEBƏRO 8:10

Ni-əda ɓáý to̰ na: Gō ndɔ̄ gə̄ ngeé ń noō tə́ ní, madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

EJEKIEL 37:27

M-ā m̄-ndi dansí tə́. Adə̄ mā i Nə́ɓā yāsí ō, sḭḭ̄ i gír deē yāḿ gə̄ ō.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

IJAI 9:16

I tām̄ najə̄ ń toō tə́ ń Kɔ́ɔ̄ɓē rāā gan̄g ngá̰ý kə balsáa yādə́ gēé ní, kumən o̰o̰n kə ngán hal yādə́ gēé aĺ ō, kə dəyá̰ kə́ ngaa koy yādə́ gēé aĺ ō. Tām̄ nin̄ malang i de kə́ majaĺ gə̄ kə́ ngé rāā yá̰á̰ kə́ majaĺ ō, yá̰a̰ malang ń nin̄ ədan̄ ní i yá̰á̰ kə́ majaĺ ngá̰ý gə̄ ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

PĀ GƏ̄ 119:67

Kété ní m̄-gól̄ i rɔ̄ḿ adə̄ rɔ̄ḿ sɔlə̄m̄, ba ngɔlaā m̄-rāā yá̰a̰ gə̄ ń ɔ́sə kə de gēé ta rāā ní.

NDŪ NAJƏ̄ 13:11

Ā ī-tə́nāniī kə mbalá yā tɔ̄lən kɔ̄ɔ́ tām̄ ni sāā kadə̄ deē kógə̄ḿ dansí tə́ əya̰ Kɔ́ɔ̄ɓē Nə́ɓā yāsí ń i Kɔ́ɔ̄ɓē Nə́ɓā kə́ teē sesí kɔ̄ɔ́ kem ɓē ɓəloó dɔ nang kə́ Ejiptə tə́ ní.

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

NDŪ NAJƏ̄ 19:20

Gotə de gə̄ ń a oōn̄ ní, ɓōĺ a rāādə́ adə̄ deē a rāā yá̰á̰ kə́ majaĺ kə́ beē mbo̰ō̰í tə́ gogə́ to̰ alé.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

EJEKIEL 14:10

Nge koō ta ń noō ō, nge dəjen najə̄ ń noō ō ní, yá̰á̰ kə́ gōtə́ aĺ kə́ kógə̄ḿ beē nəkɔ́ ń toō ní, najə̄n i dɔdə́ tə́ mbak.

EJEKIEL 14:12

Kɔ́ɔ̄ɓē ɔr̄ najə̄ seḿ, ədam̄ na: